ကုလအတွင်းရေးမှူးချုပ်နှင့် ကမ္ဘာ့ဘဏ်ဥက္ကဋ္ဌ ဂျော်ဒန်တွင် ဒုက္ခသည်များနှင့်တွေ့ဆုံ

November 14, 2017

ကုလအတွင်းရေးမှူးချုပ်နှင့် ဒေါ်အောင်ဆန်းစုကြည်တွေ့ဆုံ၊ ရခိုင်ပြည်နယ်အရေးဆွေးနွေး

  ကုလသမဂ္ဂအတွင်းရေးမှူးချုပ် အန်တိုနီရို ဂူတာရက်စ်ဟာ နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဖိလစ်ပိုင်နိုင်ငံ မနီလာမြို့တော်မှာ တွေ့ဆုံပြီး ဘင်္ဂလားဒေ့ရ်ှရောက် ဒုက္ခသည်တွေကို ပြန်လက်ခံဖို့ တောင်းဆိုလိုက်ပါတယ်။ ကုလသမဂ္ဂအတွင်းရေးမှူးချုပ်ဟာ ဒေါ်အောင်ဆန်းစုကြည်နဲ့ နိုဝင်ဘာ ၁၃ ရက်က တွေ့ဆုံပြီး ရခိုင်ပြည်နယ် အခြေအနေနဲ့ပတ်သက်လို့  တွေ့ဆုံဆွေးနွေးခဲ့တာလို့ ကုလသမဂ္ဂက ထုတ်ပြန်ပါတယ်။ တွေ့ဆုံရာမှာ ဒုက္ခသည်တွေအတွက် လူသားချင်းစာနာမှုအကူအညီတွေပေးခွင့်ပြုဖို့၊ ဘေးကင်းလုံခြုံစွာဂုဏ်သိက္ခာရှိရှိ ဆန္ဒအလျောက် နေရပ်ပြန်နိုင်အောင်ဆောင်ရွက်ပေးဖို့နဲ့ အသိုင်းအ၀န်းနှစ်ခုအကြား စစ်မှန်တဲ့သင့်မြတ်ရေးရအောင် အားထုတ်ကြိုးပမ်းဖို့  ဒေါ်အောင်ဆန်းစုကြည်ကို မစ္စတာဂူတာရက်စ်က  ပြောကြားခဲ့တယ်လို့ သူ့ရဲ့ ပြောခွင့်ရသူက ပြောပါတယ်။ ဒါ့အပြင် ကိုဖီအာနန်ခေါင်းဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်တွေကို လိုက်နာအကောင်အထည်ဖော်လုပ်ဆောင်ဖို့ အရေးကြီးတဲ့အကြောင်း လည်း အလေးထားပြောကြားခဲ့တယ်လို့ ဆိုပါတယ်။ မနေ့က ဖိလစ်ပိုင်နိုင်ငံ မနီလာမြို့တော်မှာ ကျင်းပတဲ့ အာဆီယံ-ယူအန် ထိပ်သီး အစည်းဝေးမှာလည်း ရာသီဥတုပြောင်းလဲမှု အပါအ၀င် ကမ္ဘာမှာ ရင်ဆိုင်နေရတဲ့ စိန်ခေါ်မှုတွေကို စုပေါင်းဖြေရှင်းကြဖို့ အာဆီယံ ခေါင်းဆောင်တွေကို ကုလသမဂ္ဂ အတွင်းရေးမှူးချုပ်က တိုက်တွန်း တောင်းဆိုသွားပါတယ်။ ဒါ့အပြင် မြန်မာနိုင်ငံကနေ ဘင်္ဂလားဒေ့ရ်ှနိုင်ငံဘက်ကို ရောက်ရှိသွားတဲ့ သိန်းနဲ့ချီတဲ့ နေစရာမဲ့ ဒုက္ခသည်တွေအရေး စိုးရိမ်တဲ့အကြောင်းနဲ့ ဒေသတွင်းမတည်ငြိမ်မှုနဲ့ အစွန်းရောက်မှုကို ဖြစ်စေမယ့် အလားအလာရှိနေတယ်လို့ ပြောပါတယ်။ အလားတူ အမေရိကန် နိုင်ငံခြားရေးဝန်ကြီး ရစ်တေလာဆန်ကလည်း မြန်မာနိုင်ငံကို မသွားရောက်ခင် ဒေါ်အောင်ဆန်းစုကြည်ကို မနီလာမြို့မှာ တွေ့ဆုံဖို့ရှိနေပါတယ်။
3 years Ago

March 28, 2016

ကုလအတွင်းရေးမှူးချုပ်နှင့် ကမ္ဘာ့ဘဏ်ဥက္ကဋ္ဌ ဂျော်ဒန်တွင် ဒုက္ခသည်များနှင့်တွေ့ဆုံ

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းနဲ့ ကမ္ဘာ့ဘဏ်ဥက္ကဋ္ဌ ဂျင်မ်ယောင်ကင်မ်တို့ဟာ ဂျော်ဒန်နိုင်ငံက ဇာတာရီ ဒုက္ခသည်စခန်းကို မတ် ၂၇ ရက်နေ့က လာရောက်လည်ပတ်ပြီး ဒုက္ခသည်တွေနဲ့ တွေ့ဆုံပါတယ်။ လူငယ်ဒုက္ခသည်တွေနဲ့ စကားပြောပြီး ဆီးရီးယား မိန်းကလေးတွေရဲ့ ဖျော်ဖြေမှုကို ကြည့်ရှုပါတယ်။ အဲဒီနောက် စခန်းထဲက ကျောင်းကို သွားရောက်ပြီး စာသင်ခန်းတခန်းက စာသင်ချိန်တချိန်ကို တက်ရောက်ခဲ့ကြပါတယ်။ သူတို့ကို ဂျော်ဒန်နိုင်ငံဆိုင်ရာ ကုလသမဂ္ဂ ဒုက္ခသည်များဆိုင်ရာ မဟာမင်းကြီး အန်ဒရူး ဟာပါက စခန်းရဲ့ အခြေအနေအကြောင်း ရှင်းပြပါတယ်။ စီးပွားရေးလုပ်ပိုင်ခွင့် တိုးမြှင့်မှုနဲ့ ပညာရေး အရည်အသွေး တိုးတက်မှုတွေ ရှိနေပေမယ့် လူငယ်အလုပ်လက်မဲ့နှုန်း ကျယ်ပြန့်နေတဲ့အကြောင်းကို ဒီခရီးစဉ်က အာရုံစိုက်ထားပါတယ်။ ဆီးရီးယားသမ္မတ ဘာရှားလ် အယ်လ် အာဆတ်ကို ဆန့်ကျင်ဆန္ဒပြရာက စခဲ့တဲ့ ပြည်တွင်းစစ် ၅ နှစ်အတွင်း လူပေါင်း ၄ ဒသမ ၂သန်း နိုင်ငံစွန့်ခွာ ထွက်ပြေးခဲ့ကြပါတယ်။ လူ ၁၃ ဒသမ ၅သန်းကတော့ ဆီးရီးယားနိုင်ငံထဲမှာတင် ပြည်တွင်း စစ်ပြေးဒုက္ခသည်တွေ ဖြစ်နေပြီး အကာအကွယ်နဲ့ အကူအညီ လိုအပ်နေကြပါတယ်။ သူတို့ထဲက လူ ၆ သန်းက ကလေးတွေလို့ ကုလသမဂ္ဂက ဆိုပါတယ်။ ဇာတာရီ ဒုက္ခသည်စခန်းဟာ ဂျော်ဒန်ရဲ့ စတုတ္ထအကြီးဆုံးမြို့ဖြစ်ပြီး ဒုက္ခသည် အယောက် ၈ သောင်းခွဲ နေထိုင်ပါတယ်။
5 years Ago
Up