ကုန်တိုက်

November 22, 2021

ကယ်လီဖိုးနီးယားရှိ ကုန်တိုက်တွင် အုပ်စုဖွဲ့လုယက် ကားမောင်းထွက်ပြေးမှု ဖြစ်ပွား

အမေရိကန်ပြည်ထောင်စု  ကယ်လီဖိုးနီးယားပြည်နယ် ဘေးဧရိယာက နော့ဒ်စထရောင်းမ်ကုန်တိုက်ထဲမှာ အုပ်စုဖွဲ့ လုယက်ခိုးယူပြီး  ကုန်တိုက်အပြင်မှာ ရပ်ထားတဲ့ ကားတွေထဲ နိုင်သလောက် သယ်ပြေးတဲ့အမှုမှာ  သံသယရှိသူ ၈၀ လောက်ကို ရဲတွေက ရှာဖွေနေပါတယ်။

နိုဝင်ဘာ ၂၀ ရက်က ဝေါလ်နပ်ခရိခ်မြို့စွန်မှာ ည ၉ နာရီမတိုင်ခင် အုပ်စုဖွဲ့ ခိုးမှုအတွင်း လူ ၃ ယောက်ကို အခင်းဖြစ်ရာ နေရာမှာတင် ဖမ်းမိထားပြီးပြီလို့ ရဲက ပြောပါတယ်။

ရာဇဝတ်သား လူအုပ်ဟာ အရှိန်မြှင့်မောင်းတဲ့ ကားတွေနဲ့ ဒေသထဲကနေ ထွက်ပြေးသွားခဲ့တယ်လို့ ဒေသခံရဲက မနေ့က ကြေညာချက် ထုတ်ပြန်ပါတယ်။

နိုဝင်ဘာ ၁၉ ရက် ညကလည်း ဆန်ဖရန်စစ္စကိုမြို့က ပြည်ထောင်စုရင်ပြင်မှာ တန်ဖိုးကြီး စတိုးဆိုင်တွေကို ရဲတင်းတဲ့ လူရမ်းကားတအုပ်က ဝင်ရောက် လုယက်ခဲ့တယ်လို့ ရိုက်တာက ဖော်ပြထားပါတယ်။

2 months Ago

October 26, 2021

အမေရိကန်နိုင်ငံ ကုန်တိုက်တခုတွင် ပစ်ခတ်မှုကြောင့် ၂ ဦးသေဆုံး၊ ၄ ဦး ဒဏ်ရာရ

အမေရိကန်နိုင်ငံ အိုင်ဒါဟိုးပြည်နယ် ဘွိုက်ဇီမြို့က ကုန်တိုက်တခုမှာ အောက်တိုဘာ ၂၅ ရက်က ပစ်ခတ်မှုကြောင့် လူ ၂ ဦး သေဆုံးပြီး ၄ ဦး ဒဏ်ရာရခဲ့ပါတယ်။

တကိုယ်တော် ပစ်ခတ်သူကိုတော့ ဖမ်းဆီးခေါ်ဆောင် သွားပြီးပြီလို့ အာဏာပိုင်တွေက ပြောပါတယ်။

ဒေသစံတော်ချိန် မွန်းလွဲ ၂ နာရီ မတိုင်ခင်မှာ ဘွိုက်ဇီ မြို့ရင်ပြင်က ကုန်တိုက်တန်းမှာ ပစ်ခတ်မှု ဖြစ်ခဲ့တာလို့ ဘွိုက်ဇီရဲမှူး ရိုင်ယန်လီးက သတင်းစာရှင်းလင်းပွဲမှာ ပြောပါတယ်။

ရဲအရာရှိတွေ အခင်းဖြစ်ရာကို ရောက်ချိန်မှာ သံသယရှိသူနဲ့ အပြန်အလှန်ပစ်ခတ်ခဲ့ကြတာကြောင့် အရာရှိတယောက် ဒဏ်ရာရပြီး သံသယရှိသူကို ဖမ်းမိခဲ့တယ်လို့ ရဲမှူးက ဆက်ပြောပါတယ်။ 

ပစ်ခတ်သူတယောက်သာရှိပြီး လူ့အဖွဲ့အစည်းအပေါ် ခြိမ်းခြောက်မှု မရှိတော့ဘူးလို့ သူက ဆက်ပြောပါတယ်။ သံသယရှိသူနဲ့ ပတ်သက်တဲ့ သတင်းအချက်အလက်တွေကိုတော့ မရသေးပါဘူး။ 

၏ပစ်ခတ်ရတဲ့ နောက်ကွယ်က ဘယ်လိုအကြောင်းရင်းကိုမဆို ခုချိန်မှာ မပြောနိုင်သေးဘူးလို့ ရဲမှူးက ပြောပါတယ်။

ဘွိုက်ဇီမြို့ရင်ပြင်ဟာ အိုင်ဒါဟိုးပြည်နယ်ရဲ့ မြို့တော်အနောက်ပိုင်းမှာ ရှိပြီး လူဦးရေ ၂ သောင်းခွဲလောက် နေထိုင်ပါတယ်။

3 months Ago
More News
Up