ကိုဗစ်-၁၉ အတည်ပြုလူနာ

July 28, 2021

ဝက်လက်မြို့နယ်တွင် ကိုဗစ်-၁၉ အတည်ပြုလူနာ ၃၀၀ ကျော်ထိရှိလာ

စစ်ကိုင်းတိုင်း၊ ဝက်လက်မြို့မှာ ဇွန်လ ၁၁ ရက်နေ့ကစပြီး ဇူလိုင်လ ၂၇ ရက်နေ့အထိ ကိုဗစ်-၁၉ တတိယလှိုင်းမှာ ရောဂါကူးစက်ခံရသူ သုံးရာကျော်ရှိသွားပြီလို့ မြို့နယ်ကိုဗစ်-၁၉ ထိန်းချုပ်ရေးနဲ့ အရေးပေါ်တုံ့ပြန်ရေးကော်မတီက ထုတ်ပြန်ကြေညာလိုက်တာဖြစ်ပါတယ်။

ပိုးတွေ့ဆက်စပ်သူတွေနဲ့ ကိုဗစ်-၁၉ သံသယလက္ခဏာသတင်းပေးပို့သူတွေကိုသာ စစ်ဆေး အတည်ပြုထားတာဖြစ်လို့ အခြားအတည်ပြုလို့မရတဲ့ ရောဂါဝေဒနာရှင်တွေလည်း ရှိနိုင်တာ ကြောင့် ကိုဗစ်-၁၉ စည်ကမ်းနဲ့အညီ နေထိုင်သွားလာကြဖို့ကိုလည်း ကော်မတီက တိုက်တွန်း ထားတာ ဖြစ်ပါတယ်။

ဝက်လက်မြို့နယ်အတွင်းမှာ COVID-19 အတည်ပြုလူနာ ၃၁၃ ဦးရှိခဲ့ပြီး၊ သက်သာ ပျောက်ကင်းခဲ့သူ ၁၇၀ ဦးရှိကာ၊ သေဆုံးသူ ၁၇ ဦးရှိပြီး လတ်တလော ကုသဆဲလူနာ ၁၂၆ ဦး ရှိတယ်လို့ မြို့နယ်ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ဆီက သိရပါတယ်။

Photo- ဇူလိုင်လ ၂၅ ရက်နေ့က ဝက်လက်မြို့မြင်ကွင်း။

2 days Ago

July 23, 2021

ခင်ဦးမြို့တွင် တရက်တည်း ကိုဗစ်-၁၉ အတည်ပြုလူနာ ၄၄ ဦးတွေ့ရှိ

စစ်ကိုင်းတိုင်း၊ ခင်ဦးမြို့မှာ ဇူလိုင် ၂၂ ရက်နေ့က ကိုဗစ်-၁၉ အတည်ပြုလူနာ ၄၄ ဦးတွေ့ရှိတယ်လို့ ကြက်ခြေနီအသင်းကနေ သိရပါတယ်။

“ရပ်ကွက်နဲ့ကျေးရွာ ၁၄ ခုက လူထုကို Test kit နဲ့ စစ်ဆေးတာ ကိုဗစ်အတည်ပြု ၄၄ ဦးတွေ့တယ်။ ကိုဗစ်တတိယလှိုင်းမှာ အတည်ပြုလူနာ အများဆုံးတွေ့ခဲ့တာ”လို့ကြက်ခြေနီအသင်း တာဝန်ရှိသူတစ်ဦးက ပြောပါတယ်။

ခင်ဦးမြို့နယ်မှာ ကိုဗစ်-၁၉ ရောဂါဖြစ်ပွားမှုဟာ ကျေးရွာတွေကအများဆုံးဖြစ်နေပြီး၊ ကိုဗစ်စည်းကမ်းလိုက်နာဖို့ အထူးသဖြင့်လိုအပ်နေပြီလိုလည်း ဆိုပါတယ်။

ကိုဗစ်အတည်ပြုလူနာတွေကို မြို့နယ်ဆေးရုံ Positive စင်တာ၊ ပေါင်းလည်းကုန်းကျေးရွာ Positive စင်တာ၊ အောင်ချမ်းသာ အလက(ခွဲ) Positive စင်တာ၊ စင်တာ ၃ ခုထား ကုသပေးနေပါတယ်။

ခင်ဦးမြို့နယ်မှာ ဇူလိုင် ၁ ရက်မှ ၂၂ ရက်နေ့အထိ ကိုဗစ်အတည်ပြုလူနာ ၂၆၉ ဦး၊ သက်သာပျောက်ကင်းလို့ ဆေးရုံကဆင်းခွင့်ရသူ ၉၅ ဦးရှိကာ  သေဆုံးသူ ၃ ဦးနဲ့ လတ်တလောကုသပေးနေသူ ၁၇၁ ဦးရှိတယ်လို့သိရပါတယ်။

7 days Ago
More News
Up