ကိုဗစ်-၁၉ ရောဂါပိုးတွေ့

December 30, 2020

ချွန်းပူးရီးခရိုင်တွင် ကိုဗစ်-၁၉ ရောဂါပိုးတွေ့ မြန်မာလုပ်သား ၁၆ ဦးကို လိုက်လံရှာဖွေ   

ထိုင်းနိုင်ငံ အရှေ့တောင်ပိုင်း ချွန်းပူးရီးခရိုင်ထဲမှာ ကိုဗစ်-၁၉ ရောဂါကူးစက်ခံထားရတဲ့  မြန်မာရွှေ့ ပြောင်းအလုပ်သမား ၁၆ ဦးကို တာဝန်ရှိသူတွေက လိုက်လံရှာဖွေခဲ့ကြတယ်လို့  Amarin ထိုင်း တီဗွီသတင်းမှာ ဖော်ပြပါတယ်။  အဆိုပါ အလုပ်သမားတွေဟာ မူလက ပရာကျင်းပူးရီးခရိုင်မှာနေထိုင်ပြီး ပြီးခဲ့တဲ့ ရက်ပိုင်းမှာ အလုပ်ရှင်က သူတို့ကို ချွန်းပူးရီးခရိုင်သို့ ခေါ်ဆောင်လာခဲ့ကြောင်း၊ ချွန်းပူးရီးခရိုင် ဆီရား ချားမြို့နယ်ရှိ ဆေးခန်းတစ်ခုမှာ အလုပ်ရှင်က သူတို့အားလုံးကို ကိုဗစ်-၁၉ ရောဂါပိုး စစ်ဆေး ပေးခဲ့တယ်လို့  ချွန်းပူးရီးခရိုင်ဝန် နိုင်းဖတ်ခရဖွန်း ထိန်းချိုင်းက ဒီဇင်ဘာ ၂၉ ရက် သတင်းစာ ရှင်းပွဲမှာ ပြောပါတယ် ။  ပိုးစစ်ချက်အဖြေထွက်လာတော့ ၁၆ ဦးလုံး ရောဂါကူးစက်ခံထားရပေမဲ့ အဲဒီ အလုပ်သမားတွေဟာ ချွန်းပူးရီးမှာ ရှိမနေတော့သလို အလုပ်ရှင်ကိုလည်း ဆက်သွယ်လို့ မရသေး ဘူးလို့ ခရိုင်ဝန်က ဆက်ပြောပါတယ် ။  အဲဒီနောက် တာဝန်ရှိသူတွေက စုံစမ်းရှာဖွေရာမှာ သူတို့ဟာ ကားတစ်စီးနဲ့အတူ လယောင်း ခရိုင် နိခုမ်းဖတ်ထနားမြို့နယ်ရှိ အလုပ်သမားတန်းလျားတစ်ခုမှာ ရောက်ရှိနေကြောင်း သိရတဲ့ အတွက် ယမန်နေ့ မွန်းလွဲပိုင်းမှာ သွားရောက်ဖမ်းဆီးပြီး အသွားအလာကန့်သတ်လိုက်ပါတယ်။  သူတို့ကို တင်ခေါ်သွားတဲ့ ကားသမားကိုတော့ မတွေ့သေးပါဘူး။ အဆိုပါ အလုပ်သမားတွေ ရောက်ရှိနေတဲ့ နေရာမှာ အလုပ်သမားနဲ့ မိသားစုဝင်တွေ စုစုပေါင်း ၁၂၈ ဦး နေထိုင်ပြီး တာဝန်ရှိသူတွေ သွားရောက်စစ်ဆေးချိန်က ၅၇ ဦးသာ ကျန်ကြောင်း ၊ ဒါကြောင့် လွတ်မြောက်နေ တဲ့ ၇၁ ဦးအနေနဲ့ ကိုဗစ်-၁၉ ရှိမရှိ စောင့်ကြည့်စစ်ဆေးနိုင်ဖို့ အမြန်လာရောက် သတင်းပို့ဖို့ သက်ဆိုင်ရာက အမိန့်ထုတ်ထားပါတယ်။  ထိုင်းနိုင်ငံမှာ ကိုဗစ်-၁၉ ကူးစက်ခံထားရတဲ့ ရွှေ့ပြောင်းအလုပ်သမား စုစုပေါင်း ၁၃၈၃ ယောက် ရှိပြီး အများစုမှာ ဆမွတ်ဆာခွန်းခရိုင်က မြန်မာလုပ်သားတွေ ဖြစ်ပါတယ်။  ထိုင်းနိုင်ငံရဲ့ ဒီကနေ့ ကိုဗစ်-၁၉ ပိုးတွေ့လူနာသစ် အယောက် ၂၅၀ ရှိပြီး ဇန်နဝါရီလမှ ဒီနေ့အထိ စုစုပေါင်း ၆၆၉၀ ယောက်  ၊ သက်သာပျောက်ကင်းသူ ၄၂၁၂ ယောက် နဲ့ သေဆုံးသူ ၆၁ ယောက် ရှိပါတယ်။  ကိုးကား- Amarintv/Ch7 
5 months Ago

December 25, 2020

လက်ပံတန်းက ရင်ကျပ်လူနာ ဆေးရုံပို့စဉ် သေဆုံး၊ ကိုဗစ်-၁၉ ရောဂါပိုးတွေ့ရှိ

ပဲခူးတိုင်းဒေသကြီး၊ လက်ပံတန်းမြို့မှာ  ဒီဇင်ဘာ ၂၅ ရက်နေ့ မနက်ပိုင်းက  ရင်ကျပ်မောပန်းနေသူတစ်ဦးကို ဆေးရုံကို ပို့ဆောင်စဥ် လမ်းတွင်သေဆုံးသွားတာကြောင့် RDT နဲ့ စစ်ဆေးတဲ့အခါ ကိုဗစ်-၁၉ ရောဂါပိုးတွေ့ရှိခဲ့တယ်လို့ သိရပါတယ်။ မြို့နယ် ကိုဗစ်အထောက်အကူပြုကော်မတီဥက္ကဋ္ဌ ဦးဇော်ထက်နိုင်က “အသက် ၇၅ နှစ်ရှိတဲ့ နဲနမိတ်လမ်းက လူက နေမကောင်းလို့ ဆေးခန်းကို လာပြတယ်။ မောနေကျပ်နေတာဖြစ်တဲ့အတွက် ဆရာဝန်ကြီးက ဆိုက်ကားပေါ်က မဆင်းခိုင်းဘဲနဲ့ ကျနော်တို့အဖွဲ့ကို အကူအညီတောင်းပြီး ဆေးစစ်ဖို့ ဆေးရုံသံဃာဆောင်ကို သယ်ခိုင်းတာ လမ်းမှာတင်ဆုံးသွားတယ်။” လို့ ပြောပါတယ်။ သေဆုံးသွားသူဟာ မအူကုန်းရပ်ကွက် နဲနမိတ်လမ်းက ဖြစ်ပြီး  သူနဲ့ဆက်စပ်တဲ့ မိသားစု ၄ ယောက်ကို စစ်ဆေးရာမှာလည်း ၃ ယောက်မှာ ကိုဗစ်-၁၉ ရောဂါပိုးတွေ့ရှိခဲ့တယ်လို့ ဆိုပါတယ်။ အဲဒီနဲနမိတ်လမ်းမှာ မနေ့ကနဲ့ ဒီနေ့မနက်ပေါင်း အခုသေဆုံးလူနာ အပါအဝင် စုစုပေါင်း ကိုဗစ်-၁၉ လူနာ ၁၁ ဦးတွေ့ရှိခဲ့တာကြောင့် လမ်းကို lockdown ချလိုက်ပြီလို့ ဆိုပါတယ်။ လက်ပံတန်းမြို့နယ်မှာ  ဒီဇင်ဘာ ၂၅ ရက်နေ့ မနက်ပိုင်းအထိ ကိုဗစ်-၁၉ ရောဂါပိုးတွေ့ရှိသူ ၄၄၁ ဦးရှိတဲ့အနက် လက်ရှိ ကုသမှုခံယူနေသူ ၃၇ ဦးနဲ့ သေဆုံးသူ ၁ ဦးရှိပြီလို့ မြို့နယ်ဆရာဝန်ကြီး ဒေါက်တာရဲဝင်းထံက သိရှိရပါတယ်။ ဝဏ္ဏထွန်း
5 months Ago
More News
Up