ကိုဗစ်-၁၉ ကူးစက်ခံရသူ

August 4, 2021

ကမ္ဘာတဝန်း ကိုဗစ်-၁၉ ကူးစက်ခံရသူ သန်း ၂၀၀ ကျော်လာ

ကမ္ဘာတဝန်း ကိုဗစ်-၁၉ ရောဂါကူးစက်ခံရသူအရေအတွက်ဟာ သန်း ၂၀၀ ကျော် လာခဲ့ပြီဖြစ်ကာ သန်းချီကူးစက်ခံရတဲ့ နိုင်ငံပေါင်း ၃၁ နိုင်ငံထိ ရှိလာပါတယ်။

တကမ္ဘာလုံးအတိုင်းအတာနဲ့ သေဆုံးသူအရေအတွက်ကတော့ ၄ ဒသမ ၂ ၅ သန်း ကျော်နဲ့ ရောဂါပြန်လည်ပျောက်ကင်းလာသူအရေအတွက်ကတော့ ၁၈၀ ဒသမ ၅ သန်း ကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၆ သန်းကျော်၊ သေဆုံးသူ ၆ သိန်း ၃ သောင်းကျော် ရှိနေပြီး သူ့နောက်မှာတော့ အိန္ဒိယ နိုင်ငံက ကူးစက်ခံရသူ ၃၁ ဒသမ ၇ သန်းကျော်၊ သေဆုံးသူ ၄ သိန်း ၂ သောင်းကျော်နဲ့ ရှိ နေပါတယ်။

တတိယနေရာမှာတော့ ဘရာဇီးနိုင်ငံက ကိုဗစ်-၁၉ ရောဂါကူးစက်ခံရသူ သန်း ၂၀ နီးပါး၊ သေဆုံးသူ ၅ သိန်းခွဲကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါ တယ်။

အဲဒီ ၃ နိုင်ငံနောက်မှာတော့ ရုရှားနဲ့ ပြင်သစ်နိုင်ငံတွေက ကူးစက်ခံရသူ ၆ သန်း ကျော်၊ ယူကေနဲ့ တူရကီနိုင်ငံတွေက ကူးစက်ခံရသူ ၅ သန်းကျော်၊ အာဂျင်တီးနား၊ ကိုလံဘီယာ၊ စပိန်နဲ့ အီတလီနိုင်ငံတွေက ကူးစက်ခံရသူ ၄ သန်းကျော်၊ အီရန်၊ ဂျာမနီနဲ့ အင်ဒိုနီးရှားနိုင်ငံတွေက ကူးစက်ခံရသူ ၃ သန်းကျော်၊ ပိုလန်၊ မက္ကဆီကို၊ တောင်အာဖရိက၊ ယူကရိန်းနဲ့ ပီရူးနိုင်ငံတွေက ကူးစက်ခံရသူ ၂ သန်းကျော်စီ ရှိနေပါတယ်။

အဲဒီနောက်မှာတော့ နယ်သာလန်၊ ချက်သမ္မတနိုင်ငံ၊ အီရတ်၊ ချီလီ၊ ဖိလစ်ပိုင်၊ ကနေဒါ၊ ဘင်္ဂလားဒေ့ရှ်၊ မလေးရှား၊ ဘယ်လ်ဂျီယမ်၊ ဆွီဒင်၊ ရိုမေးနီးယား၊ ပါကစ္စတန် နိုင်ငံတွေမှာလည်း ကိုဗစ်-၁၉ ရောဂါကူးစက်ခံရသူ အရေအတွက် ၁ သန်းကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါကူးစက်ခံရသူ ဦးရေ ၁ သန်း ကျော် လာခဲ့တဲ့ နိုင်ငံပေါင်း ၃၁ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ်မှာ ဖော်ပြ ထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၃ ထောင်ကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအ လိုက် အမှတ်စဉ် ၁၀၇ နေရာထိ ကျဆင်းသွားခဲ့ပါတယ်။

အာဆီယံဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အ မြင့်ဆုံးနိုင်ငံတွေအဖြစ် အင်ဒိုနီးရှား၊ ဖိလစ်ပိုင်နိုင်ငံတွေနဲ့အတူ မလေးရှားနိုင်ငံမှာပါ ရော ဂါကူးစက်ခံရသူ ၁ သန်းကျော်ခဲ့ပြီ ဖြစ်တာမို့ စုစုပေါင်း ၃ နိုင်ငံ ရှိလာခဲ့ပြီ ဖြစ်ပါတယ်။

အာရှဒေသတွင်း နိုင်ငံတွေဖြစ်ကြတဲ့ ဂျပန်နိုင်ငံမှာတော့ ကိုဗစ်-၁၉ ရောဂါ ကူးစက် ခံရသူ ၉ သိန်းကျော်၊ အစ္စရေးနိုင်ငံမှာတော့ ၈ သိန်းကျော်စီ အသီးသီး ရှိနေတာ ဖြစ်ပါ တယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၃၁၁,၀၆၇ ယောက်၊ သေဆုံးသူ ၁၀,၃၇၃ ယောက်နဲ့ အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်မှုနဲ့ သေဆုံးမှုအများဆုံးနိုင်ငံတွေထဲမှာ ပါဝင်နေပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၆ သိန်း ၇ သောင်းကျော်နဲ့ သေဆုံးသူ ၅,၅၀၀ ကျော် ရှိနေပါ တယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁ သိန်း ၇  သောင်းကျော်နဲ့ သေဆုံးသူ ၂,၀၀၀ ကျော် ရှိနေပြီ ဖြစ်ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၇ သောင်း ၉ ထောင်ကျော်နဲ့ သေဆုံးသူ ၁,၄၀၀ ကျော်ရှိနေပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်းခွဲကျော်နဲ့ သေ ဆုံးသူအရေအတွက် ၃၈ ယောက်ရှိနေတာ ဖြစ်ပါတယ်။

လာအိုနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၇,၀၀၀ ကျော် နဲ့ သေဆုံးသူ ၇ ယောက်ရှိနေပြီး ဘရူနိုင်းနိုင်ငံမှာတော့ ရောဂါ ကူးစက်ခံရသူ ၃၃၈ ယောက်နဲ့ သေဆုံးသူအရေအတွက် ၃ ယောက် ရှိနေပါတယ်။

2 months Ago

July 27, 2021

ရခိုင်ပြည်နယ်၌ နှစ်လအတွင်း ကိုဗစ်-၁၉ ကူးစက်ခံရသူ ၂၃၃၇ ဦး၊ သေဆုံးသူ ၁၁၈ ဦးရှိ

ရခိုင်ပြည်နယ်မှာ  မေလ ၂၅ ရက်မှ ဇူလိုင် ၂၆ ရက်အထိ နှစ်လအတွင်း  ကိုဗစ်-၁၉ ရောဂါကူးစက်ခံရသူ ၂၃၃၇ ယောက်ရှိပြီး သေဆုံးတဲ့သူ ၁၁၈ ယောက်ရှိတယ်လို့ ပြည်နယ် ကျန်းမာရေးဌာနက ထုတ်ပြန်ပါတယ်။

ကိုဗစ်ပိုးတွေ့လူနာတွေကတော့ စစ်တွေမြို့နယ်က ၄၅၂ ယောက်၊ ပုဏ္ဏားကျွန်းမြို့နယ်က အယောက်  ၃၀ ၊ ပေါက်တောမြို့နယ်က ၂၄ ယောက်၊ ရသေ့တောင်မြို့နယ်က ၂၂ ယောက်၊ မြောက်ဦးမြို့နယ်က ၆၃ ယောက်၊ ကျောက်တော်မြို့နယ်က ၉၄ ယောက်၊ မင်းပြားမြို့နယ်က ၂၆ ယောက်၊ မြေပုံမြို့နယ်က ၁၈ ယောက်ရှိပါတယ်။

ကျောက်ဖြူမြို့နယ်မှာတော့ အယောက် ၂၅၀၊ ရမ်းဗြဲမြို့နယ်က ၆၄ ယောက်၊ မာန်အောင်မြို့နယ်က ၃၃ ယောက်၊ အမ်းမြို့နယ်က ၇၈ ယောက်၊ သံတွဲမြို့နယ်က ၂၂၅ ယောက်၊ တောင်ဂုတ်မြို့နယ်က ၁၄၄ ယောက်၊ ဂွမြို့နယ်က ၃၀၁ယောက်၊ မောင်တောမြို့နယ်က ၄၁၆ ယောက်နဲ့ ဘူးသီးတောင်မြို့နယ်က ၉၇ ယောက်မှာ ကိုဗစ်ရောဂါပိုးတွေ့ရှိခဲ့တာလို့ ဆိုပါတယ်။

အဆိုပါ ကိုဗစ် လူနာတွေထဲက ကျန်းမာရေးပြန်လည်ကောင်းမွန်လာပြီးတော့ ဆေးရုံကနေ ဆင်းခွင့်ရတဲ့သူ ၁၀၅၀ ယောက်ရှိပြီး ဆေးကုသမှုခံယူနေဆဲလူနာ ၁၁၆၉ ယောက်ရှိတယ်လို့ သိရပါတယ်။

ရခိုင်ပြည်နယ် ကျေးရွာတွေမှာ အနံပျောက်၊ ဖျားနာ၊ ချောင်းဆိုးတဲ့သူတွေများပြားနေပေမယ့် တိုက်နယ်အဆင့်ဆေးရုံတွေမှာ ကိုဗစ်စစ်ဆေးတဲ့ စင်တာတွေမရှိသလို ဆေးရုံသွားပြမှသာ သံသယလူနာအဖြစ် မြို့နယ်တွေကို လွှဲပြောင်ပေးတာဖြစ်လို့ ရောဂါကူးစက်နှုန်းများပြားနိုင်တယ်လို့ ဒေသခံက ပြောပါတယ်။

ပရဟိတအဖွဲ့တွေအနေနဲ့ သက်ဆိုင်ရာ မြို့နယ်အလိုက် အောက်ဆီဂျင်ရရှိရေးနဲ့ အောက်ဆီဂျင်စက်ရုံတည်ဆောက်ရေးအတွက် အလှူငွေကောက်ခံတာတွေလုပ်ဆောင်နေသလို ရောဂါကွယ်ထိန်းချုပ်နိုင်ရေး အစွမ်းကုန် ကြိုးပမ်နေတယ်လို့ ပရဟိတအဖွဲ့ဝင်တစ်ယောက်က ဆိုပါတယ်။

ဒါအပြင် ရခိုင်ပြည်နယ်အတွင်းမှာ ကိုဗစ်ရောဂါထိန်းချုပ်နိုင်ရေးအတွက် ရခိုင်အမျိုးသားအဖွဲချုပ် ULA/AA က ဇူလိုင်လ ၂၀ ရက်မှ  သြဂုတ် ၄ ရက်နေ့ထိ မိမိအိမ်မှာနေထိုင်ကြဖို့ Stay at Home ထုတ်ပြန်ချက်ကို ရခိုင်ပြည်သူအများစု လိုက်နာကြတယ်လို့ သိရပါတယ်။

ဓာတ်ပုံ-PDYO

2 months Ago
More News
Up