ကိုဗစ်စည်းကမ်း

January 21, 2022

ကိုဗစ်စည်းကမ်းများအပေါ် ပြင်သစ်ကျောင်းဆရာများ ဒုတိယအကြိမ် လမ်းပေါ်ထွက် ဆန္ဒပြ

အစိုးရရဲ့ ကိုဗစ်-၁၉ ဥပဒေစည်းကမ်းတွေကို ဒေါသထွက်နေတဲ့ ရာနဲ့ချီတဲ့ ပြင်သစ်ကျောင်း ဆရာတွေက ပဲရစ်မြို့ လမ်းတွေပေါ်ထွက် ဒုတိယအကြိမ် ဆန္ဒပြခဲ့ကြပါတယ်။

ဆရာတွေနဲ့အတူ ကျောင်းအုပ်ချုပ်ရေးအဖွဲ့တွေ၊ မိဘတွေပါ ပူးပေါင်းပါဝင်ပြီး ကျောင်းတွေမှာ မကြာခဏ ပြောင်းလဲသတ်မှတ်နေတဲ့ ကိုဗစ်စည်းကမ်းတွေကို ရှင်းရှင်းလင်းလင်း ဖြေရှင်းပေးဖို့ တောင်းဆိုခဲ့ပါတယ်။

အသက် ၃၀ အရွယ် တက္ကသိုလ်ဆရာ အဒရီယန် ပီချာဒ် က “ဆရာတွေရော၊ ကျောင်းသားတွေရော အားလုံးကို အကာကွယ်ပေးမယ့် ကျန်းမာရေးဆောင်ရွက်မှုတွေကို လိုချင်တာပါ။ အခု တက္ကသိုလ်တွေမှာ စာမေးပွဲတွေ စတော့မယ်၊ ကျောင်းသား ၂၀၀ ကျော်က နှာခေါင်းစည်းတပ်ပြီး စာထိုင်ဖြေရမှာလား၊ သူတို့ကို FFP2 mask တွေ ပေးမထားဘူး၊  ကျောင်းမှာ CO2 monitor တွေ မရှိဘူး၊ အခန်းတွေ လေဝင်လေထွက် မကောင်းဘူး၊ ဗိုင်းရပ်စ်တွေ ဖြန့်ချိနေသလိုဖြစ်မယ်၊ နောက်ပြီး ဆရာတွေရဲ့ လစာ တိုးတက်မလာဘူး” လို့ ပြောပါတယ်။

ပြင်သစ်မှာ ဇန်နဝါရီ ၂၀ ရက်နေ့က ကိုရိုနာဗိုင်းရပ်စ်ကူးစက်ခံရသူ ၁ သန်းခွဲနီးပါး ရှိနေတာပါ။ အိုမီခရွန်ကူးစက်မှု မြင့်မားလာနေပြီး စနစ်တကျ ထိန်းချုပ်ရေးအစီအစဉ်တွေမရှိသေးဘဲနဲ့ ဝန်ကြီးချုပ်က ကန့်သတ်မှုတွေ ဖယ်ရှားမယ်လို့ ကြေညာခဲ့တာကို  ဒေါသဖြစ်နေကြတာပါ။

1 week Ago

January 16, 2022

ရောမမြို့တွင် ကိုဗစ်စည်းကမ်း တင်းကျပ်သည့်အပေါ် လူထောင်ချီဆန္ဒပြ

အီတလီနိုင်ငံ၊ ရောမမြို့မှာ အစိုးရရဲ့ ကိုဗစ်-၁၉ တင်းကျပ်တဲ့ ထိန်းချုပ်မှုတွေကို ဇန်နဝါရီ ၁၅ ရက်က  လူထောင်ချီ ကန့်ကွက် ဆန္ဒပြခဲ့ပြီး လူ့အခွင့်အရေးနဲ့ ကာကွယ်ဆေးမထိုးဘဲ နေထိုင်ခွင့်ကို တောင်းဆိုခဲ့ ကြပါတယ်။

ပြီးခဲ့တဲ့အပတ်မှာ ဝန်ကြီးချုပ် မာရီယိုဒရက်ဂီရဲ့အစိုးရက အသက် ၅၀ အထက် လူတိုင်း ကာကွယ်ဆေး မထိုးမနေရ သတ်မှတ်ခဲ့ပြီး စားသောက်ဆိုင်၊ ဈေးဆိုင်တွေနဲ့ အများပြည်သူ ခရီးသွားလာတဲ့ယာဉ်တွေ အဆောက်အအုံ နေရာတွေမှာ ကာကွယ်ဆေးထိုးပြီးအထောက်အထား ပြဝင်ရမယ်လို့ ကြေညာထားတာကို ကန့်ကွက်ကြတာပါ။

အီတလီမှာ ၂၀၂၀ ဖေဖော်ဝါရီ ကိုဗစ်ကပ်ဘေး စတင်ကတည်းက လူ ၁၄၀,၈၅၆ ဦး သေဆုံးခဲ့ပြီး ဥရောပမှာ ဗြိတိန်ပြီးရင် အများဆုံးသေဆုံးမှုပါ။ 

အီတလီမှာ မနေ့ကတရက်တည်း  ကိုဗစ်-၁၉ နဲ့ဆက်စပ်တဲ့ ဗိုင်းရပ်စ် ကူးစက်ခံရသူ ၁၈၆,၂၅၃ ဦးရှိပြီး ၃၆၀ ဦး  သေဆုံးခဲ့ပါတယ်။

2 weeks Ago
More News
Up