ကိုဗစ်ကာကွယ်ဆေး

June 13, 2021

ထိုင်းတွင် ဆရာ၊ဆရာမ ၄၅,၀၀၀ ကျော်ကို ကိုဗစ်ကာကွယ်ဆေးထိုးပေးမည်

ထိုင်းနိုင်ငံမှာ ဆရာဆရာမ ဦးရေ ၄၅,၀၀၀ ကျော်ကို အခုသီတင်းပတ်ထဲမှာ ကိုဗစ်- ၁၉ ကာကွယ်ဆေးထိုးနှံပေးသွားမယ်လို့ နေးရှင်းသတင်းမှာ ဖော်ပြပါတယ်။

ထိုင်းပြည်သူ့ကျန်းမာရေးဝန်ကြီး အနုတင်ချန်ဗီရာကူလ်ကတော့ မေလ ၂၄ ရက် ကတည်းက ဘန်ဆူးရထားဘူတာမှာဖွင့်လှစ်ထားတဲ့ ကာကွယ်ဆေးထိုးစင်တာမှာ တရက်ကို လူပေါင်း ၁၁,၀၀၀ ထိ ကာကွယ်ဆေးထိုးနိုင်တယ်လို့ ပြောပါတယ်။

လက်ရှိအချိန်ထိ ထိုင်းပြည်သူ ၂၀၉,၂၃၄ ယောက်ကို Sinovac နဲ့ AstraZeneca ကိုဗစ်-၁၉ ကာကွယ်ဆေးတွေ ထိုးနှံပေးခဲ့ပြီးဖြစ်တယ်လို့ ဆိုပါတယ်။

ဆရာဆရာမတွေကို ကာကွယ်ဆေးထိုးနှံပေးဖို့ ပြီးခဲ့တဲ့ ဇွန် ၈ ရက်နေ့ကတည်းက စတင်ခဲ့တာဖြစ်ပြီး လာမယ့် ဇွန် ၁၄ ရက် ကျောင်းဖွင့်ချိန်အမီ ဆရာဆရာမဦးရေ ၄၅,၀၀၀ ကျော်ကို ဝန်ကြီးဌာနအနေနဲ့ ကာကွယ်ဆေးထိုးနှံမှုတွေ လုပ်ဆောင်ပေးသွားမယ်လို့ ဝန်ကြီးက ပြောပါတယ်။

ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံတဝန်းမှာတော့ လက်ရှိအချိန်ထိ ရောဂါကူးစက်ခံရသူပေါင်း ၁၉၀,၀၀၀ ကျော်နဲ့ သေဆုံးသူ ၁,၄၄၉ ယောက်ထိ ရှိနေခဲ့ပြီ ဖြစ်ပါတယ်။

56 mins Ago

June 3, 2021

ကိုဗစ်ကာကွယ်ဆေးထိုးပြီး သေဆုံးခဲ့သူ၏ မိသားစုကို လျော်ကြေး ငွေဘတ် ၄ သိန်းပေးမည်

ထိုင်းနိုင်ငံမှာ ကိုဗစ်-၁၉ ကာကွယ်ဆေးထိုးပြီး သေဆုံးခဲ့တဲ့ အမျိုးသားတယောက်ရဲ့ မိသားစုကို အမျိုးသားကျန်းမာရေးဆိုင်ရာ လုံခြုံမှုရုံး(NHSO)က လျော်ကြေးငွေဘတ် ၄ သိန်းပေးဖို့ အတည်ပြုပေးခဲ့တယ်လို့ နေးရှင်းသတင်းမှာ ဖော်ပြပါတယ်။

       “သေဆုံးမှု၊ ဒါမှမဟုတ် မသန်စွမ်းဖြစ်သွားသူရဲ့ မိသားစုကို လျော်ကြေးငွေ ဘတ် ၄ သိန်းပေးတာဟာ အမြင့်ဆုံးနှုန်းထားတခုဖြစ်ပါတယ်”လို့ NHSO ရုံး ဒါရိုက်တာတစ်ဦးဖြစ်သူ ချလာ စန်တီဝါရန်ခန်နာက ပြောပါတယ်။

ဒေသ ၄ အတွင်း ကိုဗစ်-၁၉ ကာကွယ်ဆေးထိုးနှံရာမှာ ဆိုးဝါးတဲ့ တုံ့ပြန်မှုနဲ့ ဘေး ထွက်ဆိုးကျိုးခံစားရတဲ့ နွန်ထဘူရီ၊ ပထုံဌာနီ၊ ဆာရာဘူရီ၊ အယုဒ္ဓယ၊ လော့ပ်ဘူရီ၊ ဆင်း ဘူရီ၊ အန်ထောင်၊ နခွန်နယော့ခ်စတဲ့ ခရိုင်တွေက လူနာ ၈ ယောက်ရှိနေပြီး သူတို့ကတော့ လျော်ကြေးငွေဘတ် ၆၉,၀၀၀ ရရှိမှာ ဖြစ်တယ်လို့ ဆိုပါတယ်။

“လက်ရှိ သေဆုံးသွားသူကတော့ ပထုံဌာနီခရိုင်ထဲက အသက် ၅၀ အရွယ် အမျိုးသားဖြစ်ပါတယ်။ သူဟာ ကိုဗစ်-၁၉ ကာကွယ်ဆေးထိုးခံရပြီးနောက်မှာ အသက်ရှုမှု ဆိုင်ရာ ပြဿနာရင်ဆိုင်ခဲ့ရတာဖြစ်ပြီး ၅ ရက်အကြာမှာ ကွယ်လွန်သွားခဲ့တာပါ။ သူဟာ မိသားစုမှာ တဦးတည်းသော ဝင်ငွေရှာပေးတဲ့သူလည်း ဖြစ်လို့ NHSO က ဘတ် ၄ သိန်း လျော်ကြေးငွေပေးဖို့ သဘောတူခဲ့တာ ဖြစ်ပါတယ်”

အမျိုးသားကျန်းမာရေးဆိုင်ရာ လုံခြုံမှုရုံး(NHSO)ရဲ့ လျော်ကြေးငွေပေးအပ်မှု နှုန်း ထားတွေထဲမှာတော့ သေဆုံးမှု၊ ဒါမှမဟုတ် မသန်မစွမ်းဖြစ်စေမှုအတွက် ဘတ် ၄ သိန်း အထိ၊ ကိုယ်လက်အင်္ဂါဆုံးရှုံးမှု၊ ဒါမှမဟုတ် မသန်မစွမ်းဖြစ်စေမှုအတွက် ဘတ် ၂ သိန်း ၄ သောင်းအထိ၊ နာမကျန်းဖြစ်မှု၊ ဒါမှမဟုတ် ဆက်တိုက်ထိခိုက်ဒဏ်ရာဖြစ်စေမှုအတွက် ဘတ် ၁ သိန်းအထိ သတ်မှတ်ထားတာ ဖြစ်ပါတယ်။

ဆေးကုသရာမှာ ဆိုးဝါးတဲ့ တုံ့ပြန်မှုနဲ့ ဘေးထွက်ဆိုးကျိုးခံစားရတဲ့ လူနာရှင် မိ သားစုဝင်တွေအနေနဲ့ တနိုင်ငံလုံးက ပြည်သူ့ဆေးရုံတွေ၊ ပြည်နယ်ပြည်သူ့ကျန်းမာရေးရုံးတွေ၊ ဒါမှမဟုတ် NHSO ဌာနခွဲတွေမှာ အမှုဖွင့်နိုင်ပြီး အမှုတခုစီအတွက် အချိန် ငါးရက်အတွင်း ဆုံးဖြတ်ချက်ချမှတ်ပေးတယ်လို့ ဆိုပါတယ်။

ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာတော့ လတ် တလောအချိန်ထိ ရောဂါကူးစက်ခံရသူပေါင်း ၁၇၀,၀၀၀ ရှိနေပြီး သေဆုံး သူစုစုပေါင်းကတော့ ၁၁၄၆ ယောက်ထိ ရှိနေတာ ဖြစ်ပါတယ်။

1 week Ago
More News
Up