ကလေးဝမြို့

February 21, 2021

ကလေးဝမြို့က WE WANT DEMOCRACY စာတန်း ရဲတပ်ဖွဲ့ဖျက်ဆီး

စစ်အာဏာရှင်ကို ဆန့်ကျင်တဲ့အနေနဲ့ စစ်ကိုင်းတိုင်း ကလေးဝမြို့ ကမ်းနားလမ်းပေါ်မှာ လူငယ်တွေ မနေ့ညနေပိုင်းက ရေးဆွဲထားတဲ့ WE WANT DEMOCRACY စာတန်းအား ရဲတပ်ဖွဲ့က ဖျက်ဆီးခဲ့တယ်လို့ သိရပါတယ်။ 

“ကျနော်တို့ရေးဆွဲပြီး ၂ နာရီလောက်နေတော့ လာပြီး ဖျက်နေတယ်၊ အထက်ကခိုင်းလို့ လုပ်ရတယ်လို့ပြောတယ်။ အခုလို စာတန်းတောင်လိုက်ဖျက်တော့ ဒီမိုကရေစီကို ကြောက်တာ ပေါ်လွင်နေတယ်” လို့ စာတန်းဖော်တဲ့လူငယ်တစ်ဦးက ပြောပါတယ်။

ကလေးဝဒေသခံ ကိုနေညီထွဋ်အောင်က "စစ်အာဏာရှင်ပါးစပ်ကထွက်တာ ဘာမှယုံကြည်စရာမရှိဘူး။ စစ်အာဏာရှင်က ဒီမိုကရေစီကို လက်မခံဘူးဆိုတာ အခုလိုဖြစ်ရပ်တွေက ချပြလိုက်တာပဲမြင်တယ်" လို့ ပြောပါတယ်။

နိုင်ငံတဝန်းက မြို့နယ်အတော်များများမှာလည်း စစ်အာဏာရှင် ကန့်ကွက် ဆန္ဒပြသူတွေနဲ့ လူငယ်တွေက WE WANT DEMOCRACY စာတန်းတွေ ရေးဆွဲနေကြပြီး ရဲတပ်ဖွဲ့က လိုက်လံဖျက်ဆီးနေတယ်လို့ သိရပါတယ်။

အောင်ဆန်းမြင့်

2 months Ago

June 12, 2020

ကလေးဝမြို့တွင် တော့ကျင်တောင်ပြိုကျ၊ ၂ ဦး ဒဏ်ရာရ

စစ်ကိုင်းတိုင်း၊ ကလေးဝမြို့မှာ ဇွန် ၁၁ ရက်နေ့ ည ၆ နာရီလောက်က တော့ကျင်တောင် ပြိုကျမှုဖြစ်ပွားပြီး ၂ ဦး ဒဏ်ရာရရှိခဲ့တယ်လို့ သိရပါတယ်။ တောင်ပြိုကျမှု ဖြစ်ပွားရာကို ကလေးဝမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်တွေနဲ့ သက်ဆိုင်ရာအဖွဲ့အစည်းတွေ  ပူးပေါင်းပြီး ရှာဖွေကယ်ဆယ်ရေးလုပ်ငန်းတွေ  ဆောင်ရွက်ခဲ့တယ်လို့ မြန်မာနိုင်ငံ မီးသတ်တပ်ဖွဲ့က သတင်းထုတ်ပြန်ပါတယ်။ တောင်ပြိုကျမှုကြောင့် ခရီးသွားပြည်သူ ကျား ၁ ဦး (မစိုးရ) နဲ့ မ ၁ ဦး(စိုးရိမ်ရ) ထိခိုက်ဒဏ်ရာရရှိပြီး မြတ်ဒါန လူမှုကူညီရေးယာဉ်နဲ့ ကလေးဝမြို့နယ်ပြည်သူ့ဆေးရုံသို့ ပို့ဆောင်ပေးခဲ့တယ်လို့ ဆိုပါတယ်။ တောင်ပြိုမှုကြောင့် ခရီးသွားပြည်သူတွေ လမ်းပိတ်ဆိုမှုမဖြစ်စေရေးအတွက် လမ်းရှင်းလင်းရေးလုပ်ငန်းတွေ ဆောင်ရွက်ခဲ့ပြီး ဇွန် ၁၁ ရက် ည ၈ နာရီမှာ ပြီးစီးခဲ့တယ်လို့ သိရပါတယ်။
11 months Ago
More News
Up