ကလော့ပ်

January 25, 2021

ယူနိုက်တက်အသင်းကို အနိုင်ယူရန် လိုအပ်သည့်ခြေစွမ်း မရှိခဲ့ဟု ကလော့ပ်ဝန်ခံ

ယူနိုက်တက်အသင်းကို အနိုင်ရရှိဖို့လိုအပ်တဲ့ အခြေအနေတစ်ခုထိ ရောက်အောင် မကစားနိုင်ခဲ့ဘူးလို့ လီဗာပူးလ်နည်းပြ ယာဂန်ကလော့ပ်က ပြောပါတယ်။ 

တနင်္ဂနွေနေ့ အက်ဖ်အေဖလား စတုတ္တအဆင့်ပွဲမှာ ၃ ဂိုး ၂ ဂိုးနဲ့ရှုံးနိမ့်ခဲ့ပြီးတော့ အခုလိုပြောခဲ့တာပါ။ 

ဒီပွဲမှာ ဧည့်သည်လီဗာပူးအသင်းက မိုဟာမက်ဆာလက်ရဲ့ ဂိုးနဲ့ ဦးဆောင်နိုင်ခဲ့ပေမယ့် ဂရင်းဝုဒ်နဲ့ ရက်ဖို့ဒ်တို့က အိမ်ရှင်အသင်းအတွက် ချေပဂိုးနဲ့ အနိုင်ဂိုးတွေကို သွင်း ယူပေးနိုင်ခဲ့ပါတယ်။ အဲ့ဒီနောက်မှာ ဆာလက်ကပဲ တစ်ဖက် ၂ ဂိုးစီ သရေဖြစ်စေမယ့် ချေပဂိုးကို ထပ်မံသွင်းယူနိုင်ခဲ့ပါတယ်။

ဒါပေမယ့် လူစားဝင်ကစားသမား ဖာနန်ဒက်စ်ရဲ့ ထူးရှယ်ဖရီးကစ်ဂိုးကြောင့် ပွဲအပြီးမှာ လီဗာပူးအသင်းက ၃ ဂိုး ၂ ဂိုးနဲ့ ရှုံးနိမ့်ခဲ့တာပါ။

ဒီပွဲမှာ အသင်းရဲ့စွမ်းဆောင်ရည်ပေါ် သဘောကျမိပေမယ့် အရေးကြီးတဲ့အချိန်တွေမှာ အမှားတွေ အများကြီးကျူးလွန်ခဲ့တယ်လို့တော့ ခံစားနေရတယ်လို့ ကလော့ပ်က ပြောပါတယ်။

“ဂိုးနားမှာဆိုရင် ကောင်းတာတွေရော၊ အမှားတွေရော အများကြီးကျူးလွန်ခဲ့ပါတယ်။ ဒီလိုအရာတွေဟာ မဖြစ်ခဲ့သင့်ပေမယ့် ဖြစ်တတ်တဲ့ သဘာဝရှိပါတယ်။ ဒီလိုပွဲတွေကနေ ကျနော်တို့ သင်ယူနိုင်အောင်ကြိုးစားရပါမယ်။” 

ဒီပွဲမှာ ၂ ဂိုး သွင်းယူနိုင်ခဲ့တာကြောင့် မိုဟာမက် ဆာလက်ဟာ ပြိုင်ပွဲစုံ ၂၈ ပွဲမှာ ၁၉ ဂိုးအထိ သွင်းယူနိုင်ခဲ့ပြီဖြစ်ပါတယ်။ 

ကလော့ပ်က  “ဒီပွဲက ခက်ခဲခဲ့ပါတယ်။ ကျနော်တို့အပြင်းထန်ဆုံး ကြိုးစားလိုခဲ့ပေမယ့် မလုံ  လောက်ခဲ့ပါဘူး။ ကျနော်တို့ တန်ပြန်တိုက်စစ်တွေမှာ ပြဿနာရှိခဲ့ပါတယ်။ ဒါဟာ တကယ်ပဲဆိုးရွားပါတယ်။ ဒါပေမယ့် ကောင်းတဲ့အရာလေးတွေတော့ ရှိခဲ့ပါတယ်။ ကျနော်တို့ ၂ ဂိုးသွင်းခဲ့သလို ဂိုးရရှိနိုင်တဲ့ အခွင့်အရေးတွေလည်း ပိုင်ဆိုင်ခဲ့ပါတယ်။ ဒါ့အပြင်  တော်တော်လေး ပိတ်ဆို့ထားတဲ့ ခံစစ်ကစားပုံကို အခွင့်အရေးကောင်းတွေလည်း ဖန်တီးနိုင်ခဲ့ပါတယ်။ ဒါ့ကြောင့် ရှုံးခဲ့ပေမယ့် ကောင်းတဲ့အရာတွေ ဖန်တီးနိုင်ခဲ့တယ်လို့ ပြောရမှာပါ” လို့ ပွဲအပြီးသတင်းစာရှင်းလင်းပွဲမှာ ပြောခဲ့ပါတယ်။ 

လီဗာပူးအသင်းဟာ လက်ရှိ ပရီးမီးယားလိဂ်ချန်ပီယံဖြစ်ပေမယ့် သူတို့နောက်ဆုံးကစားခဲ့တဲ့ ၇ ပွဲမှာ ၁ ပွဲသာ အနိုင်ရရှိထားပါတယ်။ ဒါဟာလည်း အက်ဖ်အေဖလား ပွဲမှာ ဗီလာအသင်းကို အနိုင်ရရှိခဲ့တာဖြစ်ပါတယ်။ 

ကလော့ပ်ရဲ့အသင်းဟာ လာမယ့်ကြာသပတေးနေ့မှာ မော်ရင်ဟိုရဲ့စပါးအသင်းနဲ့ ပရီးမီးယားလိဂ် ပွဲစဉ်ရင်ဆိုင်ရဖို့ရှိနေပြီး ယူနိုက်တက်အသင်းနဲ့ပွဲက အမှားတွေကိုသင်ယူပြီး မော်ရင်ဟိုရဲ့အသင်းကို ရင်ဆိုင်သွားဖို့ ကလော့ပ်က မျှော်လင့်ထားပါတယ်။

6 months Ago

January 23, 2021

ကစားသမားအပြောင်းအရွှေ့ ဆုံးဖြတ်ခွင့်မရှိဟု ကလော့ပ်ဝန်ခံ

ကစားသမားအပြောင်းအရွှေ့မှာ ဆုံးဖြတ်ချက်ချနိုင်တဲ့သူ မဟုတ်ကြောင်း လီဗာပူးနည်းပြ ယာဂန်ကလောပ်က ဝန်ခံလိုက်ပါတယ်။ လီဗာပူးအသင်းဟာ နောက်ခံလူတွေ ဒဏ်ရာပြဿနာရှိနေခဲ့ပေမဲ့ လက်ရှိ ဇန်နဝါရီ အပြောင်းအရွှေ့မှာ ခေါ်ယူနိုင်ခြင်း မရှိသေးတာပါ။  “ကစားသမား မခေါ်တာက ကျနော့် ဆုံးဖြတ်ချက်မဟုတ်ပါဘူး။ လူတချို့က အပြောင်း အရွှေ့မှာ လှုပ်ရှားသင့်တယ်လို့ ထင်ခဲ့ရင် အပြောင်းအရွှေ့ဈေးကွက်မှာ လူဝယ်မလား၊ မဝယ်ဘူး လားဆိုတာ ဆုံးဖြတ်ချက် မချမှတ်နိုင်ပါဘူး။ ဒါက တကယ့်ကို ရှင်းလင်းလွန်းပါတယ်။” လို့ ကလော့ပ်က ပြောပါတယ်။ လီဗာပူးအသင်းဟာ ရာသီအစပိုင်းကတည်းက ထွက်ခွာသွားတဲ့ လိုဗရန်ရဲ့နေရာမှာ နောက်ခံလူသစ်တွေ ဝယ်ယူဖို့ တိုက်တွန်းမှုတွေ ရှိခဲ့ပေမဲ့ ကစားသမားသစ် ထပ်မခေါ်ခဲ့တာပါ။ လက်ရှိ အချိန်မှာလည်း ဘိုင်ယန်နောက်ခံလူ ဒေးဗစ်အလာဘာ၊ ရှော်ကေးနောက်ခံလူ အိုဇန်ကာဘက်၊ လိုက်ဇစ်နောက်ခံလူ အူပါမီကာနို၊ ဘရိုက်တန်နောက်ခံလူ ဘင်ဝှိုက်တို့နဲ့ သတင်းထွက်နေပေမဲ့ အပြောင်းအရွှေ့မဖြစ်ပေါ်လာသေးတာပါ။
6 months Ago
More News
Up