ကမ္ဘာ့ဖလားပြိုင်ပွဲ

October 14, 2021

ကမ္ဘာ့ဖလားပြိုင်ပွဲကို အစ္စရေးနှင့် ပါလက်စတိုင်း ပူးတွဲကျင်းပနိုင်ရန် ဖီဖာဥက္ကဋ္ဌရည်မှန်း

အနာဂတ်မှာ ကမ္ဘာ့ဖလားပြိုင်ပွဲကို အစ္စရေးနဲ့ ပါလက်စတိုင်းတို့ ပူးတွဲကျင်းပနိုင်ဖို့ ရည်မှန်း ကြောင်း ကမ္ဘာ့ဘောလုံးအဖွဲ့အချုပ် (FIFA-ဖီဖာ) ဥက္ကဋ္ဌ အင်ဖက်တီနိုကပြောပါတယ်။ 

အစ္စရေးနဲ့ ပါလက်စတိုင်း နိုင်ငံတွေဟာ ပဋိပက္ခတွေဖြစ်ပွားနေတာ ဆယ်စုနှစ်တစ်ခုကျော်ကြာမြင့်နေပြီး တချိန်မှာတော့ ကမ္ဘာ့ဖလားကို ပူးတွဲအိမ်ရှင်အဖြစ် လက်ခံကျင်းပစေချင်ကြောင်း ဖီဖာဥက္ကဋ္ဌက ငြိမ်းချမ်းရေးစကား ဆိုခဲ့တာပါ။ 

ဖီဖာဥက္ကဋ္ဌဟာ အစ္စရေးနိုင်ငံကို ပထမဆုံးအကြိမ် ရောက်ရှိနေချိန်မှာ အစ္စရေးနိုင်ငံအနေနဲ့ အိမ်နီးနားချင်းနိုင်ငံတွေနဲ့ ကမ္ဘာ့ဖလားပြိုင်ပွဲကျင်းပဖို့ ဘာကြောင့်မဖြစ်နိုင်ရမှာလဲလို့ ပြော ပါတယ်။ 

“အေဗရာဟမ်အက်ကော့ဒ် ငြိမ်းချမ်းရေးသဘောတူညီချက်နဲ့အညီ အစ္စရေးနိုင်ငံအနေနဲ့ အရှေ့အလယ်ပိုင်းက အိမ်နီးနားချင်းနိုင်ငံတွေအပြင် ပါလက်စတိုင်းနိုင်ငံနဲ့ပါ ကမ္ဘာ့ဖလားကို ပူးတွဲ ကျင်းပဖို့ ဘာကြောင့်မဖြစ်နိုင်ရမှာလဲ” လို့ ဖီဖာဥက္ကဋ္ဌ အင်ဖက်တီနိုကပြောပါတယ်။ 

အင်ဖက်တီနိုဟာ အစ္စရေးနိုင်ငံကိုသွားရောက်ခဲ့အပြီးမှာ ပါလက်စတိုင်းနိုင်ငံကို အလည်အပတ်သွားရောက်ဖို့ စီစဉ်ခဲ့ပေမယ့် ပါလက်စတိုင်းဘက်က ဖျက်သိမ်းခဲ့တာဖြစ်ပါတယ်။ 

2 months Ago

September 7, 2021

ကမ္ဘာ့ဖလားပြိုင်ပွဲကို ၂ နှစ် ၁ ကြိမ် ကျင်းပမည့်အစီအစဉ် UEFA ဥက္ကဋ္ဌ ကန့်ကွက်

ကမ္ဘာ့ဖလားပြိုင်ပွဲကို ၂ နှစ် ၁ ကြိမ် ကျင်းပဖို့ စဉ်းစားနေတဲ့ ဖီဖာရဲ့အစီအစဉ်ကို ဥရောပဘောလုံးအဖွဲ့ချုပ်ဥက္ကဋ္ဌက ကန့်ကွက်မယ်လို့ သိရပါတယ်။ 

ကမ္ဘာ့ဖလားပြိုင်ပွဲကို ၄ နှစ် ၁ ကြိမ် ကျင်းပလာတာဖြစ်ပြီး အနာဂတ်မှာ ၂ နှစ် ၁ ကြိမ် ပြောင်းလဲကျင်းပဖို့ ဥရောပကလပ်အသင်းအဖွဲ့အစည်း ဥက္ကဋ္ဌလည်းဖြစ်၊ ပီအက်စ်ဂျီအသင်းဥက္ကဋ္ဌလည်း ဖြစ်သူ ဆော်ဒီနိုင်ငံသား အယ်ခါလီဖီက တင်သွင်းခဲ့တာပါ။ 

ဖီဖာဘက်တော့ တင်သွင်းလာတဲ့ကိစ္စတွေအပေါ် ဆွေးနွေးမှု မလုပ်ဘူးဆိုတဲ့ အယူအဆမရှိဘဲ အားလုံးရဲ့ ဆုံးဖြတ်နဲ့ ဆွေးနွေးသွားရမှာမယ်လို့ ဆိုပါတယ်။ 

ဥရောပဘောလုံးအဖွဲ့ချုပ်ဥက္ကဋ္ဌဖြစ်သူ ဆီဖာရင်ကတော့ ၂ နှစ် ၁ ကြိမ် ကျင်းပမယ်ဆိုရင် ပြိုင်ပွဲရဲ့တန်ဖိုး လျော့ကျစေနိုင်ပြီး ကလပ်အသင်းပွဲစဉ်တွေလည်း ရှိတာကြောင့် ပွဲကျပ်သွားစေနိုင်တယ်လို့ ထောက်ပြခဲ့ပါတယ်။

ဖီဖာဥက္ကဋ္ဌ အင်ဖက်တီနိုဟာ ကမ္ဘာ့ဖလားပြိုင်ပွဲ နောက်ဆုံးအဆင့်မှာ အသင်းအရေအတွက် ၃၂ သင်းကနေ ၄၈ သင်းအထိ တိုးမြှင့်မယ့် အဆိုပြုချက်ကိုတော့ အတည်ပြုခဲ့ပြီး လာမယ့် ၂၀၂၆ ကမ္ဘာ့ဖလားမှာ စတင်ကျင့်သုံးသွားမှာဖြစ်ပါတယ်။

3 months Ago
Up