ကန့်ဘလူတွင် ဆည်ရေလျှံ၊ ကျေးရွာအချို့ ရွာလုံးကျွတ်ပြောင်းရွှေ့နေရ

September 9, 2015

ကြောက်မက်ဖွယ် အရုပ်များ ချိတ်ဆွဲထားသည့် ကျွန်း (ရုပ်သံ)

မက္ကဆီကို မြို့တော်တောင်ပိုင်းက ဇိုချီမီကို တူးမြောင်းအတိုင်း ၂ နာရီလောက် ခရီးဆက်လိုက်ရင် ကြောက်မက်ဖွယ် အရုပ်တွေ ချိတ်ဆွဲထားတဲ့ သစ်ပင်တွေရှိတဲ့တောထဲကို ရောက်ပါလိမ့်မယ်။ နှစ်စဉ်နှစ်တိုင်းပဲ ဒေသအခေါ် ချနမ်းပါလို့ အမည်တွင်တဲ့ အဲဒီနေရာကို ထိတ်လန့် ကြောက်ရွံ့စရာ ရှာဖွေသူ ခရီးသွားတွေ၊ ဓာတ်ပုံဆရာတွေ ရာနဲ့ချီပြီး သွားရောက်ကြလေ့ ရှိတယ်လို့ ဒေးလီးမေးလ်သတင်းတပုဒ်မှာ ဖော်ပြပါတယ်။ လွန်ခဲ့တဲ့နှစ်ပေါင်း ၅၀ ကျော်လောက်က မိန်းကလေးငယ်တဦးဟာ အဲဒီတူးမြောင်းထဲမှာ သေဆုံးခဲ့တာကို ဒွန်ဂျူလီယန်ဆန်တနာဆိုသူ အမျိုးသားက တွေ့ရှိခဲ့ပြီး သူဟာ ခြောက်လှန့်ခံခဲ့ရတယ်လို့ ဆိုပါတယ်။ အဲဒီနောက်မကြာခင်မှာပဲ ရေထဲမျောပါလာတဲ့ အရုပ်တရုပ်ကို တွေ့ခဲ့ပြီး သူက အဲဒီအရုပ်ကို မိန်းကလေးအတွက် အဖော်ပြုကာကွယ်ပေးနိုင်ဖို့ သစ်ပင်ပေါ်မှာ ချိတ်ဆွဲခဲ့တာလို့ သတင်းက ဆိုပါတယ်။ ဒါပေမယ့် ဆန်တနာဟာ အဲဒီအရုပ် တရုပ်တည်းနဲ့ မလုံလောက်သေးဘူးလို့ ယူဆ တဲ့အတွက် တူးမြောင်းတလျှောက်တွေ့ရတဲ့ အရုပ်တွေကို ရနိုင်သမျှရှာဖွေပြီး ကျွန်းပေါ်က အပင်တွေပေါ်မှာ ချိတ်ဆွဲခဲ့တာပါ။ အဲဒီအရုပ်တွေကို ရေထဲကဆယ်ယူပြီး ဒါဟာ ပြန်လည်ရှင်သန်လာမယ့် ကလေး တွေလို့ ယူဆနေတာကြောင့် ရူးသွားပြီလို့ ဆန်တနာကို တချို့ကပြောကြပေမယ့် ခုချိန်မှာ အဲဒီကျွန်းဟာ ခရီးသွားတွေ ဆွဲဆောင်တဲ့နေရာတခု ဖြစ်နေပါတယ်။ ထိန်းသိမ်းစောင့်ရှောက်နေတဲ့ သူ့ရဲ့ မိသားစုဝင်တွေကတော့ ဆန်တနာအနေနဲ့ အဲဒီကျွန်းမှာ သေဆုံးသွားတဲ့ မိန်းကလေး ရဲ့ဝိညာဉ်ဟာ ရှိနေပြီး ခြောက်လှန့်နေကြောင်း ယုံကြည်ခဲ့တယ်လို့ ဆိုပါတယ်။ ဆန်တနာဟာ အဲဒီအချိန်တလျှောက်လုံး တောထဲမှာနေထိုင်ခဲ့ပြီး ၂၀၀၁ ခုနှစ်မှာတော့ သူတွေ့ရှိခဲ့တဲ့ မိန်းကလေးအတိုင်း အဲဒီတူးမြောင်းထဲမှာ ရေနစ်သေဆုံးနေတာကို သူ့ရဲ့တူဖြစ်သူက တွေ့ရှိခဲ့တယ်လို့ သတင်းမှာ ဖော်ပြပါတယ်။ ဆန်တနာရှိစဉ်က ရိုးစင်းစွာရှိနေခဲ့တဲ့ အဲဒီကျွန်းဟာ ခုချိန်မှာတော့ ကမ္ဘာလှည့်ခရီးသည်တွေကို ဆွဲဆောင်နိုင်တဲ့နေရာတခု ဖြစ်လာခဲ့ပါပြီ။
6 years Ago

July 19, 2015

စစ်ကိုင်းတိုင်းရှိ ရေကြီး သည့် ရွာများ အကူအညီလိုအပ်

စစ်ကိုင်းတိုင်း ကန့်ဘလူနဲ့ ကော့လင်းမြို့နယ်အတွင်းမှာ ရေကြီးနေတဲ့အတွက် ရွာတချို့ အကူအညီလိုအပ်နေတယ်လို့ ဒေသခံတွေက ပြောပါတယ်။ ကန့်ဘလူမြို့နယ် ချပ်သင်းကျေးရွာက အိမ်ခြေ ၁၀၀၀ အနက် ခန့်မှန်းခြေ ၄၀၀ နီးပါး ရေမြုပ်သွားသလို ရေဘေးဒုက္ခသည်တွေကို ရွာမြောက်ဘက် ရေမရောက်တဲ့ သိမ်ကျောင်း ဘုန်းကြီးကျောင်းမှာ ကယ်ဆယ်ရေးစခန်း ဖွင့်ထားပေးတယ်လို့ ချပ်သင်းရွာက ရေဝန်းကျောင်းဆရာတော် ဦးဇောတက မိန့်ပါတယ်။ “ကယ်ဆယ်ရေး စခန်းဖွင့်ပြီး ဆွဲထုတ်ပြီး ကယ်ထားရတယ်။ ထမင်းကျွေးထားတယ်။ ဆေးကုပေးထားတယ်။ ရေတက်တာကတော့ တန့်နေတယ်။နည်းနည်းကျသွားတယ်။ ကျသွားပြီမှ တန့်နေတယ်။  စိတ်ချလက်ချနေလို့ ရတဲ့ အခြေအနေကတော့ မရှိသေးဘူး”လို့ သူက မိန့်ပါတယ်။ ချပ်သင်းရွာမှာတော့ အခြေအနေက တည်ငြိမ်လာပြီ ဖြစ်သလို အကူအညီတောင်းခံလာတဲ့ ရွာရဲ့ မြောက်ဘက် ပေါက်ထိန်ကုန်းမှာတော့ အိမ် ၄ လုံး ရေထဲပါသွားပြီး မြွေကိုက်ခံရတဲ့ လူနာတဦးလည်း ဆေးရုံ တင်ထားရတယ်လို့ သွားရောက်ကူညီနေတဲ့ ဦးဇောတက မိန့်ပါတယ်။ ကန့်ဘလူခရိုင် ရဲတပ်ဖွဲ့နဲ့ မီးသတ်တပ်ဖွဲ့ဝင်တွေကလည်း ကူညီဖို့ ရောက်လာသလို တချို့ တ၀က်ကို ချပ်သင်းမှာထားပြီး တချို့တ၀က်ကို ပေါက်ထိန်ကုန်းကို ခေါ်လာတယ်လို့ ဆိုပါတယ်။ ချပ်သင်းဒေသတ၀ိုက်မှာ မိုးခေါင်တာ ၃ နှစ်ရှိပြီ ဖြစ်သလို စိုက်ပျိုးမယ့်အချိန်မှာ ရေကြီးတဲ့ အတွက် မျိုးစပါးနဲ့ စိုက်စရိတ်တွေ ဆုံးရှုံးသွားတဲ့ အတွက် ရေရှည်ပြဿ နာ ဖြစ်လာတယ်လို့ ဦးဇောတက ပြောပါတယ်။ ဇူလိုင် ၁၆ ရက်ကစပြီး မိုးအဆက်မပြတ်ရွာတဲ့အတွက် ကန့်ဘလူမြို့နယ်၊ အင်းမကျေးရွာအနီးရှိ မင်းမြင်ဆည် ရေမြင့်တက်ပြီး ဆည်အနီးတ၀ိုက်က ချပ်သင်း၊ အင်းမတောင်၊ ညောင်ကုန်းနဲ့ ဟင်သော် ကျေးရွာက လူနေအိမ်တွေ ရေနစ်မြုပ်ခဲ့ရတယ်လို့ အစိုးရက ထုတ်ပြန်ပါတယ်။ ရေကြီးရေလျှံမှုကြောင့် ကန့်ဘလူ ကျွန်းလှ-ကောလင်း မော်တော်ကားလမ်းကလည်း အသုံးမပြုနိုင်ဖြစ်ခဲ့ရတယ်လို့ သတင်းက ရေးပါတယ်။ မနေ့ညက တပ်မတော်သားတွေက သဲအိတ်တွေကို မင်းမြင်ဆည်ဘောင်ပေါ်မှာ ချသွားတဲ့ အတွက် လက်ရှိအခြေအနေမှာတော့ မင်းမြင်ဆည်ဘောင်ပေါ်ရေကျော်တာက ရပ်သွားပြီလို့ မင်းမြင်ဆည်အနီးနားက ရွာသားတဦးက ပြောပါတယ်။ “လောလောဆယ် ယာယီပေါ့ဗျာ၊ ဘေးလွတ်ရာကို ရွှေ့ထားရတဲ့ ရွာလေးတွေတော့ ရှိပါတယ်။ မင်းမြင်ချောင်းကြီး ၀ဲယာက ကျေးရွာတွေကလည်း နီးစပ်ရာ ကုန်းမြင့်ပိုင်းတွေကို ရွေ့နေရတယ်”လို့ သူက ပြောပါတယ်။ မင်းမြင်ဆည် အနီးတ၀ိုက်က ရွာ ၅ ရွာကလည်း ဘေးလွှတ်ရာကို ရွှေ့ပြောင်းနေရတယ်လို့ ဆိုပါတယ်။ ဒါအပြင် ကော့လင်းမြို့နယ်မှာလည်း အထက် ၀န်းသိုဘက်က ရေတွေဆင်းလာသလို မိုးကြီးတဲ့အတွက် ရွှေလံချောင်းနဲ့ ခေါပင်ချောင်းက ရေလျံစီးဆင်းလာပြီး ရေကြီးဒဏ်ကို ခံရတာလို့ ကျောက္ကာကျေးရွာက ဦးသိန်းအောင်က ရှင်းပြပါတယ်။ “နောက်ဆုံးအနေနဲ့ကတော့ ကျောက္ကာရွာနောက်က ရေထဲရောက်နေပြီ။ ရေထုက တအားများတယ်။ မကြုံဖူးသေးဘူး။ ဘေးရွာက တောင်ယာကြီးတောတို့ ဆီဆုံတို့ သရက်ခုံတို့ ကျနော်တို့ဆီမှာ လာနေတယ်။ လူတွေက တအားဒုက္ခ ဖြစ်နေတယ်။ ဘုန်းကြီးကျောင်းမှာ ရောက်နေကျတယ်။ လူဦးရေကတော့ အားလုံးပေါင်းဆိုရင် ၂၀၀ ကျော်မယ်။ နီးစပ်ရာနီးစပ်ရာ ဆွေမျိုးရှိရာလာကြတယ် ”လို့ သူက ပြောပါတယ်။ ကျောက္ကာ ပတ်ဝန်းကျင်က အနိမ့်ပိုင်းမှာရှိတဲ့ ရွာတော်တော်များများ ရေမြုပ်ကုန်တာကြောင့် အိမ်မွေးတိရစ္ဆာန်တွေနဲ့အတူ နီးစပ်ရာရွာတွေမှာ ခိုလှုံနေတယ်လို့ ဦးသိန်းအောင်က ပြောပါတယ်။ စစ်ကိုင်းတိုင်းဒေသကြီး ကောလင်းမြို့နယ်မှာ မိုးများလို့ လယ်ဧက ၉၀၀၀ ကျော် ရေလွှမ်းခံထားရတယ်လို့ ပြန်ကြားရေးသတင်းဌာနမှာ ဖော်ပြထားပါတယ်။ ရွာအစွန်ကတော့ ရေတွေဝင်သလို ရွာအလယ်မြင့်တဲ့နေရာကတော့ ရေမ၀င်သလို လက်ရှိ အခြေအနေအရတော့ ရေတန့်နေဆဲဖြစ်ပြီး မိုးဆက်မရွာရင်တော့ ရေလျော့သွားနိုင်တယ်လို့ ရေ၀ိုင်းခံထားရတဲ့ ပန်းတင်ကျေးရွာက ဦးမြင့်ဌေးက ပြောပါတယ်။ စစ်ကိုင်းတိုင်း ပြန်ကြားရေးနဲ့ပြည်သူ့ဆက်ဆံရေးဌာန တိုင်းဦးစီးမှူး ဦးဝင်းမြိုင်က ရဲတပ်ကြပ်တဦး တံတားတွေ ကျိုးမကျိုး သွားရောက်စစ်ဆေးစဉ် ချော်ကျပြီး ဆုံးသွားတယ်လို့ ပြောပါတယ်။ “ဒေသကနေပြီး ဆောင်ရွက်ထားတဲ့ တဖတ်ရပ် ချောင်းပိတ်ဆည်လေးတွေပေါ့ အဲဒါတွေ ကျိုးတာပါ။ ကျန်တဲ့ ဆည်ကြီးတွေ ကြိုးတာ မဟုတ်ပါဘူး” လို့ ပြောပါတယ်။ ဒါ့အပြင် ဘုတလင်မြို့နယ်မှာလည်း မိုးသည်းတဲ့အတွက် တောင်ကျင်း ကျေးရွာနားက သစ်ခဲချောင်း ရေလှောင်တမံဟာ ဇူလိုင် ၁၈ ရက် မနက်ပိုင်းက ရေလျှံခဲ့ပြီး တမံပေ ၁၅ဝ လောက် ကျိုးပေါက်ခဲ့တယ်လို့ အစိုးရ ထုတ်ပြန်ပါတယ်။ ဒီလိုရေလျှံတဲ့အတွက် တမံအောက်ရှိ တောင်ကျင်း၊ ဂွေးပင်ကျင်း၊ လက်ယက် တွင်းနဲ့ အင်ကြင်းမ ကျေးရွာတွေမှာ ရေ၀င်ရောက်ခဲ့သလို အန္တရာယ်ရှိတဲ့ တောင်ကျင်းကျေးရွာက လူဦးရေ ၂၃၅ ဦးကို ခေတ္တပြောင်းရွှေ့နေရာ ချထားပေးရတယ်လို့ သတင်းက ရေးပါတယ်။ စစ်ကိုင်းတိုင်းဒေသကြီးအတွင်းက ကျွန်းလှ၊ ဘုတလင်၊ ကော့လင်းနဲ့ ကန်ဘလူ မြို့နယ်တွေမှာ မိုးများတဲ့ အတွက် ရေကြီးရေလျှံတာတွေ ဖြစ်ပွားနေပါတယ်။ ဓာတ်ပုံ - ကန့်ဘလူသတင်းစုံဖေ့စ်ဘွတ်ခ်  
6 years Ago
Up