ကစားသမားများ

December 27, 2020

ကိုဗစ်ကူးစက်မှုအန္တရာယ် ကာကွယ်နိုင်ရေး ဝုဗ်ကစားသမားများကို ဈေးဝယ်ထွက်ခွင့် ပိတ်ပင်

ဝုဗ်အသင်းဟာ ကစားသမားတွေ ကိုဗစ်-၁၉ ကူးစက်မှုအန္တရာယ် ကာကွယ်နိုင်ဖို့အတွက် ကစားသမားတွေကို စူပါမားကတ်တွေမှာ ဈေးဝယ်ထွက်ခွင့် ပိတ်ပင်ခဲ့တယ်လို့ သိရပါတယ်။ ဗြိတိန်အစိုးရက  လော့ဒ်ဒေါင်းကို အဆင့် ၄ စနစ် ပြောင်းလဲကျင့်သုံးခဲ့တာကြောင့် ပြီးခဲ့တဲ့ သီတင်းပတ်တွေအတွင်း ပရီးမီးယားလိဂ်အသင်းတချို့ဟာ ကွင်းထဲကို ပရိသတ်တွေ ပြန်လည်ဝင်ရောက်ခွင့်ပြုခဲ့ပါတယ်။  ဒါပေမဲ့ နိုင်ငံတွင်း ရောဂါကူးစက်မှုတွေ ပြန်လည်မြင့်တက်လာခဲ့တာကြောင့် အစိတ်အပိုင်း အများအပြားကို တင်းကျပ်တဲ့ စည်းကမ်းသတ်မှတ်မှုတွေအောက်ပြန်ပို့ခဲ့ပြီး လီဗာပူးနဲ့ အဲဗာတန် ၂ သင်းထဲသာ ကွင်းထဲကို ပရိသတ်တွေ ဝင်ရောက်ခွင့်ရှိပါတော့တယ်။ မကြာသေးခင်ကလည်း နယူးကာဆယ်အသင်းရဲ့ ကစားသမားတွေမှာ ပိုးတွေ့ရှိခဲ့ပြီး အုပ်စုဖွဲ့လေ့ကျင့်ရေး လုပ်ဆောင်ဖို့တောင် အဆင်မပြေခဲ့တာကြောင့် နယူးကာဆယ်နဲ့ အက်စတွန်ဗီလာအသင်းတို့ရဲ့ပွဲစဉ်ကို ရွှေ့ဆိုင်းခဲ့ရပါတယ်။  ဒါဟာ ကိုရိုနာဗိုင်းရပ်စ်ကြောင့် ဒီရာသီအတွင်း ရွှေ့ဆိုင်းရတဲ့ တစ်ခုတည်းသော ပွဲစဉ်လည်း ဖြစ်ပါတယ်။  လက်ရှိအချိန်မှာ ပွဲစဉ်ဇယားတွေ တင်းကြပ်လာတာနဲ့အတူ ပရီးမီးယားလိဂ် တာဝန်ရှိသူတွေဟာ အသင်းတွေမှာ တစ်ပတ်ကို ၂ ကြိမ်ဆေးစစ်မှုတွေ လုပ်ဆောင်လာခဲ့ပြီး ဝုဗ်အသင်းကလည်း သူတို့ကစားသမားတွေ ရောဂါကူးစက်မှု ကာကွယ်နိုင်ဖို့ အခုလို လုပ်ဆောင်လာခဲ့တာဖြစ်ပါတယ်။ “ဒါဟာ ကိုယ့်ကိုယ်ကိုယ် ကာကွယ်ခြင်းပါ။ ကပ်ရောဂါကြီး စကတည်းက ကျနော်တို့ရဲ့ မီးဖိုချောင်ဝန်ထမ်းတွေဟာ လိုအပ်တဲ့ အခြေခံပစ္စည်းပစ္စယတွေကို သေတ္တာကြီးတစ်ခုတည်းမှာ စုထည့်ပေးထားပါတယ်။ ကပ်ရောဂါရဲ့ အပြင်းထန်ဆုံးကာလတွေမှာ လူတိုင်းက ဒီထဲကပစ္စည်း တွေကို အသုံးပြုခဲ့ကြပါတယ်။ အခြေအနေတွေ တိုးတက်ကောင်းမွန်လာချိန်မှာ ကျနော်တို့အနေနဲ့ ကိုယ်လိုချင်တာကို လွတ်လပ်စွာ သွားလာဝယ်ယူခွင့်ရှိခဲ့ပါတယ်။ ဒါပေမဲ့ အခုချိန်မှာတော့ အခြေအနေတွေက ပိုမိုမြင့်တက်လာပြီး လူတိုင်းဟာလည်း စိုးရိမ်မှုအသစ်တွေရှိလာပါတယ်။ ဒါ့ကြောင့် ကျနော်တို့ ဒါကိုပြန်လုပ်ခဲ့တာ ဖြစ်ပါတယ်။ ဒါ့ကြောင့် ကစားသမားတွေနဲ့ သူတို့မိသားစုဝင်တွေဟာ စူပါမားကတ်တွေကို သွားခွင့်ရှိတော့မှာ မဟုတ်ပါဘူး။ ဒါဟာ ကိုယ့်ကိုယ်ကိုယ် ကာကွယ်မှုပါ” လို့ ဝုဗ်နည်းပြ နူနိုဆန်းတို့စ်က ပြောပါတယ်။
5 months Ago

June 30, 2020

ပရီးမီးယားလိဂ် ကစားသမားများနှင့် ဝန်ထမ်းများ ဆေးစစ်မှုတွင် ကိုဗစ်-၁၉ လူနာ ၁ ဦး တွေ့ရှိ

ပရီးမီးယားလိဂ် ကစားသမားနဲ့ဝန်ထမ်းတွေကို နောက်ဆုံး ပြုလုပ်ခဲ့တဲ့ ဆေးစစ်မှုမှာ လူ ၁ ဦး ကိုရိုနာဗိုင်းရပ်စ် ကူးစက်ခံထားရကြောင်း တွေ့ခဲ့ရတယ်လို့ ပရီးမီးယားလိဂ် တာဝန်ရှိသူတွေက ထုတ်ပြန်ပါတယ်။ ဇွန် ၂၂ ရက်က စတင်တဲ့ တစ်ပတ်အတွင်း ပရီးမီးယားလိဂ်ကလပ်တွေက ကစားသမားနဲ့ ဝန်ထမ်း ၂၂၅၀ ဦးကို ကိုဗစ်-၁၉ ဆေးစစ်မှု လုပ်ဆောင်ခဲ့တာပါ။ ဒါဟာ ဆေးစစ်မှုတွေ စတင်ခဲ့ပြီးနောက် ၁၁ ကြိမ်မြောက် ဆေးစစ်မှုဖြစ်ကာ ပရီးမီးယားလိဂ်ကို ပြန်လည်စတင်ပြီးနောက်ပိုင်း ဒုတိယအကြိမ်မြောက် ဆေးစစ်မှုလည်း ဖြစ်ပါတယ်။ လက်ရှိအချိန်အထိ ပိုးတွေ့သူဟာ ဘယ်သူဘယ်ဝါလဲဆိုတာကို တာဝန်ရှိသူတွေက ထုတ်ပြန်ထားခြင်းမရှိသလို အသင်းတွေဘက်ကလည်း ပိုးတွေ့သူဟာ သူတို့အသင်းကပါလို့ ကြေညာထားခြင်း မရှိသေးပါဘူး။  ပရီးမီးယားလိဂ်ကလပ်တွေဟာ တစ်ပတ်ကို နှစ်ကြိမ် ဆေးစစ်ရတာဖြစ်ပြီး ဒီရလဒ်တွေကို တနင်္လာနေ့တိုင်း ထုတ်ပြန်ပေးရပါတယ်။ မေလက စတင်ခဲ့တဲ့ ဆေးစစ်မှုတွေအတွင်း စုစုပေါင်း အကြိမ်ရေ ၁၄၃၀၇ ကြိမ် စစ်ဆေးမှုပြုလုပ်ခဲ့ပြီဖြစ်ကာ အဲဒီထဲကမှ လူ ၁၉ ဦးမှာပဲ ပိုးတွေ့ခဲ့တာပါ။ ကိုရိုနာဗိုင်းရပ်စ်နဲ့ပတ်သက်တဲ့ ဆေးစစ်မှုတွေကို ရာသီကုန်ဆုံးချိန်အထိ ဆောင်ရွက်သွားဖို့ စီစဉ်ထားတာ ဖြစ်ပါတယ်။ အခုရာသီပရီးမီးယားလိဂ်ပြိုင်ပွဲဟာ အဆုံးသတ်ဖို့ ၆ ပွဲ၊ ၇ ပွဲသာ ကျန်ရှိတော့တာ ဖြစ်ပြီးတော့ လီဗာပူးအသင်းက ဆုဖလားကို ဆွတ်ခူးနိုင်ခဲ့ပြီဖြစ်ပေမယ့် ဥရောပပြိုင်ပွဲ ဝင်ရောက်ခွင့်နဲ့ တန်းဆင်းဇုန်အတွင်း အခြေအနေတွေကတော့ အခုထိ အဖြေမပေါ်သေးတဲ့ အနေအထားမှာပဲ ရှိနေသေးပါတယ်။ လီဗာပူးနဲ့ မန်စီးတီးတို့ဟာ ချန်ပီယံပြိုင်ပွဲ ဝင်ရောက်ဖို့အတွက် သေချာသွားခဲ့ပြီ ဖြစ်ပေမယ့် ကျန်ရှိနေသေးတဲ့ နှစ်နေရာကို ချဲလ်ဆီး၊ လက်စတာ၊ ဝုဗ်၊ စပါးနဲ့ ယူနိုက်တက်အသင်းတို့က အပြိုင်လုရမှာ ဖြစ်ပါတယ်။ တန်းဆင်းဇုန်ဘက်ကို ကြည့်မယ်ဆိုရင်လည်း ဝက်စ်ဟမ်း၊ ဘုန်းမောက်၊ ဗီလာ၊ ဝတ်ဖို့ဒ်၊ ဘရိုက်တန်အသင်းတို့က ပရီးမီးယားလိဂ်မှာ ဆက်ရှိနေရေးအတွက် ပွဲကျန်တွေမှာ အားကုန်ထုတ် ကစားသွားရမှာပဲ ဖြစ်ပါတယ်။
11 months Ago

နည်းပြအဖွဲ့နှင့် ကစားသမားများ ကောင်းမွန်သည့် ဆက်ဆံရေးရှိဟု ဘာစီလိုနာနည်းပြ ဖြေရှင်း

ကစားသမားတွေနဲ့ ပြဿနာတစုံတရာမရှိဘဲ ကောင်းမွန်တဲ့ ဆက်ဆံရေးရှိတယ်လို့ ဘာစီလိုနည်းပြ ဆက်တီယန်က ဖြေရှင်းသွားပါတယ်။  ဘာစီလိုနာအသင်းဟာ ဆယ်တာဗီဂိုနဲ့ ကစားခဲ့တဲ့ ပွဲစဉ်မှာ ၂ ဂိုးစီ သရေကျခဲ့ပြီး ရီးရဲလ်မက်ဒရစ်အသင်းနဲ့ ၂ မှတ်အကွာ ဒုတိယနေရာမှာရပ်တည်နေတာပါ။  ဆယ်တာဗီဂိုးနဲ့ ပွဲစဉ်မှာ ရေသောက်အနားပေးစဉ် လက်ထောက်နည်းပြ အီဒါဆာရာဘီယာရဲ့ ညွှန်ကြားမှုကို လီယွန်နယ်မက်ဆီက နားမထောင်ခဲ့တာကို ရုပ်သံပြကွက်တွေမှာ မြင်တွေ့ခဲ့ရတာပါ။  ဒါ့အပြင် ပွဲအပြီး အင်တာဗျူးမှာ အဝေးကွင်း ၂ ပွဲဆက် သရေကျခဲ့တဲ့အပေါ် တိုက်စစ်မှူး ဆွာရက်ဇ်ကို မေးမြန်းရာမှာလည်း ဘာကြောင့် အဝေးကွင်း ၂ ပွဲဆက် အမှတ်လျော့ခဲ့သလဲဆိုတာ နည်းပြအဖွဲ့ဝင်တွေက လေ့လာသုံးသပ်ရမယ်ဆိုပြီး ပြောခဲ့တယ်လို့ သိရပါတယ်။  အဲဒီသတင်းတွေအပေါ်  မီဒီယာတွေက မေးမြန်းရာမှာ ဘာစီလိုနာနည်းပြအဖွဲ့နဲ့ ကစားသမားတွေကြား ဘာပြဿနာမှ မရှိဘဲ ကောင်းမွန်တဲ့ဆက်ဆံရေးရှိတယ်လို့ နည်းပြဆက်တီယန်က ကာကွယ်ပြောကြားသွားခဲ့ပါတယ်။ ဘာစီလိုနာအသင်းဟာ လာမယ့် ဇူလိုင် ၁ ရက်နေ့ အက်သလက်တီကိုနဲ့ အိမ်ကွင်းမှာ ယှဉ်ပြိုင်ရမှာ ဖြစ်ပါတယ်။
11 months Ago
More News
Up