ကင်းလှည့်

May 31, 2020

လူမည်းအမျိုးသားသေဆုံးမှု ၄ ရက်ဆက် ဆန္ဒပြ၊ လုံခြုံရေးတပ်များ ကင်းလှည့်

အမေရိကန်နိုင်ငံ  မင်နီယာပိုလစ်မြို့မှာ ရာနဲ့ချီတဲ ဆန္ဒပြသူတွေ ည ၈ နာရီနောက်ပိုင်း  အပြင်မထွက်ရ အမိန့်ကို ဖီဆန်ပြီး ၄ ရက် ဆက်တိုက် ဆန္ဒပြခဲ့ကြတာကြောင့် မေလ ၃၀ ရက်က အမျိုးသားအစောင့်တပ်တွေ ကင်းလှည့်နေပါတယ်။   ဒေသခံမီးသတ်သမားတွေက E Lake Street  လမ်းဆုံမှာရှိတဲ့ အ‌ဆောက်အဦတလုံးကို မီးငြှိမ်းသတ်နေပါတယ်။ မင်နီယာပိုလစ်မြို့မှာ ဒီသတင်းပတ် အစောပိုင်းက  ရဲဖမ်းဆီးမှုတခုအတွင်း ဂျော့ဂျ်ဖလိုက်ဆိုသူ လူမည်းတဦးသေဆုံးခဲ့တာကို အကြောင်းပြုပြီး ဆန္ဒပြပွဲတွေကနေ အကြမ်းဖက်  လုယက်မှုတွေအထိ ဖြစ်လာခဲ့ပါတယ်။  ဂျော့ဂျ်ဖလွိုက် သေဆုံးမှုမှာ ပါဝင်ပတ်သက်ခဲ့တဲ့ ရဲအရာရှိ  ဒဲရက်ရှိုဗန်ကိုလည်း လူသတ်မှုနဲ့ စွဲချက်တင်ခဲ့ပါတယ်။  မင်နီဆိုးတားပြည်နယ်ရဲ့ အကြီးဆုံးမြို့မှာ ၃ ညမြောက်  မီးရှို့တာ၊ လုယက်တာနဲ့ ပြည်သူပိုင် ပစ္စည်းဖျက်ဆီးတာတွေ လုပ်ခဲ့ပြီးနောက်မှာ ဟန်နီပင်ကောင်တီ အစိုးရရှေ့နေတွေက   ဒဲရက်ရှိုဗန်ကို စွဲချက်တင်ခဲ့တာပါ။ မင်နီယာပိုလစ်မြို့မှာ ဆန္ဒပြသူတွေက ရဲစခန်းကို မီးရှို့ခဲ့ပြီးနောက်  တရားဥပဒေစိုးမိုးရေးအတွက် အမျိုးသားအစောင့်တပ်ကို ဖြန့်ကြက်ခဲ့ပါတယ်။ 
11 months Ago

March 30, 2020

အိမ်ပြင်မထွက်ရအမိန့် ချိုးဖောက်သူရှိမရှိ အီတလီရဲ ရဟတ်ယာဉ်ဖြင့် ကင်းလှည့်

အီတလီနဲ့ စပိန်မှာ ရဲတပ်ဖွဲ့ဟာ ပြည်သူတွေ အိမ်တွင်းအောင်းနေထိုင်ရေး စည်းမျဉ်းလိုက်နာမှု ရှိမရှိကို စောင့် ကြပ်ပေးနေကြပြီး အီတလီကတော့ ရဟတ်ယဉ် စောင့်ကြည့်ကင်းလှည့်တာတွေ လုပ်နေတယ်လို့ ရိုက်တာသတင်းမှာ ဖော်ပြထားပါတယ်။  ဒီနေ့မနက်ပိုင်းအထိ အီတလီနိုင်ငံတွင်း ကိုရိုနာဗိုင်းရပ်စ် ကြောင့်သေဆုံးသူဦးရေဟာ ၁ သောင်းကျော်သွားခဲ့ပြီး တနိုင်ငံလုံးနီးပါးလည်း အသွားအလာ ပိတ်ဆို့မှုတွေ လုပ်နေရပါတယ်။  အီတလီနိုင်ငံ ကာတာနီးယားမြို့မှာဆိုရင် ရဲတပ်ဖွဲ့ဟာ ရဟတ်ယဉ်နဲ့ကင်းလှည့်ပြီး အိမ်ပြင်ထွက်နေတဲ့ စည်းကမ်းချိုးဖေါက်သူတွေရှိမရှိကို စစ်ဆေးနေပါတယ်။  အီတလီမှာ အကြောင်းပြချက်မရှိဘဲ အိမ်ပြင်မထွက်ရအမိန့်ကို မလိုက်နာတဲ့သူတွေကို ဒဏ်ငွေ ယူရို ၄၀၀ ကနေ ၃၀၀၀ အထိ ပေးဆောင်ဖို့ အစိုးရက သတ်မှတ်ထားပါတယ်။  စပိန်မှာလည်း ဗိုင်းရပ်စ်ကြောင့်သေဆုံးသူဦးရေဟာ မတ် ၂၈ ရက်နေ့ ၈၃၂ ဦး ထပ်တိုး လာပြီးနောက် အစိုးရက တင်းကျပ်တဲ့စည်းကမ်းတွေ သတ်မှတ်ဖို့နဲ့ ပိတ်ဆို့ မှုကာလတွေ ထပ်တိုးဖို့ပြင်ဆင်နေပါတယ်။  မက်ဒရစ်မြို့တော်မှာလည်း ရဲတပ်ဖွဲ့လှည့်ကင်းတွေ ချထားပြီး စောင့်ကြပ်နေတယ်လို့ ရိုက်တာသတင်းက ရေးသားထားပါတယ်။
1 year Ago
More News
Up