အလုပ်သမား/ရွှေ့ပြောင်းလုပ်သား

May 11, 2021

မလေးရှားမှတရားမဝင်ပြန်လာသည့် မြန်မာ ၁၀ ဦး တက္ကစီကားပေါ်ဖမ်းဆီးခံရ

ထိုင်းတောင်ပိုင်း၊ ဆုန်ခလာခရိုင်၊ ဆဒေါင်းမြို့နယ်ထဲမှာ မလေးရှားကနေ တရားမ ဝင်ပြန်လာတဲ့  မြန်မာ ၁၀ ယောက်နဲ့ တက္ကစီကားမောင်းသူ ၂ ယောက် ဖမ်းဆီးခံရတယ်လို့ မန်နေဂျာ အွန်လိုင်းထိုင်းသတင်းမှာ ဖော်ပြပါတယ်။ 

သူတို့တွေဟာ မလေးရှားနယ်စပ်ကနေ ဆုန်ခလာခရိုင် ဟတ်ယိုင်မြို့ထဲဝင်ရောက်လာစဉ် စစ်ဆေးရေးနဲ့တွေ့ပြီး ဖမ်းဆီးခံရတာလို့ ဆိုပါတယ်။ 

တက္ကစီသမားရဲ့ဖွင့်ဟဝန်ခံချက်အရ ပြီးခဲ့တဲ့ မေလ ၉ ရက်နေ့က အဆိုပါမြန်မာတွေကို ဆဒေါင်းမြို့နယ် ဆမ်နတ်ခန်အုပ်စုရှိ ထိုင်းမလေးနယ်စပ်ခြံစည်းရိုးနားကနေ လာကြိုပြီး ဟတ်ယိုင်မြို့ နာရီစင်ထိပို့ပေးဖို့ အမျိုးသမီး ၁ ဦးက ဆက်သွယ်လာကြောင်း၊ ကားခ ၁ ဦးလျှင် ဘတ် ၁၅၀၀ နဲ့ သဘောတူပြီး တက္ကစီ ၁ စီးကို ၅ ယောက်ကျ တက္ကစီ ၂ စီးနဲ့ တင်ဆောင်လာစဉ် အဖမ်းခံရတာလို့ ဆိုပါတယ်။

ဖမ်းဆီးခံသူတွေက သူတို့ဟာ မလေးရှားမှာသွားရောက်အလုပ်လုပ်ပေမယ့် ကိုဗစ်-၁၉ ရောဂါပြန့်ပွါးမှုကြောင့် မလေးရှားအစိုးရကလည်း တရားမဝင်အလုပ်သမားတွေကို ပြင်းပြင်းထ န်ထန် ဖမ်းဆီးအရေးယူနေကြောင်း၊ ဒါကြောင့် သူတို့ဟာ ထိုင်းကနေတဆင့် မြန်မာပြည်ပြန်ဖို့  ပွဲစားအဆက်အသွယ်နဲ့ လူ ၁ ဦးကို မလေးရှားငွေ ၃၀၀၀ ရင်းဂစ် ( ထိုင်းဘတ်ငွေ ၃ သောင်းနီးပါး) ပေးပြီး ပြန်လာကြကြောင်း၊  လာကြိုမယ့်သူက နာရီစင်မှာ  လာစောင့်ခိုင်းတာမို့ အဲဒီကိုသွားဖို့ တက္ကစီ စီးစဉ် အဖမ်းခံရတယ်လို့ ဆိုပါတယ်။ 

တာဝန်ရှိသူတွေက သူတို့ကို ကနဦးအပူချိန်နဲ့ ကိုဗစ်-၁၉ စစ်ဆေးပြီး ၁၄ ရက်ကွာရန်တင်းဝင်စေကာ ကိုဗစ်-၁၉ ဥပဒေ၊ တရားမဝင် ဝင်ရောက်မှုဥပဒေတွေနဲ့ အရေးယူသွားမယ်လို့ ဆိုပါတယ်။ 

တက္ကစီမောင်းသမား ထိုင်းလူမျိုး ၂ ဦးမှာလည်း တရားမဝင်သူတွေ တင်ဆောင်မှု၊ အကာအကွယ်ပေးမှုတွေနဲ့ အရေးယူခံရမှာဖြစ်ပါတယ်။ 

လတ်တလော မလေးရှားနိုင်ငံမှာ အိန္ဒိယနဲ့ အာဖရိကတိုက်မှာ တွေ့ရှိတဲ့ ကိုဗစ်-၁၉ ရောဂါပိုးမျိုးစိပ်တွေ ကူးစက်နေတာမို့ ထိုင်း-မလေးနယ်စပ်ကို တင်းကြပ်စွာ စစ်ဆေးနေတာလို့ သတင်းမှာ ဖော်ပြပါတယ်။ 

1 week Ago

May 8, 2021

ဘန်ကောက်တွင် အန္တရာယ်ရှိအုပ်စုများမှ အလုပ်သမားများကို ကိုဗစ်-၁၉ အခမဲ့စစ်ဆေးပေး

ထိုင်းနိုင်ငံမြို့တော် ဘန်ကောက်မြို့မှာ  ရောဂါကူးစက်မှုဖြစ်ပွားနိုင်ချေ အန္တရာယ်ရှိ အုပ်စုတွေထဲက အလုပ်သမားတွေကို ကိုဗစ်-၁၉ အခမဲ့ စစ်ဆေးနေတယ်လို့ သိရပါတယ်။

    ဒီစစ်ဆေးမှုကိုတော့ မေလ ၅ ရက်ကနေ ၃၁ ရက်နေ့အထိ ဘန်ကောက်လူငယ်စင် တာ(ထိုင်း-ဂျပန်)မှာ စစ်ဆေးပေးသွားမှာဖြစ်ပြီး အဆိုပါအလုပ်သမားအုပ်စုတွေအနေနဲ့ လူမှုဖူလုံရေးစနစ်မှာ အကျိုးခံစားခွင့်မရှိတဲ့သူတွေ ဖြစ်ရမယ်လို့ ဘန်ကောက်မြို့တော်စီမံ အုပ်ချုပ်ရေးအဖွဲ့မှ အုပ်ချုပ်ရေးမှူး အက်စ်ဝမ် ကွမ်မောင်က ပြောပါတယ်။

    လူမှုဖူလုံရေးအကျိုးခံစားခွင့်ရှိသူတွေကိုတော့ ပြီးခဲ့တဲ့ ဧပြီ ၁၆ ရက်နေ့မှာ ကိုဗစ် -၁၉ အခမဲ့စမ်းသပ်မှုတွေ ပြုလုပ်ပေးခဲ့တာ ဖြစ်ပါတယ်။

    ဘန်ကောက်လူငယ်စင်တာ (ထိုင်း-ဂျပန်)မှာ နေ့စဉ် လူဦးရေ ၂ ထောင်လောက်ကို စမ်းသပ်စစ်ဆေးမှု ပြုလုပ်နိုင်ပြီး ဧပြီ ၁၆ ရက်နေ့ကနေ ၃၀ ရက်နေ့အထိ စုစုပေါင်း လူဦး ရေ ၃၂,၄၅၃ ယောက်ကို စမ်းသပ်စစ်ဆေးမှုတွေ ပြုလုပ်ခဲ့ရာမှာ ၈၀၈ ယောက်မှာ ကိုဗစ်- ၁၉ ရောဂါပိုးတွေ့ရှိခဲ့ရတယ်လို့ ဆိုပါတယ်။

    “မေလ ၅ ရက်နေ့က စတင်ပြီးတော့ ကိုဗစ်-၁၉ အခမဲ့ စစ်ဆေးမှုတွေ ပြုလုပ်ပေးတဲ့ အလုပ်သမားတွေက လူမှုဖူလုံရေး အကျိုးခံစားခွင့် မရှိတဲ့သူတွေဖြစ်ပြီး လူအများနဲ့ ထိတွေ့ဆက်ဆံမှုတွေ ပြုလုပ်ကြရတဲ့ အစားအသောက်ပို့ဆောင်ရေးဝန်ထမ်းတွေ၊ အများ ပြည်သူသုံးယာဉ်မောင်းတွေ၊ အငှားယာဉ်မောင်းတွေစတဲ့ ကူးစက်နိုင်ချေမြင့်တဲ့ အုပ်စု ဝင်တွေ ဖြစ်ပါတယ်”

ကိုဗစ်-၁၉ ရောဂါ တတိယလှိုင်းအနေနဲ့ ကူးစက်မှုတွေ မြင့်တက်နေတဲ့ ထိုင်းနိုင်ငံ တဝန်းမှာတော့ လက်ရှိအချိန်ထိ ရောဂါကူးစက်ခံရသူပေါင်း ၈ သောင်း ၁ ထောင်ကျော်နဲ့ သေဆုံးသူ ၃၈၂ ယောက် ရှိနေပါတယ်။

1 week Ago
More News
Up