January 27, 2023

ဖေ့စ်ဘွတ်ခ်ဆယ်လီ ကိုအောင်ချမ်းအေးကို စစ်ကောင်စီက ထောင်ဒဏ် ၁ နှစ်ချ

လူမှုကွန်ရက်မှာ လူသိများတဲ့ ဖေ့စ်ဘွတ်ခ်ဆယ်လီ ကိုအောင်ချမ်းအေးကို ဇန်နဝါရီ ၂၆ ရက်က ကျိုက်ထိုမြို့နယ်တရားရုံးမှာ ရာဇသတ်ကြီး ပုဒ်မ ၅၀၅(က) နဲ့ ထောင်ဒဏ်တနှစ် အမိန့်ချလိုက်တယ်လို့ မြို့ခံတွေဆီက သိရပါတယ်။

ထိုင်းကနေ ပြည်တွင်းကို အလုပ်ကိစ္စနဲ့ ပြန်လာတဲ့ ကိုအောင်ချမ်းအေးကို ဇန်နဝါရီ ၂၂ ရက်က ကျိုက်ထိုမြို့နယ် ကော့ထင်းကျေးရွာမှာရှိတဲ့ မိဘနေအိမ်မှာ စစ်ကောင်စီတပ်က ဖမ်းဆီးလိုက်တာဖြစ်တယ်လို့ မိသားစုဝင်တဦးက ဒီဗွီဘီကို ပြောပါတယ်။

“၅၀၅(က) နဲ့ ထောင်ဒဏ်တနှစ် အမိန့်ချလိုက်တာပါ။ ၂ နှစ်ကျတယ်ဆိုတာ မဟုတ်ဘူး။”

လက်ရှိ ထုတ်လုပ်ရောင်းချနေတဲ့ Dream For You ကုန်ပစ္စည်းကို ကြော်ငြာဖို့အတွက် မြန်မာနိုင်ငံကိုပြန်လာစဉ် ကိုအောင်ချမ်းအေးကို စစ်ကောင်စီက ဖမ်းဆီးခဲ့တာဖြစ်ပါတယ်။

ဆယ်လီတဦးဖြစ်တဲ့ အောင်ချမ်းအေးဟာ လူမှုကွန်ရက်စာမျက်နှာဖြစ်တဲ့ ဖေ့စ်ဘွတ်ခ်နဲ့ Tik Tok တို့မှာ ဘဝသရုပ်ဖော် ဇာတ်လမ်းတိုတွေ၊ ဟာသဇာတ်လမ်းတွေနဲ့ လူကြိုက်များသူတဦး ဖြစ်ပါတယ်။

စစ်တပ်က အာဏာသိမ်းပြီးနောက်ပိုင်း ကျိုက်ထိုမြို့နယ်မှာ ဒလန်တွေသတင်းပေးလို့ စစ်ကောင်စီတပ်က CDM ဝန်ထမ်း၊ နိုင်ငံရေးတက်ကြွလှုပ်ရှားသူတွေနဲ့ NLD ပါတီဝင်တွေကို ဖမ်းဆီးခဲ့တာလည်း ရှိပါတယ်။

21 hours Ago

March 11, 2021

မူဆယ်ဆန္ဒပြပွဲ သေနတ်ပစ်ဖောက်ဖြိုခွင်း ၁၂ ဦးထက်မနည်း ဖမ်းဆီးခံရ

ရှမ်းပြည်မြောက်ပိုင်း မူဆယ်ခရိုင် မူဆယ်မြို့မှာ ကနေ့မနက်က စစ်အာဏာရှင်ဆန့်ကျင်ရေး ဆန္ဒပြဖို့လူစုနေစဉ် နစက ( နိုင်ငံတော်စီမံအုပ်ချုပ်ရေးကောင်စီ )  လုံခြုံရေးစစ်တပ်နဲ့ရဲတွေ ရော က်လာပြီး သေနတ်အစစ်နဲ့ ပစ်ဖောက်ဖြို ခွင်းခဲ့သလို လူလည်း လိုက်ဖမ်းတာကြောင့် ဆန္ဒပြသူ ၁၂ ဦးထက်မနည်း ဖမ်းဆီးခံရပါတယ် ။ 

ဆန္ဒပြမယ့်လူအင်အား တစ်ရာလောက်ဟာ ကနေ့ ( မတ်လ ၁၁ ရက် ) မနက် ၁၁ နာရီလောက်က မူဆယ် နာရီစင်အနားမှာ ထိုင်သပိတ်လုပ်ဖို့ စုဝေးရောက်ရှိစဉ် ရဲနဲ့စစ်သားတွေပါတဲ့ လုံခြုံရေးတပ် အင်အား ၇၀ လောက်ရောက်လာပြီး  သေနတ်နဲ့ ပစ်ဖောက်လို့ လူတွေကစင့်ကလျားထွက်ပြေးခဲ့ကြောင်း ၊ လုံခြုံရေးတပ်က အနောက်က လိုက်ဖမ်းလို့ အနည်းဆုံး ၁၂ ယောက်လောက်ပါသွားတာလို့ မျက်မြင်ဒေသခံတစ်ဦးက ဒီဗွီဘီကို ပြောပါတယ် ။ 

“   သူတို့က နာရီစင်နားမှာစုဝေးနေတုန်း ရဲတွေရော စစ်သားတွေရောရောက်လာတယ် ၊ သေနတ် ၃ ခါပစ်တယ် ။ ပထမတစ်ခေါက် ၃ ချက် ၊ ဒုတိယတခါ ၂ ချက် နဲ့ နောက်ဆုံး ၁ ချက် စုစုပေါင်း ၆ ချက် ကျည်အစစ်တွေနဲ့ မိုးပေါ်ထောင်ပစ်တာခင်ဗျ ၊ ကလေးတွေက ထွက်ပြေးတော့ အနောက်က လိုက်ဖမ်းကြတယ် ၊ ဖိုးဝီးလ်ကားတွေနဲ့လိုက်တယ် ၊ လမ်းကြိုလမ်းကြားထဲ ဝင်ရှာ တယ် ၊ အဲဒီမှာ ၁၂ ယောက်  တချို့က ၁၃ ယောက် ပါသွားတယ်လို့လည်းကြားပါတယ်ခင်ဗျ      ”

လုံခြုံရေးတပ်ဖွဲ့ဝင်တွေဟာ ညနေ ၂ နာရီကျော်တဲ့ထိ ဆန္ဒပြသူတွေ လိုက်ရှာနေဆဲဖြစ်ပြီး ဖမ်းဆီးခံရသူတွေရဲ့ အမည်စာရင်းလည်း လူမှုကွန်ရက်မှာပြန့်နေပါတယ် ၊ အဲဒီထဲမှာ အမျိုးသား ၈ ဦး အမျိုးသမီး ၄ ဦးပါဝင်ကာ ၁၈ နှစ်အောက်လူငယ် ၂ ယောက်လည်းပါပါတယ် ။ 

ဖမ်းဆီးခံရသူတွေ ပြန်လွှတ်ပေးဖို့ မူဆယ်ရှေ့နေများနဲ့ ရပ်မိရပ်ဖတချို့ ရဲစခန်းမှာ လိုက်လံ ညှိနှိုင်းတောင်းဆိုနေတယ်လို့ သိရပါတယ် ။ 

မူဆယ်ပြည်သူတွေဟာ စစ်အာဏာရှင်ဆန့်ကျင်ရေးဆန္ဒပြပွဲကို ဖေဖော်ဝါရီလ ၃ ရက်နေ့ ကတည်းက စတင်ခဲ့ပြီး ဒီလ ၉ ရက်နေ့က ကားလေးကွင်းဆန္ဒပြပွဲမှာ စတင်အကြမ်းဖက်ဖြိုခွင်း ခံခဲ့ရတာပါ ။ 

၉ ရက်နေ့က ရာဘာကျည်နဲ့ ပစ်ခတ်ရာမှာ လူတစ်ဦး ပုခုံးလက်ပြင်ကိုထိမှန်သွားပြီး ဆေးရုံကားနဲ့ တင်ခေါ်သွားတာတွေ့ရကြောင်း သူ့ရဲ့နောက်ဆုံးအခြေအနေတော့ မသိရဘူးလို့ မူ ဆယ်ဒေသခံက ပြောသွားပါတယ် ။ 

2 years Ago
More News
Up