မှုခင်း/မူးယစ်ဆေး

May 24, 2022

ဘင်္ဂလားဒေ့ရှ်သို့ တရားမဝင်ပို့ဆောင်မည့် ရွှေကျပ် ၄၀ သားအား ကညင်ချောင်းစီးပွားဇုန်၌ ဖမ်းမိ

ဘင်္ဂလားဒေ့ရှ်နိုင်ငံကို တရားမဝင်ပိုးဆောင်မယ့် ရွှေကျပ် ၄၀ သားအား ကညင်ချောင်းစီးပွားရေးဇုန်မှာ မေ ၂၂ ရက်နေ့က ဖမ်းဆီးရမိခဲ့တယ်လို့ ကညင်ချောင်းစီးပွားဇုန်တာဝန်ရှိသူတွေက ပြောပါတယ်။

“ဟုတ်တယ်။ မနေ့က ပူးပေါင်အဖွဲ့က ကုန်ပစ္စည်းတွေကို စစ်ဆေးနေတယ်၊ အဲဒီအနားကို ရောက်လာတဲ့ အမျိုးသား တစ်ယောက်ကို  မသင်္ကာစရာဖြစ်လို့ ခေါ်တဲ့အခါ ရွှေထုတ်ကိုချပြီး ထွက်ပြေးသွားတာ။” လို့ ကညင်ချောင်းစီးပွားရေးဇုန် တာဝန်ရှိသူတဦးက ပြောပါတယ်။

ရခိုင်ပြည်နယ် မောင်တောမြို့ ကညင်ချောင်းစီးပွားရေးဇုန်အတွင်း ဆိပ်ခံတံတားတွေက ကုန်ပစ္စည်းတွေကို ပူးပေါင်းအဖွဲ့က လှည့်လည်စစ်ဆေးစဉ် ဆိပ်ခံ ၃ နဲ့ ကိုက် ၃၀ လောက်အကွာ ကညင်ချောင်းစီးပွားရေးဇုန်အဝင်လမ်းမှာ မသင်္ကာစရာ အမျိုးသား ၁ ဦးအား စစ်ဆေးဖို့ ခေါ်ယူခဲ့ရာ အစစ်ဆေးမခံဘဲ ပုဆိုးနဲ့ ထုပ်ထားတဲ့ အထုပ်တထုပ်အား လွှတ်ချကာ ထွက်ပြေးလွတ်မြောက်သွားခဲ့တာလို့ ဆိုပါတယ်။

လွှင့်ပစ်ခဲ့တဲ့ အထုပ်အား သက်သေတွေနဲ့အတူ ဖွင့်ဖောက်စစ်ဆေးခဲ့ရာ အကယ်ဒမီတံဆိပ်ပါ ရွှေအလေးချိန် ၁၀ ကျပ်သားခန့်  ၄ တုံး (ကာလတန်ဖိုး စုစုပေါင်း ၈၂၀ သိန်း) လောက်အား ပိုင်ရှင်မဲ့ဖမ်းဆီးရမိခဲ့တာလည်းဖြစ်ပါတယ်။

လက်ရှိမျာ ထွက်ပြေးလွတ်မြောက်သွားသူ အမျိုးသားအား ဆက်လက်ရှာဖွေဖော်ထုတ်နေတယ်လို့ သိရှိရပါတယ်။

၂၀၂၂ ခုနှစ် ဖေဖော်ဝါရီလ ၁၇ ရက် နေ့ကလည်း ကျီးကန်းပြင်စစ်ဆေးရေးဂိတ်မှာ တဖက် ဘင်္ဂလားဒေ့ရှ်နိုင်ငံကို သယ်ဆောင်မယ့် သံသယနဲ့ ရွှေချောင်း ၂၀ ဖမ်းဆီးရမိခဲ့ပါသေးတယ်။

12 hours Ago

May 23, 2022

မန္တလေး - ပြင်ဦးလွင်လမ်းတွင် ကားမှောက်ပြီး လူ ၂ ဦးဒဏ်ရာရ

မန္တလေးတိုင်း၊ ပြင်ဦးလွင်မြို့နယ် မန္တလေး - ပြင်ဦးလွင်လမ်း မိုင်တိုင် 16/4 အနီးမှာ မေလ ၂၃ ရက် မွန်းလွဲ  ၁၂ ခွဲကျော်က ကားတစီးအရှိန်လွန် တိမ်းမှောက်လို့ အမျိုးသား ၂ ယောက် ဒဏ်ရာရသွားပါတယ်။

ကားဟာအရှိန်လွန် တိမ်းမှောက်ပြီး ချောက်နှုတ်ခမ်းမှာ တင်ရှိနေတာဖြစ်ကာ လမ်းကြုံ ရောက်ရှိလာတဲ့ လုပ်ငန်းသုံး ကရိန်းယာဉ်နဲ့ ချောက်နှုတ်ခမ်းမှာ တင်ရှိနေတဲ့  အမျိုးသားယောက်ကို အောင်မြင်စွာကယ်ထုတ်နိုင်ခဲ့တယ်လို့ စေတနာမွန် လူမှုကူညီရေးအသင်း(အုန်းချော) က ထုတ်ပြန်ထားပါတယ်။

အမျိုးသားနှစ်ယောက်ဟာ မစိုးရိမ်ရတဲ့ ဒဏ်ရာတချို့ရရှိခဲ့ပြီး မန္တလေး ဆေးရုံကြီးသို့ စေ‌တနာမွန် လူနာတင်ယာဉ်နဲ့ ပို့ဆောင်ခဲ့တယ်လို့ သိရပါတယ်။

1 day Ago
More News
Up