ရင်ဖွင့်စာ/ပေးစာ

February 26, 2021

သမ္မတ ဦးဝင်းမြင့်ထံသို့ ချက်သမ္မတ ပေးစာ

 အဆွေတော် ခင်ဗျား

အဆွေတော် ယခု ရင်ဆိုင်ကြုံတွေ့နေရသော အလွန်ခက်ခဲသည့် အခြေအနေနှင့် ပတ်သက်၍ ကျွန်ုပ်အနေဖြင့် လေးနက်စွာ စိုးရိမ်ပူပန်မိပါသည်။ အဆွေတော်၏ ငြိမ်းချမ်းသော ဒီမိုကရေစီတိုက်ပွဲလမ်းစဉ်ကို ကျွန်ုပ်အနေဖြင့် မမှိတ်မသုန် ထောက်ခံပါကြောင်း အခိုင်အမာ စိတ်ချစေလိုပါသည်။

မြန်မာနိုင်ငံတွင် စစ်တပ်အာဏာသိမ်းမှုကို ချက်သမ္မတနိုင်ငံအနေဖြင့် ပြင်းပြင်းထန်ထန် ရှုတ်ချသည်။ ကျွန်ုပ်တို့အနေဖြင့် တရားဝင် ရွေးကောက်တင်မြှောက်ထားသော ခေါင်းဆောင်များကို ထောက်ခံပြီး၊ ၂၀၂၀ ခုနှစ် နိုဝင်ဘာလတွင် ကျင်းပခဲ့သော လွှတ်တော်ရွေးကောက်ပွဲ၏ ရလဒ်ကို လေးစားလက်ခံရန် တောင်းဆိုပါသည်။

အဆွေတော် ခင်ဗျား၊ ချက်သမ္မတနိုင်ငံသည် မြန်မာနိုင်ငံ၏ ဒီမိုကရေစီအသွင်ကူးပြောင်းရေး လမ်းစဉ်အပေါ် ရေရှည်ကတိကဝတ်များ ရှေးကတည်းကပင်ထားရှိခဲ့ပြီး၊ မြန်မာပြည်သူလူထုအတွက် ရေရှည်တည်တံ့သော ငြိမ်းချမ်းရေး၊ လွတ်လပ်မှု၊ လူ့အခွင့်အရေးနှင့် သာယာဝပြောမှုများကို မြှင့်တင်ရန် သင်၏ ကြိုးပမ်းမှုများကို ကျွန်ုပ်တို့ အမြဲတမ်းထောက်ခံပါသည်။

ကွယ်လွန်လေပြီဖြစ်သော ကျွန်ုပ်တို့၏ သမ္မတဟောင်း Václav Havel နှင့် ဒေါ်အောင်ဆန်းစုကြည်သည် မိတ်ဆွေများဖြစ်ပြီး၊ သူမနှင့်အတူ ရှုပ်ထွေးသည့် ဤအသွင်ကူးပြောင်းရေးလမ်းစဉ် အတွေ့အကြုံများကို ကျွန်ုပ်တို့ ဖလှယ်ခွင့်ရခဲ့ပါသည်။ ထိုအချိန်ကတည်းကပင် ချက်ပြည်သူ့သမ္မတနိုင်ငံသားများသည် မြန်မာနိုင်ငံရှိ ပြည်သူလူထုနှင့် ထူးခြားသည့် ဆက်နွှယ်မှု ရှိခဲ့ပြီးဖြစ်ပါသည်။

ဖမ်းဆီးထိန်းသိမ်းထားသော နိုင်ငံရေးသမားများ၊ တက်ကြွလှုပ်ရှားသူများ၊ လူ့အခွင့်အရေးခုခံကာကွယ်သူများ၊ သတင်းထောက်များနှင့် အနုပညာရှင်များအား ခြွင်းချက်မရှိ အမြန်ဆုံးပြန်လည်လွှတ်ပေးရန် ကျွန်ုပ်တို့အနေဖြင့် တိုက်တွန်းပါသည်။ ဒီမိုကရေစီဦးတည်ရာ လမ်းကြောင်းအပေါ် မြန်မာနိုင်ငံ ပြန်လည်ရောက်ရှိနိုင်ရန် ကျွန်ုပ်တို့အနေဖြင့် နိုင်ငံတကာအသိုင်းအဝိုင်းနှင့်အတူ သံတမန်ရေးရာလမ်းစဉ်၊ ပြဋ္ဌာန်းချက်များအားလုံးကို အသုံးပြုသွားမည်ဖြစ်ပါသည်။

ချက်သမ္မတနိုင်ငံသည် အဆွေတော်နှင့် မြန်မာပြည်သူလူထုဘက်၌ ခိုင်မာစွာ ရပ်တည်ပါသည်။  

ဖေဖော်ဝါရီ ၂၄ ရက်ပေးပို့သည့်စာ 

3 months Ago

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံသို့ ချက်သမ္မတ ပေးစာ

အဆွေတော်ခင်ဗျား

အဆွေတော် ယခု ရင်ဆိုင်ကြုံတွေ့နေရသော အလွန်ခက်ခဲသည့် အခြေအနေနှင့် ပတ်သက်၍ ကျွန်ုပ်အနေဖြင့် လေးနက်စွာ စိုးရိမ်ပူပန်မိပါသည်။ အဆွေတော်၏ ငြိမ်းချမ်းသော ဒီမိုကရေစီတိုက်ပွဲလမ်းစဉ်ကို ကျွန်ုပ်အနေဖြင့်  မမှိတ်မသုန် ထောက်ခံပါကြောင်း အခိုင်အမာ စိတ်ချစေလိုပါသည်။

မြန်မာနိုင်ငံတွင် စစ်တပ်အာဏာသိမ်းမှုကို ချက်သမ္မတနိုင်ငံအနေဖြင့် ပြင်းပြင်းထန်ထန် ရှုတ်ချသည်။ ကျွန်ုပ်တို့အနေဖြင့် တရားဝင် ရွေးကောက်တင်မြှောက်ထားသော ခေါင်းဆောင်များကို ထောက်ခံပြီး ၂၀၂၀ ခုနှစ် နိုဝင်ဘာလတွင် ကျင်းပခဲ့သော လွှတ်တော်ရွေးကောက်ပွဲ၏ ရလဒ်ကို လေးစားလက်ခံရန် တောင်းဆိုပါသည်။

အဆွေတော် ခင်ဗျား

၂၀၁၃ ခုနှစ်နှင့် ၂၀၁၉ ခုနှစ်များတွင် အဆွေတော် ချက်သမ္မတနိုင်ငံကို အလည်အပတ် ရောက်ခဲ့စဉ်က ကျွန်ုပ်တို့ကြားရှိ ရင်းနှီးချစ်ကြည်သော ဆွေးနွေးမှုများကို ကျွန်ုပ်အနေဖြင့် အမှတ်ရဆဲဖြစ်ပါသည်။ အဆွေတော် အနေဖြင့် ကျွန်ုပ်အား ကိုယ်တိုင်အားသွန်ခွန်စိုက် နှစ်မြှုပ်ကြိုးပမ်းထားသော အလွန်ရှုပ်ထွေးသည့် အသွင်ကူးပြောင်းရေးလမ်းစဉ်နှင့် ထူးခြားသော အတွေ့အကြုံများကို မျှဝေခဲ့ပါသည်။ ချက်သမ္မတနိုင်ငံသည် ဒီမိုကရေစီအသွင်ကူးပြောင်းရေးနှင့် ထာဝရတည်တံ့သော ငြိမ်းချမ်းရေး၊ လွတ်လပ်ရေး၊ လူ့အခွင့်အရေး ကြိုးပမ်းမှု လုပ်ငန်းစဉ်များနှင့် မြန်မာနိုင်ငံသူ၊ နိုင်ငံသားများ၏ ကောင်းကျိုးချမ်းသာခြင်းအတွက် တစိုက်မတ်မတ် ထောက်ခံနေလျှက်ရှိပါသည်။

ယခုအချိန်တွင် ချက်သမ္မတနိုင်ငံသူ၊နိုင်ငံသားများအနေဖြင့် မြန်မာပြည်သူများနှင့် ယခင်ကထက်ပိုမို ထူးခြားသော ဆက်နွှယ်မှု ရှိနေပြီဖြစ်ပါသည်။ ဒီမိုကရေစီလမ်းကြောင်းပေါ်သို့ အန္တရာယ်ကင်းစွာဖြင့် အမြန်ဆုံး ပြန်လည်ရောက်ရှိနိုင်ရန်အတွက် ကျွန်ုပ်တို့ မျှော်လင့်ပါသည်။ ဖမ်းဆီးထိန်းသိမ်းထားသော နိုင်ငံရေးသမားများ၊ တက်ကြွလှုပ်ရှားသူများ၊ လူ့အခွင့်အရေး ခုခံကာကွယ်သူများ၊ သတင်းထောက်များနှင့် အနုပညာရှင်များအား ခြွင်းချက်မရှိ အမြန်ဆုံးပြန်လည်လွှတ်ပေးရန် ကျွန်ုပ်တို့အနေဖြင့် တိုက်တွန်းပါသည်။

ဒီမိုကရေစီဦးတည်ရာ လမ်းကြောင်းအပေါ် မြန်မာနိုင်ငံ ပြန်လည်ရောက်ရှိနိုင်ရန် ကျွန်ုပ်တို့အနေဖြင့် နိုင်ငံတကာ အသိုင်းအဝိုင်းနှင့်အတူ သံတမန်ရေးရာလမ်းစဉ်၊ ပြဋ္ဌာန်းချက်များအားလုံးကို အသုံးပြုသွားမည်ဖြစ်ပါသည်။

ချက်သမ္မတနိုင်ငံသည် အဆွေတော်နှင့် မြန်မာပြည်သူလူထုဘက်၌ ခိုင်မာစွာ ရပ်တည်ပါသည်။

ဖေဖော်ဝါရီ ၂၄ ရက်ပေးပို့သည့်စာ

3 months Ago

January 21, 2021

မသန်စွမ်းသူများအရေး-လူထုအသံ 

မြန်မာနိုင်ငံမှာ အတည်ပြုပြဋ္ဌာန်းထားပြီးဖြစ်တဲ့ မသန်စွမ်းဥပဒေ၊ နည်းဥပဒေတွေ လက်တွေ့ ထိထိရောက်ရောက် အကောင်အထည်ဖော်နိုင်ဖို့နဲ့ တန်းတူအခွင့်အရေးရဖို့ မသန်စွမ်းသူတွေက လိုလားနေကြပါတယ်။ မသန်စွမ်းသူတွေရဲ့ အရေးနဲ့ပတ်သက်လို့ ရန်ကုန်တိုင်း၊ လှိုင်သာယာမြို့နယ်မှာနေကြတဲ့ မသန်စွမ်းသူတချို့ကို ဒီဗွီဘီသတင်းဌာနက သွားရောက် တွေ့ဆုံမေးမြန်းထားသမျှကို ဖော်ပြ ပေးလိုက်ရပါတယ်။ ဦးကိုကိုမောင် “အဓိက အစိုးရကနေပြီးတော့ ကျနော်တို့ မသန်စွမ်းသူတွေအတွက် တန်းတူအခွင့်အရေး ရစေချင်တယ်။ နောက်တစ်ခုက တန်းတူအခွင့်အရေးထဲမှာ ဘာတွေပါလဲဆိုတာတော့ အစိုးရဌာနတွေမှာ ကျနော်တို့ မသန်စွမ်းသူတွေကို ခန့်အပ်ဖို့ကို မရှိကြသေးဘူး။ သူတို့ကိုယ်တိုင်က ခန့်အပ်မှု မရှိသေးဘူးဆိုရင် ကျန်တဲ့ ပုဂ္ဂလိက ကဏ္ဍတွေမှာ ခန့်အပ်ဖို့ဆိုတာ တော်တော်လေး စဉ်းစားကြမှာပါ။ အဓိကကတော့ အစိုးရဌာနတွေမှာ အရင်ဆုံး မသန်စွမ်းသူတွေကို နေရာပေးစေချင်တယ်။ အတတ်ပညာရှိတဲ့ မသန်စွမ်းသူတွေ အများကြီးရှိကြပါတယ်။ သူတို့ကို အသုံးပြုလို့ရတဲ့နေရာတွေ အများကြီးရှိပါတယ်။ အစိုးရ၀န်ထမ်းလိုနေရာတွေမှာ ခန့်အပ်ဖို့ အများကြီးလိုပါသေးတယ်။ ဒါလေးတော့ အကြံပြုပြောချင်တယ်။ ပြီးတော့  အလုပ်ခေါ်စာမှာကိုက ကျန်းမာသန်စွမ်းသူ ဖြစ်ရမယ်ဆိုတာက ကျနော်တို့အတွက် အများကြီး အတားအဆီးဖြစ်ပါတယ်။ ဒါလေးတော့ ဖြု‌တ်ပေးစေချင်တယ်။ အစိုးရဌာနတွေက ဦးဆောင်ပြီးလုပ်ပေးရင် ပုဂ္ဂလိကအလုပ်တွေက အလိုလိုနောက်ကလိုက်လုပ်လာကြမယ်လို့ ထင်ပါတယ်။” ဒေါ်ရီရီသန်း “မသန်စွမ်းတွေအပေါ် ဆက်ဆံတဲ့အခါကျတော့ အရင်ကလေးငယ်ငယ်လေးက ကလေးချီပြီး အညှော်ရှောင်တာ ကလေးက မသန်စွမ်းဖြစ်လို့နေမယ် အိမ်တစ်အိမ်က မောင်းထုတ်တာ ခံလိုက်ရတယ်။ ဒီလိုမသန်စွမ်းကလေးက ကျက်သရေမရှိဘူး၊ ငါ့အိမ်မလာနဲ့ဆိုပြီး ပြောလိုက်တဲ့အခါမှာ ပြန်လာခဲ့ရတယ်။ စိတ်မကောင်းစွာနဲ့ပဲ ပြန်လှည့်လာခဲ့ရတာ။ ကိုယ်တွေက သူတို့လည်းသွားပြီးတော့ ရန်တွေ့လို့လည်းမရဘူးလေ။ အခုတော့မသန်စွမ်းဆိုရင်အားလုံးက ကူညီချင်တဲ့ စိတ်တွေများလာပါပြီ လူ့အဖွဲ့အစည်းက ဒီလိုများလာပြီဆိုတော့ ကိုယ့်အတွက်တော့ ဘာပဲပြောပြော အားတော့ရှိတာပေါ့။” ကိုမင်းသက်ခိုင် “အစိုးရအဖွဲ့အစည်းကို ဘာပြောချင်လဲဆိုတော့ မသန်စွမ်းသူတွေကို ပညာရေးကဏ္ဍမှာ နံပါတ်တစ်အနေနဲ့ စဉ်းစားပေးစေချင်တယ်။ ဒိထက်ကျယ်ကျယ်ပြန့်ပြန့် ပညာသင်ကြားပိုင်ခွင့် အခွင့်အလမ်းကိုရစေချင်တယ်။ နံပါတ်နှစ်အချက်ကတော့ အလုပ်အကိုင်အခွင့်အလမ်း။ တချို့မှာလည်း မသန်စွမ်းမှုအားနည်းချက်ကြောင့် ပညာတစ်ပိုင်းတစနဲ့ ကျောင်းထွက်ရတဲ့ သူတွေလည်း အများကြီးရှိပါတယ်။ ဒီလူတွေကို သူတို့လုပ်နိုင်တဲ့အင်အားလေးနဲ့ လုပ်ငန်းခွင်မှာ ခန့်အပ်ပေးဖို့လည်း တောင်းဆိုချင်ပါတယ်။” ဒေါ်အေးစန်း “လူလူချင်း အချင်းချင်းပဲပေါ့ ခွဲခြားဆက်ဆံတာတွေ နည်းဖို့ပါပဲ။ သန်စွမ်းတာလည်း လူပဲ။ မသန်စွမ်းတာလည်း လူပဲ။ လူလူချင်း ခွဲခြားဆက်ဆံတာတွေမလုပ်ဖို့ ပြောချင်ပါတယ်။”         ကိုကျော်မင်းသိန်း “ကျနော်တို့ ကြိုးစားချိန်မှာ၊ မဖြစ်သေးချိန်အတောအတွင်းမှာ အထင်သေးတဲ့စိတ်နဲ့ ခွဲခြားတာမျိုး ကျနော်တို့မသန်စွမ်းတွေက လူကောင်းတွေရဲ့ အသနားခံဘ၀လို့ ထင်ကြတာမျိုးပါ။ ကျနော်ဆိုရင်  ဒီဆိုင်စဖွင့်ကတည်းက ဘာကို စပြီးရင်ဆိုင်ရလဲဆိုတော့ ဆံပင်ညှပ်မယ်ဆိုပြီး ဧည့်သည်က ဝင်လာတယ်။ အဲ့အချိန်မှာ ဂျိုင်းထောက် ထောက်လိုက်တဲ့အချိန်မှာ ဘာဖြစ်သွားလဲဆိုတော့ မညှပ်တော့ဘူး။ မင်းညှပ်တယ်ဆို အဆင်မပြေဘူးဆိုပြီး ပြန်ထွက်သွားတယ်။ ဒီအပေါ်မှာ ပြန်ပါစေဆိုတဲ့ သဘောထားမျိုးမထားဘူး။ လာပါ၊ ကျနော်ကြိုးစားထားတဲ့ အရာလေးတော့ အသိအမှတ်ပြုပေးပါ။ ညှပ်ကြည့်ပါ။ ပြီးတော့မှ အဆင်မပြေရင် မပြေတဲ့အကြောင်းပြောပါ။ ဒီလိုအခြေအနေမျိုးမှာ ကြိုးစားခဲ့ရတယ်။”
4 months Ago
More News
Up