ပေါ်တူဂီနည်းပြဟောင်း ဖာနန်ဒိုဆန်းတို့စ်ကို ပိုလန်အသင်းခေါ်ယူခန့်အပ်

ပိုလန်အသင်းဟာ ပေါ်တူဂီနည်းပြဟောင်း ဖာနန်ဒိုဆန်းတို့စ်ကို နည်းပြချုပ်အဖြစ် ခေါ်ယူခန့်အပ် လိုက်ပါတယ်။

ပေါ်တူဂီအသင်းကို ယူရို ၂၀၁၆ ချန်ပီယံနဲ့ နေးရှင်းနယ်လိဂ်ချန်ပီယံဆုတွေ ရရှိအောင် စွမ်းဆောင်နိုင်ခဲ့ပေမဲ့ ကမ္ဘာ့ဖလားရလဒ်ကြောင့် ပေါ်တူဂီအသင်းက ထုတ်ပယ်ခဲ့တာပါ။

ပိုလန်အသင်းဟာ ဆန်းတို့စ်ကို လာမယ့် ၂၀၂၆ ကမ္ဘာ့ဖလားအထိစာချုပ်ချုပ်ဆိုခဲ့ပါတယ်။ သူကိုယ်တိုင် ပိုလန်လူမျိုးတဦး ဖြစ်သွားသလို ခံယူထားပြီး ပိုလန်ပရိသတ်တွေ ပျော်ရွှင်ခွင့်ရဖို့ အစွမ်းကုန်ကြိုးပမ်းသွားမယ်လို့ ဆန်းတို့စ်က ပြောပါတယ်။

ဆန်းတို့စ်ဟာ ပိုလန်အသင်းသမိုင်းတလျှောက် တတိယမြောက် နိုင်ငံခြားသားနည်းပြဖြစ်ပါတယ်။ ဆန်းတို့စ်ဟာ အရင်က ဂရိနဲ့ ပေါ်တူဂီတို့ကို ကိုင်တွယ်ခဲ့တာမို့ ပိုလန်အသင်းက သူတာဝန်ယူမယ့် တတိယမြောက် နိုင်ငံအသင်းဖြစ်ပါတယ်။

More News
Up