မြန်မာနိုင်ငံ ရင်းနှီးမြှုပ်နှံမှုကော်မရှင်ကို ပြောင်းလဲဖွဲ့စည်း
DVB
·
May 29, 2014
မြန်မာနိုင်ငံ ရင်းနှီးမြှုပ်နှံမှုကော်မရှင်ကို ပြောင်းလဲဖွဲ့စည်းလိုက်တယ်လို့ သမ္မတရုံး တာဝန်ရှိသူတဦးက အတည်ပြုပြောဆိုပါတယ်။
အသစ် ပြန်လည်ဖွဲ့စည်းလိုက်တဲ့ ရင်းနှီးမြှုပ်နှံမှုကော်မရှင်မှာ ဥက္ကဋ္ဌအဖြစ် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဇေယျာအောင်၊ ဒုဥက္ကဋ္ဌအဖြစ် ဟိုတယ်နဲ့ ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးဌေးအောင်နဲ့ အတွင်းရေးမှူးအဖြစ် ကုမ္ပဏီများ မှတ်ပုံတင်ရေး ညွှန်ကြားမှု ဦးစီးဌာန ညွှန်မှူး ဦးအောင်နိုင်ဦး တို့ဖြစ်ကြပါတယ်။
အဖွဲ့ဝင်တွေအဖြစ် နဂို ပါဝင်ခဲ့သူတွေတင်မက ဘဏ္ဍာရေးဝန်ကြီးဌာန ပြည်ထောင်စုဒုဝန်ကြီး ဒေါက်တာ မောင်မောင်သိမ်းနဲ့ စီမံကိန်းဝန်ကြီးဌာန ပြည်ထောင်စုဒုဝန်ကြီး ဒေါ်လဲ့လဲ့သိန်း တို့ကိုပါ ထပ်မံ ထည့်သွင်းဖွဲ့စည်းထားပါတယ်။
ရင်းနှီးမြှုပ်နှံမှု ကော်မရှင်မှာ နောက်ဆုံးဥက္ကဋ္ဌ လုပ်ခဲ့သူဟာ ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန် ဖြစ်ပါတယ်။
ဒါတင်မက ရင်းနှီးမြှုပ်နှံမှုကော်မရှင်ကို ဘဏ္ဍာရေးဝန်ကြီးဌာန အောက်မှာ မထားတော့ဘဲ ဗဟိုဘဏ်လို လွတ်လပ်တဲ့အဖွဲ့တခုအဖြစ် ရပ်တည်နိုင်ရေး ပြင်ဆင်နေတယ်လို့လည်း သိရပါတယ်။