Omicron ကိုဗစ်မျိုးကွဲသစ်အပေါ် ကာကွယ်ဆေးများသက်ရောက်နိုင်စွမ်းနည်းဟု မိုဒါနာကုမ္ပဏီ အကြီးအကဲပြော

ကိုဗစ်-၁၉ ကပ်ရောဂါ ကာကွယ်ဆေးတွေဟာ ဒယ်လ်တာ ဗီဇမျိုးကွဲကို ထိထိရောက်ရောက် ကာကွယ်နိုင်သလိုမျိုး  အိုမီခရွန် ကိုရိုနာဗိုင်းရပ်စ်မျိုးကွဲအပေါ် သက်ရောက်နိုင်စွမ်းရှိမယ့် အလားအလာ နည်းတယ်လို့ ကာကွယ်ဆေးထုတ်လုပ်သူ မိုဒါနာရဲ့ အကြီးအကဲက နိုဝင်ဘာ ၃၀ ရက်မှာ ပြောပါတယ်။

မိုဒါနာရဲ့ CEO အမှုဆောင် အရာရှိချုပ် စတေဖန်ဘန်ဆယ်က Financial Times  သတင်းဌာနနဲ့ လူတွေ့ မေးမြန်းခန်းမှာ ခုလို ပြောလိုက်တာပါ။

“အချက်အလက်တွေကို စောင့်ရဦးမှာ ဖြစ်လို့ ဘယ်လောက်ပမာဏလဲ ဆိုတာတော့ ကျနော် မသိသေးဘူး။ ဒါပေမဲ့ ကျနော်တို့ ပြောခဲ့တဲ့ သိပ္ပံပညာရှင် အားလုံးက ပြောတယ်။ ဒါဟာ ကောင်းလာမယ့်ကိစ္စ မဟုတ်မယ့် အလားအလာပဲ” လို့ ဘန်ဆယ်က ပြောပါတယ်။

အိုမီခရွန်ဗီဇမျိုးကွဲအပေါ် ကာကွယ်ဆေးတွေရဲ့ ထိရာက်မှုနဲ့ပတ်သက်လို့ သတင်းအချက်အလက် တွေကို ဘယ်တော့လောက် ရမယ်လို့ မျှော်လင့်ထားသလဲ ဆိုတဲ့ မှတ်ချက်ကို တောင်းခံထားပေမဲ့ မိုဒါနာက အကြောင်းမပြန်သေးပါဘူး။

ကမ္ဘာ့ကျန်းမာရေးအဖွဲ့ကြီး WHO ကတော့ အိုမီခရွန်ကို  စိုးရိမ်ရတဲ့ ကိုရိုနာဗိုင်းရပ်စ် ဗီဇမျိုးကွဲသစ်အဖြစ် ကြေညာထားပါတယ်။

နိုဝင်ဘာ ၂၄ ရက်က တောင်အာဖရိကမှ စတင်တွေ့ရှိခဲ့တဲ့ အိုမီခရွန်ဟာ ခုတော့ ကမ္ဘာ့ နိုင်ငံပေါင်း တဒါဇင်ကျော်ကို ပျံ့နှံ့ကူးစက်ခဲ့ပြီးပါပြီ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up