မိုးကုန်လို့ ဆောင်းဝင်လာတဲ့ အောက်တိုဘာ၊ နိုဝင်ဘာလတွေမှာ ကချင်ပြည်နယ်က ပြည်သူတွေဟာ စိုက်ပျိုးထားတဲ့ တောင်ယာစပါး၊ လယ်ယာစပါးတွေနဲ့ ကောက်ပဲသီးနှံတွေကို မိသားစုဝင်တွေ၊ သူငယ်ချင်းမိတ်ဆွေတွေနဲ့ တက်ညီလက်ညီ ရိတ်သိမ်းကြပါတယ်။
ဆန်စပါး၊ ကောက်ပဲသီးနှံတွေကို ရိတ်သိမ်းပြီးတဲ့ အချိန်မှာတော့ ခရစ်ယာန်အများစု ဖြစ်တဲ့ ကချင်တိုင်းရင်းသားတွေဟာ မိမိတို့ရိတ်သိမ်းရရှိတဲ့ ဆန်စပါး၊ ကောက်ပဲသီးနှံတွေကို ဦးဦးဖျားဖျား ဘုရားသခင်ကို ကျေးဇူးတော် ချီးမွမ်းဖို့ သက်ဆိုင်ရာ ဘုရားကျောင်းတွေမှာ နှစ်စဉ်နှစ်တိုင်း ပြုလုပ်ကြပါတယ်။
အခုနှစ်မှာတော့ ကိုဗစ်ကာလဖြစ်တာကြောင့် ကျေးဇူးတော် ချီးမွမ်းခြင်း အစီအစဉ်တွေကို ကိုဗစ် စည်းကမ်းနဲ့ အညီပြုလုပ်နေကြပါတယ်။