နွေဦးတော်လှန်ရေးမှာ မိမိအသက်ကို ပဓနာ မထားဘဲ အသက်ပေးခဲ့ကြတဲ့ အာဇာနည် သူရဲကောင်း အမျိုးသမီးတွေကို လေးစားအသိမှတ်ပြုတဲ့အနေနဲ့ ဒီနေ့စတင်တဲ့ အမျိုးသမီးများအပေါ် အကြမ်းဖက်မှုများ ပပျောက်ရေးနေ့ ၁၆ ရက်တာ လှုပ်ရှားမှုမှာ သူတို့ရဲ့ တော်လှန်ရေးပါဝင်မှုတွေကို သမိုင်းမှတ်တမ်းတင်လိုက်တယ်လို့ အမျိုးသမီးများအဖွဲ့ချုပ် (မြန်မာနိုင်ငံ) က သတင်းထုတ်ပါတယ်။
၂၀၂၁ ခုနှစ် ဖေဖော်ဝါရီလမှ နိုဝင်ဘာ ၂၅ ရက်နေ့အထိ တော်လှန်ရေးကာလအတွင်း ကျဆုံးသွားတဲ့ အမျိုးသမီးတွေနဲ့ တခြားလိင်စိတ်ခံယူထားသူတွေ အယောက် ၁၀၀ ကျော် ရှိသွားပြီ လို့လည်းဆိုပါတယ်။
နွေဦးတော်လှန်ရေးကာလအတွင်း အကျဉ်းထောင်တွေအသီးသီးမှာလည်း အမျိုးသမီးတွေအပါအဝင် ပြည်သူ ၁၀,၄၅၂ ယောက် ဖမ်းဆီးခံခဲ့ရပြီး အယောက် ၇,၅၃၀ ကတော့ လက်ရှိချုပ်နှောင်ခံထားရဆဲပဲလို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) စာရင်းအရ သိရပါတယ်။