စစ်ကိုင်းတိုင်း၊ မုံရွာမြို့မှာ အောက်တိုဘာ ၂၂ ရက် ညပိုင်းက စစ်တပ်ပိုင် Mytel ဆက်သွယ်ရေးရဲ့ရုံးအပါအဝင် နေရာ  ၄  နေရာမှာ  ဗုံးပေါက်ကွဲမှုဖြစ်ပွားပြီး လူတချို့ ထိခိုက်ဒဏ်ရာရသွားပါတယ်။

ဗုံးပေါက်ကွဲတဲ့ နေရာတွေကတော့ Mytel ဆက်သွယ်ရေးကုမ္ပဏီရဲ့ မုံရွာရုံး၊ သာစည်မီးပွိုင့်နဲ့ ဘူတာကြားမှာရှိ စစ်ကောင်စီတပ်သားတွေတပ်စွဲထားတဲ့နေရာ၊ မုံရွာမြို့ တရုတ်သင်္ချိုင်းနားနဲ့ စစ်ကောင်စီတပ်သားတွေရှိတဲ့ မြို့တော်ခန်းမနားတို့ ဖြစ်ပါတယ်။

အဲ့ဒီပေါက်ကွဲမှုတွေဟာ PDF-South Monywa က ပြုလုပ်တာဖြစ်ပြီး  Mytel ရုံးအတွင်း လက်ပစ်ဗုံး ပစ်ထည့်တာကြောင့် နိုင်ငံခြားသား နှစ်ယောက်နဲ့ ရုံးစောင့်သုံးယောက် ဗုံးထိမှန်တာရှိ တယ်လို့ သိရပါတယ်။

ဒါ့အပြင် တရုတ်သင်္ချိုင်းအနီး ပေါက်ကွဲမှုဟာ စစ်ကောင်စီကားတစ်စီး မိုင်ခွဲခဲ့တာ ဖြစ်ပြီး မြို့တော်ခန်းမအနီးက ဗုံးပေါက်ကွဲမှုကြောင့်လည်း စစ်ကောင်စီတပ်သားတစ်ယောက်ထိမှန်တာရှိ တယ်လို့ PDF-South Monywa က ထုတ်ပြန်ထားပါတယ်။

မုံရွာမြို့က ညပိုင်းစစ်ဆေးရေး ၄ ခုမှာ စစ်ကောင်စီတပ်သား အသေအပျောက်ကို အတိအကျ မသိရသေးပါဘူး။ 

PDF-South Monywa အဖွဲ့သားတချို့ ယမ်းစထိမှန်တာ ရှိတွေရှိပေမဲ့ ဒဏ်ရာအခြေအနေ မစိုးရိမ်ရဘူးလို့ သိရပါတယ်။