အလာစကာကျွန်းဆွယ် ၈ ဒသမ ၂ အဆင့်ရှိ အားပြင်းငလျင်လှုပ်

အလာစကာ ကျွန်းဆွယ်မှာ အင်အားရစ်ချတ်တာ စကေး ၈ ဒသမ ၂ ရှိတဲ့ အနက်တိမ်တဲ့ ငလျင်အပြင်းစားတရပ် ဇူလိုင် ၂၈ ရက်မှာ လှုပ်ခတ်ခဲ့လို့ ဒေသတွင်းမှာ ဆူနာမီရေလှိုင်း သတိပေးချက် ထုတ်ပြန်ခဲ့ရတယ်လို့ အာဏာပိုင်တွေက ပြောပါတယ်။

 ဒေသစံတော်ချိန် ည ၁၀ နာရီ ဆယ့်ငါးမိနစ်မှာ လှုပ်ခတ်ခဲ့တဲ့ ငလျင်ဟာ မြေအောက် ၃၅ ကီလိုမီတာကို ဗဟိုပြု လှုပ်ခတ်ခဲ့တာလို့ အမေရိကန်ဘူမိစစ်တမ်းဌာန USGS က ပြောပါတယ်။

 ဟင်ချင်ဘရွတ် ဝင်ပေါက်ကနေ ယူနီမက်ခ်ရေလက်ကြားထိ အလာစကာ ကျွန်းဆွယ် တောင်ပိုင်း ပစိဖိတ်ကမ်းရိုးတန်း တလျှောက်အတွက် သတိပေးချက်ကို အမျိုးသား ဆူနာမီ သတိပေးဌာန NTWC က ထုတ်ပြန်ခဲ့ပါတယ်။

 အမေရိကန်နဲ့ ကနေဒါ ၂နိုင်ငံက ပစိဖိတ် သမုဒ္ဒရာ ကမ်းရိုးတန်း ဧရိယာက လူတွေ အတွက် ဆူနာမီအန္တရာယ် သတိပေးချက်ကို ထုတ်ပြန်ခဲ့တယ်လို့လည်း NTWC က ပြောပါတယ်။

  ပစိဖိတ်ဆူနာမီသတိပေးဌာနကတော့ အမေရိကန်နိုင်ငံ ဟာဝိုင်ယီပြည်နယ်နဲ့ အမေရိကန်ရဲ့ ပစိဖိတ် ပိုင်နက် ဂူအမ်ကျွန်းအတွက် သတိပေးချက် ထုတ်ပြန်ခဲ့ပါတယ်။

 ဥရောပမြေထဲပင်လယ် ငလျင်ဗေဒဌာနကတော့ ငလျင်ဟာ အင်အား ၈ ရစ်ချတ်တာ စကေးရှိပြီး မြေအောက် ၁၀ ကီလိုမီတာ အနက်ကို ဗဟိုပြု လှုပ်ခတ်တာလို့ သတင်း ထုတ်ပြန်ခဲ့ ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up