ထိုင်းတွင် တရက်အတွင်း ကိုဗစ်-၁၉ ကြောင့် သေဆုံးသူ ၄၀ ဦးနှင့် ကူးစက်မှုအသစ် ၂၃၃၁ ဦးရှိ

ထိုင်းနိုင်ငံမှာ တရက်အတွင်း ကိုဗစ်-၁၉ ရောဂါ ကူးစက်ခံရပြီး သေဆုံးသူအယောက် ၄၀ နဲ့ ကူးစက်မှုအသစ် ၂၃၃၁ ယောက်ရှိခဲ့တယ်လို့ ပြည်သူ့ကျန်းမာရေးဝန်ကြီးဌာနက ထုတ်ပြန်ပါတယ်။

ကူးစက်ခံရသူတွေထဲက ၂၆ ယောက်ကတော့ ထိုင်းနိုင်ငံတဝန်း အကျဉ်းထောင်တွေက ဖြစ်တယ်လို့ ဆိုပါတယ်။

ဆေးရုံတက်ရောက်ကုသမှုခံယူနေသူတွေထဲက ၄၉၄၇ ယောက်ကတော့ ပြန်လည် ပျောက်ကင်းသက်သာလာတဲ့အတွက် ဆေးရုံက ဆင်းခွင့်ရခဲ့ပြီ ဖြစ်ပါတယ်။

ထိုင်းနိုင်ငံတဝန်းမှာတော့ လက်ရှိအချိန်ထိ ကိုဗစ်-၁၉ ရောဂါကူးစက်ခံရသူပေါင်း ၂၀၄,၅၉၅ ယောက်နဲ့ သေဆုံးသူပေါင်း ၁,၅၂၅ ယောက်ထိ ရှိနေခဲ့ပြီ ဖြစ်ပါတယ်။

အာဆီယံဒေသတွင်း ကိုဗစ်-၁၉ ရောဂါသန်းနဲ့ချီ ကူးစက်မှုအမြင့်ဆုံး နိုင်ငံတွေထဲ မှာတော့ အင်ဒိုနီးရှား၊ ဖိလစ်ပိုင်နဲ့ မလေးရှားနိုင်ငံတွေက ထိပ်ဆုံးမှာ ရှိနေတာ ဖြစ်ပါတယ်။ 

ကမ္ဘာတဝန်းမှာတော့ ကိုဗစ်-၁၉ ရောဂါကူးစက်ခံရသူအရေအတွက်ဟာ ၁၇၇ ဒသ မ ၄ သန်းကျော် ရှိလာခဲ့ပြီဖြစ်ပြီး သေဆုံးသူအရေအတွက်ကတော့ ၃ ဒသမ ၈ သန်း ကျော်နဲ့ ရောဂါပြန်လည်ပျောက်ကင်းလာသူ အရေအတွက်ကတော့ ၁၆၁ ဒသမ ၈ သန်း ကျော် ရှိနေတာ ဖြစ်ပါတယ်။

Photo-Bangkok Post

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up