တက္ကဆက် ပစ်ခတ်မှု လူ ၁၃ ဦး ဒဏ်ရာရ

photo-Reuters

အမေရိကန်ပြည်ထောင်စု၊  တက္ကဆက်ပြည်နယ်၊ အော်စတင်မြို့မှာ ဇွန်၁၂ ရက်က ပစ်ခတ်မှုကြောင့် လူ ၁၃ ယောက်ထက် မနည်းဒဏ်ရာရခဲ့ပြီး ပစ်ခတ်သူလို့ သံသယရှိသူကတော့ လွတ်မြောက်နေတယ်လို့ ရိုက်တာသတင်းဌာနက ဖော်ပြပါတယ်။

ဒဏ်ရာရသူ ၂ ယောက်က အသည်းအသန် အခြေအနေမှာ ရှိနေတယ်လို့ အော်စတင်ရဲဌာန ယာယီအကြီးအကဲက ကြေညာချက် ထုတ်ပြန်ပါတယ်။

အမှတ် ၆ လမ်း ဖျော်ဖြေရေးခရိုင်မှာ မနက် ၁ နာရီခွဲက ပစ်ခတ်မှု ဖြစ်ခဲ့ပြီး သေဆုံးသူတော့ မရှိပါဘူး။ အမေရိကန်နိုင်ငံတဝန်း  ဇွန် ၁၁ ရက်ညက လူအုပ်စုကို  ပစ်ခတ်မှု အတော်များများ ဖြစ်ပွားခဲ့တယ်လို့လည်း ရိုက်တာ သတင်းဌာနက ပြောပါတယ်။

ဂျော်ဂျီယာပြည်နယ် ဆာဗားနားမြို့ ပစ်ခတ်မှုမှာတော့ လူ ၁ ယောက် သေဆုံးပြီး တခြားလူ ၈ ယောက်ထက် မနည်း ဒဏ်ရာရခဲ့လို့ ရဲတွေက စုံစမ်းစစ်ဆေးနေတယ်လို့ NBC သတင်းဌာနက ဖော်ပြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up