ဧရာဝတီတိုင်း၊ လေးမျက်နှာမြို့နယ်မှာ ဇွန်လ ၁ ရက်နေ့ မနက်ပိုင်းက စာသင်ကျောင်း ၂ ကျောင်းရှေ့ ဗုံး ၃ လုံးပေါက်ကွဲခဲ့ပါတယ်။
လေးမျက်နှာမြို့ အထက်တန်းကျောင်းရှေ့မှာ ၁၁ နာရီခွဲလောက်က ဗုံး ၁ လုံးပေါက်ကွဲခဲ့ပြီး အိုင်သပြုအုပ်စု ကွင်းမ မူလတန်းကျောင်းရှေ့မှာ ဗုံး ၂ လုံးထပ်မံပေါက်ကွဲခဲ့တာလို့ ဒေသခံ တဦးက ပြောပါတယ်။
"ပေါက်တာကတော့ အသံကြားရတဲ့ ရဲနဲ့ စစ်သားက တခြားကျောင်းမှာ ဗုံးတွေ့တယ်ဆိုပြီး သတင်းကြားလို့ သွားတဲ့အချိန်မှာ ဆိုက်ကယ်နဲ့ လာထားသွားတာ ထိခိုက်တာတော့ မရှိပါဘူး''လို့ ပြောပါတယ်။
ရှာဖြူကွင်းကျောင်းရှေ့မှာ မီးခိုးတွေထွက်နေပြီး ဗုံး ၃ လုံးတွေ့တယ်ဆိုပြီး ရဲနဲ့စစ်တပ်က သွားရောက်စစ်ဆေးချိန်မှာ ကျောင်း ၂ ကျောင်းရှေ့မှာ ပေါက်ကွဲခဲ့တာလို့ ဆိုပါတယ်။
လက်ရှိအချိန်မှာတော့ ကျောင်းလုံခြုံရေးချထားတဲ့ ရဲနဲ့ စစ်တပ်က ကွင်းမ မူလတန်းကျောင်းကို ရောက်ရှိ စစ်ဆေးနေသလို မြို့ပေါ်လုံခြုံရေးလည်း တင်းကျပ်ထားပါတယ်။