စစ်ကိုင်း-မုံရွာကားလမ်းမပေါ်ရှိ အမှတ် ၁၆ လုံခြုံရေးရဲတပ်ရင်းမှာ မေ ၂၄ ရက် နေ့လည်က ရဲတပ်ဖွဲ့ဝင်အချင်းချင်း စကားများပြီး ရဲတပ်သား တစ်ယောက်က သေနတ်နဲ့ ပစ်ခတ်ခဲ့တာကြောင့် ဒုရဲမှူး သေဆုံးသွားတယ်လို့ တပ်ဖွဲ့ဝင်တစ်ဦးရဲ့ ပြောပြချက်အရသိရ ပါတယ်။
“ဒီနေ့လည် ၁ နာရီလောက်က သေနတ်နဲ့ ပစ်ခတ်ခဲ့လို့ ဒုရဲမှူးသေဆုံးသွားတာဟုတ်ပါတယ်။ ပစ်တဲ့ရဲတပ်သားက ချင်းလူမျိုးပါ။ သူတို့အချင်းချင်းမနက်ပိုင်း ၇ နာရီတန်းစီတဲ့ အချိန်လောက်ကစပြီး စကားများခဲ့ကြတယ်လို့ သိရပါတယ်။ ဒီနေ့ နေ့လည် ၁ နာရီလောက်မှာ သူတို့နှစ်ယောက်စကားထပ်များပြီး အဲ့ရဲတပ်သားကနေ သေနတ်နဲ့ အချက် ၂၀ လောက်ပစ်ခဲ့ တာကြောင့် ဒုရဲမှူးသေဆုံးသွားပါတယ်” လို့ အမည်မဖေါ်လိုတဲ့ ရဲတပ်သားတစ်ဦး က ပြောပြပါတယ်။
ပစ်ခတ်ခဲ့တဲ့ အဆိုပါရဲတပ်သားကိုတော့ ဘယ်လိုအရေးယူထားတယ်ဆိုတာ မသိရသေးပါဘူး။