Home
မြန်မာသတင်း
ဖမ်းထားသည့် ပရဟိတသမား ကိုဝေဠုကို ပြန်လွှတ်ပေးရန် ပဒါန်းရဲစခန်းရှေ့ ဆန္ဒပြ
DVB
·
February 25, 2021

ဖမ်းဆီးခံထားရတဲ့ မေတ္တာရှင် သွေးလှူရှင်များ (အခမဲ့) လူမှုကူညီရေးအသင်းက ကိုဝေဠုကို ပြန်လွှတ်ပေးဖို့ ပဒါန်းရဲစခန်းနဲ့ ငဖဲမြို့မရဲစခန်းရှေ့မှာ ပြည်သူတွေ ဒီနေ့နေ့လယ်ပိုင်းက ဆန္ဒပြတောင်းဆိုခဲ့ကြပါတယ်။

ကိုဝေဠု ဟာ ဒီနေ့မနက် ၈ နာရီကျော်လောက်က  ဆိုင်ကယ်စီးလာစဥ်  ပဒါန်းရဲစခန်းရှေ့အရောက်မှာ ရဲတပ်ဖွဲ့က တားဆီးပြီးတော့ ဖမ်းဆီးခဲ့တာလို့ ဒေသခံတွေကပြောပါတယ်။

ကိုဝေဠုဟာ စစ်အာရှင်ဆန်ကျင်ရေးဆန္ဒပြပွဲမှာ ဖမ်းဆီးခံရတာမျိုး မဟုတ်ဘဲ ယခင်ရက်​တွေကတော့ ဆန္ဒပြပွဲတွေမှာ ပါဝင်ခဲ့တယ်လို့ ဆိုပါတယ်။

ဖမ်းဆီးထိန်းသိမ်းခံရသူကို ပြန်လွှတ်ပေးဖို့ ဒေသခံပြည်သူလူထုက ပဒါန်းရဲစခန်းရှေ့မှာ နေ့လယ် ၁ နာရီဝန်းကျင်လောက်က စတင်ကာ တောင်းဆိုခဲ့ကြတာပါ။ ငဖဲမြို့မရဲစခန်းမှာ ချုပ်နှောင်ထားတယ်လို့ ကြားသိရတဲ့အတွက် ငဖဲမြို့မရဲစခန်းရှေ့ကိုလည်း ဆက်လက်ချီတက် တောင်းဆိုဆန္ဒပြခဲ့ကြတယ်လို့ သိရပါတယ်။

မင်းထီး

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024