ပဲခူးတိုင်း ညောင်လေးပင်မြို့ ဆန္ဒပြပွဲမှာ ဦးဆောင်သူအချို့နဲ့ သတင်းထောက်အချို့ကို ရဲစခန်းမှာ လာရောက်အဖမ်းခံဖို့ မြို့နယ်ရဲတပ်ဖွဲမှူးက ဖုန်းနဲ့ အကြောင်းကြားခဲ့တယ်လို့ တိမ်းရှောင်နေတဲ့ သတင်းထောက်တဦးက ပြောပါယ်။
မနေ့က ဆန္ဒပြပွဲဦးဆောင်သူတွေနဲ့ နိုင်ငံရေးအကျဉ်းသားဟောင်းအချို့နဲ့ သတင်းထောက်အချို့ရဲ့ နေအိမ်တွေရှေ့ မှာ ရဲနဲ့ စစ်တပ်က လှည့်လည်ရှာဖွေနေပြီး နေအိမ်တွေမှာ ဝင်ရောက် ရှာဖွေတာမျိုးတော့ မရှိဘူးလို့ ဆိုပါတယ်။
“မြို့နယ်ရဲတပ်ဖွဲ့မှူးက ရဲစခန်းမှာ လာအဖမ်းခံဖို့ ကျနော့်ကို ဖုန်းဆက်ပါတယ်၊ ဘာပုဒ်မ နဲ့ ဘာအတွက် ဖမ်းမှာလဲ မေးတော့ ဘာအတွက်လဲဆိုတာတော့ မသိဘူး။ ပုဒ်မကတော့ မြို့မ စခန်းမှူးက တပ်မှာလို့ ပြောပါတယ်” လို့ သတင်းထောက်က ပြောပါတယ်။
လက်ရှိမှာ လာအဖမ်းဖို့ စာရင်းမှာပါတဲ့ သူအပါအဝင် ၇ ယောက်ဟာ ထွက်ပြေးတိမ်ရှောင်နေကြတယ်လို့ ဆိုပါတယ်။
ညောင်လေးပင်မြို့နယ် စစ်အာဏာရှင်စနစ်ပြုတ်ကျရေး ဆန္ဒပြပွဲတွေကို နေ့စဉ် သိန်းနဲ့ချီ ကျင်းပနေကြသလို ဝန်ထမ်းတွေလည်း အကြမ်းမဖက် အာဏာဖီဆန်ရေးလှုပ်ရှားမှု (CDM) မှာ ပူးပေါင်းပါဝင်နေကြပါတယ်။