စစ်အာဏာရှင် အလိုမရှိကြောင်း မန္တလေးတိုင်း၊ မြင်းခြံခရိုင် နွားထိုးကြီးမြို့နယ် ဒီနေ့မနက် ဆန္ဒပြပွဲမှာ ကျန်းမာရေး၊ ပညာရေး၊ ဆည်မြောင်း၊ မီးရထား စတဲ့ ဌာနဆိုင်ရာ ဝန်ထမ်းတွေ ရာချီပါဝင်လာကြတယ်လို့ သိရပါတယ်။
အင်အား ထောင်ပေါင်းများစွာက ငြိမ်းချမ်းစွာ ဆန္ဒပြခဲ့ကြပြီး ၁၀ နာရီ ၄၅ မိနစ်မှာ အေးချမ်းစွာ ပြီးဆုံးခဲ့ပါတယ်။
“လူအင်အားကတော့ မရေမတွက်နိုင်အောင် များသလို ဆိုင်ကယ်အစီး ၃၅၀ ကျော်နဲ့ မြို့ပေါ်ရော နယ်ကပါ ပါဝင်ကြတယ်” လို့ ဆန္ဒပြသူတဦး ပြောပါတယ်။
ပြည်သူ့အာဏာပြန်လည်ရရှိရေး၊ ပြည်သူ့အစိုးရ အမြန်ပြန်ရရေး၊ ဆက်လက်ဆန္ဒထုတ်ဖော်သွားမယ်လို့ ကြာကန်ရွာက မဲဆန္ဒရှင်တစ်ဦးက ပြောပါတယ်။
နွားထိုးကြီးမှာ ဖေဖော်ဝါရီ ၈ ရက် ဆန္ဒပြပွဲချက် ဒီနေ့ အင်အားပိုမိုများပြားလာပြီး ဌာနအတော်များများ ပူးပေါင်းပါဝင်လာကြတာလို့ သိရပါတယ်။
ဇာဇာမောင်