Home
မြန်မာသတင်း
မြစ်ကြီးနား စစ်ရှောင်စခန်းက လူငယ် ၁ ဦး ကိုဗစ်-၁၉ ရောဂါ ကူးစက်ခံရ
DVB
·
January 12, 2021
ကချင်ပြည်နယ် စစ်ရှောင်စခန်းတစ်ခုက အသက် ၁၅ နှစ်အရွယ် အမျိုးသားတစ်ယောက်မှာ ဇန်နဝါရီ ၁၁ ရက်က ကိုဗစ်-၁၉ ရောဂါ တွေ့ရှိခဲ့တယ်လို့ ကချင်ပြည်နယ် ပြည်သူ့ကျန်းမာရေးဦးစီးဌာနက သိရပါတယ်။ မြစ်ကြီးနားမြို့နယ်အုပ်ချုပ်ရေးမှူး ဦးသန်းဝင်းက “သူက နေမကောင်းလို့ ဆေးခန်းလာပြရာကနေ စစ်ကြည့်ရာကတဆင့် ပိုးတွေ့တာပေါ့။ သူနဲ့ အတူနေတဲ့မိသားစုဝင် ၄ ယောက်ကို စစ်ကြည့်တဲ့အခါ ပိုးမတွေ့ဘူး”လို့ ပြောပါတယ်။ အဲ့ဒီရောဂါတွေ့ရှိခဲ့တဲ့ ပလန(၁)စိန့်ဂျိုးဇက် ကက်သလစ်အသင်းတော် ယာယီကယ်ဆယ်ရေးစခန်းမှာ နေထိုင်တဲ့လူဦးရေ ၉၀၀ ကျော်ရှိပြီး သူတို့ရဲ့စားဝတ်နေရေးအတွက် ကျန်းမာရေးဌာနနဲ့ NGO တွေ ညှိနှိုင်းပြီးပံ့ပိုးပေးနေတယ်လို့ သိရပါတယ်။ မြစ်ကြီးနားမြို့မှာ ဒီနေ့တစ်ရက်တည်း ကိုဗစ်-၁၉ ပိုးတွေ့သူ  ၄ ယောက်ရှိပြီး ဇန်နဝါရီ ၁၁ ရက်နေ့အထိစာရင်းအရ အတည်ပြုလူနာ စုစုပေါင်း ၁၀၃ ယောက်ရှိကာ လက်ရှိကုသမှုခံယူနေသူ  ၁၁ ယောက် ရှိတယ်လို့ သိရပါတယ်။ သတင်း - မီးမီး
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024