ရွှေ့ပြောင်းနေထိုင်သူ ၂၁ ဦးအား ဖိအားပေးခိုင်းစေထားသူ ၃ ဦးကို စပိန်ရဲတပ်ဖွဲ့ ဖမ်းဆီး

6440NO-EUROPE-MIGRANTS_SPAIN_FACTORY_ROUGH_CUT_O_
စပိန်နိုင်ငံက ချွေးထုတ်ဆိုင်တဆိုင်မှာ ဝှက်ထားတဲ့ ရွှေ့ပြောင်းနေထိုင်သူ ၂၁ ယောက်ကို ကျန်းမာရေးနဲ့မညီတဲ့ အနေအထားမှာ အတင်းဖိအားပေး ခိုင်းစေထားပြီး ၁ နာရီကို အမေရိကန် ဒေါ်လာ ၂ ဒသမ ၄ ဒေါ်လာနဲ့ညီတဲ့ ၂ ယူရိုသာ ပေးတာ တွေ့ခဲ့ရတယ်လို့ ရဲတွေက ဒီဇင်ဘာ ၁၂ ရက်မှာ ပြောပါတယ်။ စပိန် အရှေ့တောင်ပိုင်း ဖုအန်တေအလာမိုမြို့က စက်ရုံမှာ အဝတ်ထုပ်ကြီးတွေရဲ့ နောက်မှာ ရွှေ့ပြောင်းလုပ်သားတွေအား ဝှက်ထားတာကို ရဲတွေရဲ့ ရုပ်သံမှတ်တမ်းက ပြထားပါတယ်။ အဲဒီအဝတ်ထုပ်တွေကို အာဖရိကနိုင်ငံတွေဆီကို ရောင်းချပါတယ်။ ဒီဖြစ်ရပ်အတွက် သားအဖ ၃ ယောက်ကို ဖမ်းထားပါတယ်။ စပိန်မှာ အနိမ့်ဆုံး လုပ်ခလစာဟာ ယူရိုငွေ ၁၀၅၀ ဖြစ်ပါတယ်။ ဖမ်းဆီးခံ ၃ ယောက်ဟာ ခက်ခဲတဲ့ လုပ်ငန်းခွင်ထဲမှာ ရွှေ့ပြောင်းလုပ်သားတွေ လုပ်လာရအောင် အခွင့်ကောင်းယူ အလွဲသုံးစား လုပ်ခဲ့တယ်။  ၁ နာရီ ၂ ယူရိုနဲ့ လုပ်ခိုင်းတဲ့အပြင် လုပ်ငန်းခွင် ဘေးကင်းလုံခြုံမှု ကျန်းမာရေးနဲ့ ညီညွတ်တဲ့ အနေအထားတွေ လုံးဝမရှိဘူးလို့ ရဲက ကြေညာချက် ထုတ်ပြန်ပါတယ်။ သံသယရှိသူ ၃ ယောက်ကို စနေနေ့မှာ တရားရုံးတင် တရားစွဲမယ်လို့လည်း ရိုက်တာ သတင်းဌာနက ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up