Live
Home
မြန်မာသတင်း
ဟွာဝေးကုမ္ပဏီ ၂၀၂၀ တတိယသုံးလပတ်တွင် ဝင်ငွေ တရုတ်ယွမ် သန်းပေါင်း ၆ သိန်းကျော်ရ
DVB
·
October 26, 2020
ဟွာဝေးကုမ္ပဏီဟာ ၂၀၂၀ ပြည့်နှစ် တတိယသုံးလပတ်မှာ မနှစ်က ကာလတူထက် ဝင်ငွေ ၁၀ ပုံ တပုံလောက်ပိုရလာပြီး စုစုပေါင်းဝင်ငွေ တရုတ်ယွမ် သန်းပေါင်း ၆ သိန်းကျော်ရတယ်လို့ ထုတ်ပြန်ပါတယ်။ ဒါဟာ ကုမ္ပဏီရဲ့ မျှော်မှန်းထားတာနဲ့ အတူတူဖြစ်ပြီး ဝင်ငွေ ၆၇၁ ဒသမ ၃ ဘီလီယံဟာ မနှစ်က တတိယ ၃ လပတ်ထက်  ၉ ဒသမ ၉ ရာခိုင်နှုန်းပိုလာတယ်လို့ ဆိုပါတယ်။ ကိုဗစ်ဖြစ်နေတာကြောင့် ထုတ်လုပ်မှုနဲ့ လုပ်ငန်းဆောင်ရွက်ရာမှာ စိန်ခေါ်မှုတွေ သိသိသာသာကြုံခဲ့ရပေမယ့် ဒီကာလအတွက် အသားတင်အမြတ်ငွေကတော့ ၈ ရာခိုင်နှုန်း ဖြစ်တယ်လို့လည်း ထုတ်ပြန်ထားပါတယ်။ ဒီငွေကြေးအချက်အလက်တွေဟာ နိုင်ငံတကာဘဏ္ဍာရေးအစီရင်ခံတဲ့ စံနှုန်းတွေအရ စီစဉ်ထားတာဖြစ်ပြီး တရားဝင် မစစ်ရသေးတဲ့ ကိန်းဂဏန်းတွေဖြစ်တယ်လို့လည်း ဆိုပါတယ်။ ဟွာဝေးဟာ ဝန်ထမ်းပေါင်း ၁၉၄,၀၀၀ လောက်နဲ့ နိုင်ငံပေါင်း ၁၇၀ ကျော်မှာ ဝန်ဆောင်မှုပေး နေပြီး ဝန်ထမ်းတွေက အပြည့်အဝပိုင်ဆိုင်တဲ့ ကုမ္ပဏီတခုလည်း ဖြစ်တယ်လို့ ဆိုပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024