ဟီရိုရှီးမားမြို့တွင် အဏုမြူဗုံးကြဲခံရသည့် ၇၅ နှစ်ပြည့်အထိမ်းအမှတ်ပွဲကျင်းပ

ကမ္ဘာပေါ်မှာ ပထမဆုံးအဏုမြူဗုံးကြဲချခံခဲ့ရတဲ့  ၇၅ နှစ် ပြည့်အထိမ်းအမှတ် အခမ်းအနားကို ဂျပန်နိုင်ငံ ဟီရိုရှီးမားမြို့မှာ သြဂုတ်လ ၆ ရက်က   ခေါင်းလောင်းထိုးပြီး ကျင်းပ ပါတယ်။ ကိုရိုနာဗိုင်းရပ်စ်ကြောင့် အခမ်းအနားကို အကျဉ်းချုံးကျင်းပခဲ့ပြီး  ဟီရိုရှီးမားမြို့တော်ဝန်က  တကိုယ်ကောင်းဆန်တဲ့ အမျိုးသားရေးဝါဒကို  ပယ်ဖျောက်ကာ  ခြိမ်းခြောက်မှု  အားလုံးကို ညီညီ ညွတ်ညွတ် တိုက်ဖျက်ဖို့ ကမ္ဘာ့နိုင်ငံတွေကို တိုက်တွန်းပါတယ်။  လူပေါင်း ၁၄၀၀၀၀ ကျော်သေဆုံးခဲ့ရတဲ့ အဏုမြူဗုံးကြဲခံရခြင်း  ၇၅ နှစ်ပြည့် အထိမ်းအမှတ် အခမ်းအနားပြုလုပ်ဖို့ ဆုံးဖြတ်ခဲ့ပေမယ့် ကိုဗစ်-၁၉ ရောဂါကြောင့် တင်းကျပ်တဲ့ ကြိုတင်ကာကွယ်ရေး သတိပေးချက်တွေ ထုတ်ပြန်ခဲ့တယ်လို့ တာဝန်ရှိသူတွေက ပြောပါတယ်။ အခမ်းအနားကို ခါတိုင်းနှစ်တွေကလို  ဝန်ကြီးချုပ် ရှင်ဇိုအာဘေး တက်ရောက်ခဲ့ပေမယ့် နိုင်ငံခြားဧည့်သည် အရေအတွက်က နည်းပါးခဲ့ပါတယ်။  ဒါ့အပြင်  အခမ်းအနားတက် ရောက်တဲ့စုစုပေါင်း အရေအတွက်ဟာ ခါတိုင်းရဲ့ ၁၀ရာခိုင် ထက် လျော့နည်းခဲ့တယ်လို့ ရိုက်တာသတင်းမှာ ရေးပါတယ်။   ၁၉၄၅ ခုနှစ်  သြဂုတ် ၆ ရက် မနက် ၈ နာရီ ၁၅ မိနစ်အချိန်က အမေရိကန် လေတပ် B-29 စစ်လေယာဉ် အန်နိုလာဂေးဟာ  "Little Boy" လို့ နာမည်ပေးထားတဲ့ ပထမဆုံး အဏုမြူ ဗုံးကို  ကြဲချခဲ့ပါတယ်။   အဲဒီဗုံးကြောင့် ခန့်မှန်းလူဦးရေ ၃၅၀၀၀၀ ရှိတဲ့ ဟီရိုရှီးမားမြို့မှာ ၁၄၀၀၀၀  ကျော် သေဆုံးပြီး နောက်ပိုင်းမှာတော့ ရရှိ ဒဏ်ရာတွေ၊ ဓာတ်ရောင်ခြည်နဲ့ ဆက်နွှယ်တဲ့ ရောဂါတွေကြောင့်  ထောင်ချီပြီး ထပ်မံ သေဆုံးခဲ့ပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up