မိုးညှင်းမြို့ရှိ Quarantine ဝင်နေသူများကို မျိုးဆက်သစ်သဘင်အဖွဲ့ ကပြဖျော်ဖြေ

ကချင်ပြည်နယ်၊ မိုးညှင်းမြို့ အထက ၁ ကျောင်းမှာ Facility Quarantine ဝင်နေသူတွေကို မျိုးဆက်သစ်သဘင်အဖွဲ့က မေ ၁၀ ရက်၊ ည ၇ နာရီအချိန်မှာ  လာရောက် ဖျော်ဖြေ ကပြခဲ့ကြပါတယ်။ ဇာတ်တည်ထောင်သူ ကိုမြင့်သန်းက “သဘင်အစည်းအရုံးဗဟိုဥက္ကဋ္ဌက ကျနော်တို့ အစည်းအရုံး ကော်မတီတို့ကိုလည်း ပံ့ပိုးမှုတွေ ပေးထားတာ အကြိမ်ကြိမ်ရှိပါပြီ။ အဲ့ဒီထဲမှာ ကျနော်တို့ သဘင်အစည်းအရုံး ကော်မတီရဲ့ ညွှန်ကြားချက်လို့လည်း ခေါ်လို့ရတာပေါ့။ နိုင်ငံတော် ရှေ့ဆက်သွားရမယ့် လမ်းကြောင်းမှန်သမျှ ကျနော်တို့သဘင်အစည်းအရုံးက နိုင်ငံတော်နဲ့ အတူယှဉ်တွဲပါဝင်ပြီး ကူညီဆောင်ရွက်ရမယ်ဆိုတဲ့ ပဋိညာဉ်ဟာ နံပါတ် ၁ အရေးအကြီးဆုံး ဖြစ်ပါတယ်” လို့ DVB ကိုပြောပါတယ်။ လာရောက်ကပြဖျော်ဖြေတဲ့ ဇာတ်မင်းသားခေါင်းဆောင် ဝေဖြိုးအောင်က Quarantine ဝင်နေတဲ့ အချိန်မှာ ဘယ်မှမသွားရဘဲ စိတ်ဆင်းရဲနေမှာကို ကိုယ်ချင်းစာတဲ့အနေနဲ့ လာရောက်ဖျော်ဖြေတာလို့ ပြောပါတယ်။ မိုးညှင်းမြို့ အထက (၁) မှာ Facility Quarantine ဝင်နေသူ ၂၈ ဦးရှိတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up