အီတလီရေပိုင်နက်ထဲ ဝင်ရောက်ခဲ့သည့် ဂျာမန်သင်္ဘောကပ္ပတိန်၏ ကံကြမ္မာအပေါ် UNHCR စိုးရိမ်

အီတလီအစိုးရအမိန့်ကို ဖီဆန်ပြီး ရေပိုင်နက်ထဲ ဝင်ရောက်ခဲ့တဲ့ Sea-Watch သင်္ဘော ကပ္ပတိန် ကံကြမ္မာနဲ့ပတ်သက်လို့ စိုးရိမ်မိတယ်လို့ ကုလသမဂ္ဂ ဒုက္ခသည်များ အေဂျင်စီ (UNHCR) က ဇွန်လ ၂၇ ရက်နေ့မှာ ပြောလိုက်ပါတယ်။ UNHCR ပြောခွင့်ရပုဂ္ဂိုလ်က နိုင်ငံတွေက သတ်မှတ်လိုက်တဲ့ စည်းကမ်းတွေဟာ အန်ဂျီအို သင်္ဘောတွေအပေါ် အတားအဆီး ဖြစ်နေတာကို စိတ်ပူပန်မိတယ်လို့ ပြောပါတယ်။ ရွှေ့ပြောင်းသူ ၄၂ ယောက်ကို တင်ဆောင်လာတဲ့ ဂျာမန်သင်္ဘောကပ္ပတိန်ဟာ သင်္ဘောပေါ်က အခြေအနေ ဆိုးရွားလွန်းတဲ့အတွက် အီတလီ လမ်ပဲဒူဆာကျွန်းကို ဆိုက်ကပ်ဖို့ ဆုံးဖြတ်ခဲ့တယ်လို့ အေဂျင်စီက သတင်းထုတ်ပြန်ခဲ့ပါတယ်။ Sea-Watch သင်္ဘောဟာ ခွင့်ြ့ပုမိန့်မရဘဲ ရေပိုင်နက်ထဲ ဝင်ခဲ့တဲ့အတွက် အီတလီ ကမ်းခြေစောင့်တပ်ဖွဲ့နဲ့ ရဲတပ်ဖွဲ့ မော်တော်တွေက တားဆီးခဲ့တာပါ။ ဇွန်လအတွင်း သဘောတူခဲ့တဲ့ အမိန့်အရ အီတလီပြည်ထဲရေးဝန်ကြီးဌာနဟာ လုံခြုံရေးနဲ့ တည်ငြိမ်မှုအပေါ် ခြိမ်းခြောက်တယ်လို့ ယူဆတဲ့ သင်္ဘောတွေကို ရေပိုင်နက်အတွင်း ဝင်ရောက်ခွင့် ငြင်းပယ်နိုင်ပါတယ်။ Sea-Watch သင်္ဘောဟာ လစ်ဗျားကမ်းလွန်ကနေ ရာဘာလှေပေါ်က ရွှေ့ပြောင်းသူ ၅၃ ယောက်ကို ဆယ်ယူပြီး ဇွန်လ ၁၂ ရက်နေ့ကတည်းက နိုင်ငံတကာ ရေပိုင်နက်အတွင်း ရှိနေခဲ့ပါတယ်။ အဲဒီနောက် ကျန်းမာရေး အခြေအနေကြောင့် သူတို့ထဲက ရွှေ့ပြောင်းသူ ၁၁ ဦးကို  အီတလီ ကမ်းခြေစောင့်တပ်ဖွဲ့က သင်္ဘောပေါ်ကနေ ခေါ်ဆောင်ခဲ့တယ်လို့ ရိုက်တာသတင်းမှာ ဖော်ပြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up