ဒီတပတ် ဒီဗွီဘီရဲ့ Movie Crazy – DVB အစီအစဉ်မှာ ရုပ်ရှင်ဝါသနာအိုးတွေ အတွက် ပုံမှန်တင်ဆက်နေကြဖြစ်တဲ့ နိုင်ငံတကာနဲ့ ပြည်တွင်းက ကောင်းနိုးရာရာ ရုပ်ရှင် ဇာတ်ကားတွေ ကို ရွေးချယ်ဖော်ပြပေးလိုက်ပါတယ်။ မူဗီခရေဇီတွေကို ပထမဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ စိတ္တဇ ဆန်ဆန် သွေးပျက်ထိတ်လန့်စရာကောင်းတဲ့ Psychological Horror-Thriller အမျိုး အစားရုပ်ရှင်ကားတကားဖြစ်တဲ့ Us ! ဒီကားကိုတော့ ဟောလိဝုဒ်နာမည်ကြီးရုပ်ရှင်ထုတ်လုပ်ရေးကုမ္ပဏီတခုဖြစ်တဲ့ Universal Pictures က တင်ဆက်လိုက်တာဖြစ်ပြီး အမေရိကန်ရုပ်ရှင်ဒါရိုက်တာ Jordan Peele က ရိုက်ကူးပုံဖော်ပေးထားတာ ဖြစ်ပါတယ်။ Gabe နဲ့ Adelaide Wilson တို့စုံတွဲဟာ သူတို့ရဲ့ ကလေးတွေကိုခေါ်ပြီး ကမ်း ခြေက အိမ်ကလေးတလုံးမှာ မိတ်ဆွေသူငယ်ချင်းတွေနဲ့ အပန်းဖြေဖို့ ထွက်လာခဲ့ကြ တယ်။ ဒါပေမယ့် သူတို့အားလုံးထင်မှတ်ထားသလို ဖြစ်မလာခဲ့ပဲ သွေးပျက်စရာ အ ခြေအနေတွေနဲ့ ရင်ဆိုင်ရတဲ့အခါ ဘာတွေဆက်ဖြစ်လာမလဲ။ ကမ်းခြေမှာ သူတို့ထဲက လူတွေအားလုံးနဲ့ ချွတ်စွပ်တူနေတဲ့ မကောင်းဆိုးဝါးအုပ်စုနဲ့ ရင်ဆိုင်ရချိန်မှာ ဘယ်လို တွေ ဖြစ်လာမလဲဆိုတာတွေကို ဒီကားထဲမှာ ရှုစားကြရမှာ ဖြစ်ပါတယ်။ ဒီကားထဲမှာတော့ Kenya-Mexican သရုပ်ဆောင်မင်းသမီး Lupita Nyong'o နဲ့အတူ အမေရိကန်သရုပ်ဆောင်မင်းသားမင်းသမီးတွေဖြစ်ကြတဲ့ Winston Duke ၊ Elisabeth Moss နဲ့ Tim Heidecker တို့က အတွဲညီညီ ခေါင်းဆောင်ပါဝင်ထားကြ တာပါ။ ဘတ်ဂျတ်အမေရိကန်ဒေါ်လာ သန်း ၂၀ အကုန်အကျခံရိုက်ကူးထားတဲ့ ဒီရုပ်ရှင် ကားဟာ IMDb မှာတော့ Rating 6.9 အထိ ရရှိထားတဲ့ ဇာတ်ကားတကား ဖြစ်ပါ တယ်။ ဒီကားထဲမှာ ပါဝင်တဲ့ သွေးပျက်ထိတ်လန့်စရာ မြင်ကွင်းတွေ၊ ပြကွင်းပြကွက် တွေ၊ ပြောစကား Dialog တွေက အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကိုကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက်နဲ့မှ ကြည့်ရှုသင့်တဲ့ Restricted R အဆင့် သတ်မှတ်ထားပါတယ်။ ဒီရုပ်ရှင်ကားကို South By Southwest ရုပ်ရှင်ပွဲတော်မှာ ကနဦးပြသခဲ့ပြီး ချီး ကျူးမှုတွေလည်း ရရှိထားတဲ့ ဇာတ်ကားတကား ဖြစ်ပါတယ်။ ဒီကားကိုတော့ Box Office မှာ ရုံတင်ပြသမယ့် ပထမသီတင်းပတ်မှာတင် ၀င် ငွေ အမေရိကန်ဒေါ်လာ ၃၅ သန်းနဲ့ သန်း ၄၀ ကြား ရရှိနိုင်မယ်လို့ ခန့်မှန်းထားတာပါ။ ကြာမြင့်ချိန် ၁၁၆ မိနစ်ရှိတဲ့ ဒီရုပ်ရှင်ကားကိုတော့ လာမယ့် မတ်လ ၂၂ ရက်နေ့ မှာ ရုံတင်ပြသတော့မှာ ဖြစ်ပါတယ်။ မူဗီခရေဇီတွေကို နောက်ထပ်မိတ်ဆက်ပြောပြပေးချင်တဲ့ ရုပ်ရှင်ကားကတော့ ဟောလိဝုဒ် Biographical Musical Comedy Drama အမျိုးအစား ရုပ်ရှင်ပရိသတ် တွေအတွက်ပါ။ The Dirt လို့ အမည်ရပါတယ်။ ဒီကားကိုတော့  အမေရိကန် ရုပ်ရှင်ဒါရိုက်တာ Jeff Tremaine က ရိုက်ကူးပုံ ဖော်ပေးထားတာဖြစ်ပြီး Netflix အွန်လိုင်းမီဒီယာကော်ပိုရေးရှင်းကတဆင့် တင်ဆက် လိုက်တာ ဖြစ်ပါတယ်။ ဒီရုပ်ရှင်ကားကတော့ ဂီတသမိုင်းမှာ မေ့ဖျောက်ထားလို့ မရတဲ့ အမေရိကန် ရော့ခ်တေးဂီတအဖွဲ့တဖွဲ့ဖြစ်တဲ့ Mötley Crüe အကြောင်းကို အမေရိကန်နာမည်ကြီး ဂျာနယ်လစ် စာရေးဆရာ Neil Strauss ရေးတဲ့ အထုပ္ပတ္တိစာအုပ် The Dirt: Confessions of the World's Most Notorious Rock Band ကို ရုပ်ရှင်အဖြစ် အ သက်သွင်းဖန်တီးလိုက်တာ ဖြစ်ပါတယ်။ Mötley Crüe အဖွဲ့ကို ၁၉၈၁ ခုနှစ်က အမေရိကန်နိုင်ငံ၊ ကယ်လီဖိုးနီးယား ပြည်နယ်၊ လော့စ်အိန်ဂျလိစ်မြို့မှာ စတင်ဖွဲ့စည်းခဲ့တာဖြစ်ပြီး ဘေ့စ်ဂစ်တာ သ မား  Nikki Sixx ၊ ဒရမ်သမား Tommy Lee ၊ အဆိုသမား Vince Neil နဲ့ လိဒ်ဂစ်တာ သမား Mick Mars တို့ ပါဝင်ပါတယ်။ ဒီကားထဲမှာတော့ အောင်မြင်မှုလမ်းကြောင်းပေါ် တမူကွဲပြားတဲ့ ဟဲဗီးမက်တယ် တေးသွားတွေနဲ့ ဘယ်လိုထိုးဖောက်ခဲ့သလဲ။ သူတို့ရဲ့ ဘ၀ဖြတ်သန်းမှုတွေ၊ အောင်မြင် မှုနောက်ကွယ်က ကြိုးစားရုန်းကန်ခဲ့ရတာတွေကို ပရိသတ်တွေက ရှုစားကြရမှာ ဖြစ်ပါ တယ်။ ဒီရုပ်ရှင်ကားထဲမှာတော့ ဟောလိဝုဒ်သရုပ်ဆောင်မင်းသားတွေဖြစ်ကြတဲ့ Douglas Booth ၊ Machine Gun Kelly ၊ Daniel Webber ၊ Iwan Rheon တို့က အ ဓိက ဇာတ်ကောင်တွေနေရာကနေ ပါဝင်သရုပ်ဆောင်ထားခဲ့ကြတာ ဖြစ်ပါတယ်။ ဂီတဒရာမာရုပ်ရှင်ကားတကားဖြစ်တဲ့ ဒီကားထဲမှာတော့Machine Gun Kelly က Featuring သီဆိုပေးထားတဲ့ The Dirt အပါအ၀င် Mötley Crüe အဖွဲ့ရဲ့ Soundtracks သီချင်း ၁၈ ပုဒ်အထိ ထည့်သွင်းထားခဲ့တာမို့ ပရိသတ်တွေ သဘောကျ နှစ်သက်ကြမှာပါ။ ဒီကားကိုတော့ လာမယ့် မတ်လ ၂၂ ရက်နေ့မှာ Netflix ကတဆင့် ပရိသတ် တွေက ကြည့်ရှုနိုင်တော့မှာ ဖြစ်ပါတယ်။ ဒီတခါ မိတ်ဆက်ပြောပြပေးချင်တဲ့ ရုပ်ရှင်ကားကတော့ ထူးထူးခြားခြား ဟန်ဂေရီ ရုပ်ရှင်ကားတကားဖြစ်တဲ့ Sunset ! Historical Drama အမျိုးအစား ရုပ်ရှင်ကားတကားဖြစ်တဲ့ ဒီရုပ်ရှင်ကားကိုတော့ ဟန်ဂေရီ ရုပ်ရှင်ဒါရိုက်တာ László Nemes က ရိုက်ကူးပုံဖော်ပေးထားတာဖြစ်ပြီး နာ မည်ကြီးရုပ်ရှင်ကုမ္ပဏီ Sony Pictures Classics က တင်ဆက်လိုက်တာဖြစ်ပါတယ်။ ဒီကားကတော့ ပထမကမ္ဘာစစ်မဖြစ်မီကာလက ဟန်ဂေရီနိုင်ငံမြို့တော် ဘူဒါ ပက်စ်မှာ လမ်းပျောက်နေတဲ့ အမျိုးသမီးငယ်တယောက်အကြောင်းကို ရိုက်ကူးပုံဖော် ပေးထားခဲ့တာပါ။ သူဟာ ကွယ်လွန်သွားတဲ့ မိဘတွေရဲ့ ဦးထုပ်အရောင်းဆိုင်မှာ အ လုပ်လုပ်ဖို့ ရောက်ရှိလာခဲ့သူ ဖြစ်ပါတယ်။ အဲဒီအချိန်မှာ ရုတ်တရက်ပဲ သူ့ဘ၀ဟာ အ လှည့်အပြောင်းတခုလို ဖြစ်သွားခဲ့တဲ့ အခြေအနေတခု ဖြစ်လာခဲ့ပါတယ်။  ဘာလို့လဲ ဆိုတော့ သူ့မှာ အစ်ကိုတယောက်ရှိနေတယ်ဆိုတာကို သိလိုက်ရပြီး ရှာပုံတော်ဖွင့်ချိန် မှာတော့ ဘာတွေဆက်ဖြစ်လာမလဲဆိုတာတွေကို စိတ်လှုပ်ရှားစရာ ဇာတ်လမ်းဇာတ် ကွက်တွေနဲ့ ပရိသတ်တွေက ရှုစားကြရမှာ ဖြစ်ပါတယ်။ ဒီကားထဲမှာ ဟန်ဂေရီ မျက်နှာသစ် သရုပ်ဆောင်မင်းသမီး Juli Jakab ၊ သရုပ် ဆောင်မင်းသား Vlad Ivanov တို့က ခေါင်းဆောင်ပါဝင်ထားကြပြီး တခြားသရုပ် ဆောင်တွေလည်း ပါဝင်ထားကြတာ ဖြစ်ပါတယ်။ ဒီကားထဲမှာ ပါဝင်တဲ့ တချို့ဇာတ်ဝင်ခန်းတွေ၊ ပြကွင်းပြကွက်တွေ၊ ပြောစကား Dialog တွေက အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူခွင့်ပြုချက်နဲ့မှ ကြည့်ရှုသင့်တဲ့ Restricted R အဆင့်သတ်မှတ်ထားပါတယ်။ ဒီကားကို နာမည်ကြီးရုပ်ရှင်ပွဲတော်တွေဖြစ်တဲ့ Venice Film Festival ၊ Toronto International Film Festival စတဲ့ ရုပ်ရှင်ပွဲတော်တွေမှာ ကနဦးပြသခဲ့ပြီး ချီး ကျူးမှုတွေလည်း ရရှိထားပါတယ်။ ဒီကားဟာ IMDb မှာတော့ Rating 6.7 အထိ ရရှိထားပြီး ဘတ်ဂျတ် ယူရိုငွေ ၈ ဒဿမ ၈ သန်းအကုန်အကျခံရိုက်ကူးထားခဲ့တာ ဖြစ်ပါတယ်။ ကြာမြင့်ချိန် ၁၄၄ မိနစ်ရှိတဲ့ ဒီရုပ်ရှင်ကားကို ဟန်ဂေရီမှာတော့ ပြီးခဲ့တဲ့နှစ် စက် တင်ဘာလကတည်းက ရုံတင်ခဲ့ပြီး အမေရိကန်နိုင်ငံမှာတော့ လာမယ့် မတ်လ ၂၂ ရက်နေ့မှာ ရုံတင်ပြသတော့မှာ ဖြစ်ပါတယ်။ မူဗီခရေဇီတွေကို နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကားကတော့ မြန်မာဒရာမာရုပ်ရှင်ကားတကားဖြစ်တဲ့ လှပ်၍လွင့်သော ! ဒီကားကိုတော့ ခရေဖြူရုပ်ရှင်ထုတ်လုပ်ရေးက စီစဉ်ပြီး စာရေးဆရာမ စံပယ်ဖြူ နုရဲ့ ၀တ္ထုကို ဒါရိုက်တာ ၀ိုင်းက ကိုယ်တိုင်ဇာတ်ညွှန်းခွဲပြီး ကိုယ်တိုင်ရိုက်ကူးပုံဖော်ပေး ထားတာ ဖြစ်ပါတယ်။ ဒီရုပ်ရှင်ကားဟာ လွန်ခဲ့တဲ့ ၁၈ နှစ်လောက်က လူသတ်မှုတခုမှာ တရားခံအနေနဲ့ ရှိနေခဲ့သူရဲ့ သမီးနဲ့ တရားလိုအဖြစ်ရှိခဲ့သူတို့ရဲ့ သမီး ၂ ယောက် အမှတ်မထင် ပြန်ဆုံ ကြတဲ့ အချိန်မှာ ဖြစ်လာခဲ့တဲ့ အခြေအနေကနေတဆင့် နောက်ကြောင်းပြန်တဲ့ ဇာတ်လမ်းတပုဒ်အနေနဲ့ သရုပ်ဖော် ရိုက်ကူးထားခဲ့တာပါ။ အငြိုးအတေးနဲ့ လူမဆန်စွာ အသတ်ခံရတဲ့ မောင်ဖြစ်သူကို သတ်တဲ့ တရားခံဟာ တကယ်ပဲ တဖက်မိန်းကလေးရဲ့ ဖခင်လား။ တဖက်မှာလည်း ဖခင်ကို ချစ်တဲ့ စိတ်နဲ့ ဖခင်ဖြစ်သူဟာ တကယ်ပဲ သတ်ခဲ့ လေသလားဆိုတဲ့ အမှန်တရားကို သိချင်စိတ်နဲ့ နောက်ကြောင်းရာဇ၀င်တွေကို ပြန်ပြီး ဖော်ထုတ်နိုင်ဖို့ ကြိုးစားချိန်မှာ ဘာတွေဆက်ဖြစ်လာမလဲ။ သူတို့ ၂ ယောက်ကြားက အမုန်း ၊ အာဃာတ ၊ အငြိုးအတေး ၊ ချစ်ခြင်းမေတ္တာ ၊ အမှန်တရား နဲ့ လျို့ဝှက်ချက်တွေ ကို ဘယ်လိုပုံဖော်ထားမလဲဆိုတာကိုတော့ ပရိသတ်တွေက မကြာခင်မှာ ရှုစားကြရ တော့မှာ ဖြစ်ပါတယ်။ ဒီကားထဲမှာတော့ သရုပ်ဆောင်မင်းသမီးတွေဖြစ်ကြတဲ့ ဖွေးဖွေး၊ ခင်ဝင့်ဝါ၊ မို့မို့ မြင့်အောင်နဲ့ ကျော်ရဲအောင်တို့က ခေါင်းဆောင်ပါဝင်ထားကြပြီး တခြားသရုပ်ဆောင် တွေလည်း ပါဝင်ထားကြတာပါ။ ထွက်မလာခင်ကတည်းက နာမည်ကြီးနေခဲ့တဲ့ ဒီရုပ်ရှင်ကား Trailer ဟာ ဖေ့စ် ဘွတ်ခ်အင်တာနက်လူမှုကွန်ရက်စာမျက်နှာပေါ်မှာတော့ ၀င်ရောက်ကြည့်ရှုကြတဲ့ အ ကြိမ်ရေ ၁ သန်းကျော်သွားခဲ့ပြီ ဖြစ်ပါတယ်။ ဒီရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ မတ်လ ၁၁ ရက်နေ့က ရန်ကုန် မြို့၊ Junction City ရုပ်ရှင်ရုံမှာ ပြုလုပ်ခဲ့တာဖြစ်ပြီး ပရိသတ်တွေကြားမှာတော့ မင်းသ မီး ၂ ယောက်ရဲ့ အားပြိုင်မှုက စိတ်ဝင်စားစရာ ဖြစ်နေခဲ့တာပါ။ ဒီကားကိုတော့ လာမယ့် မတ်လ ၂၂ ရက်နေ့မှာ ရုံတင်ပြသတော့မှာ ဖြစ်ပါ တယ်။ မူဗီခရေဇီတွေကို နောက်ဆုံးမိတ်ဆက်ပြောပြပေးချင်တဲ့ ရုပ်ရှင်ကားကတော့ နာ မည်ကြီး ဟောလိဝုဒ်သရုပ်ဆောင် အဆိုတော် John Travolta ခေါင်းဆောင်ပါဝင်ထား တဲ့ Trading Paint ! Sports Action Drama အမျိုးအစား ရုပ်ရှင်ကားတကားဖြစ်တဲ့ ဒီကားကိုတော့ Saban Films က တင်ဆက်လိုက်တာဖြစ်ပြီး Kurdish သရုပ်ဆောင်ဒါရိုက်တာ Karzan Kader က ရိုက်ကူးပုံဖော်ပေးထားတာ ဖြစ်ပါတယ်။ ဒီရုပ်ရှင်ကားထဲမှာတော့ ၀ါရင့် ပြိုင်ကားမောင်းသမားဟောင်းတဦးအနေနဲ့ John Travolta ကို ပရိသတ်တွေက ရှုစားကြရမှာ ဖြစ်ပါတယ်။ သူ့မှာ သားတယောက်ရှိပြီး  သူကလည်း ဒီလောကထဲကို နောက်ထပ် ၀င်ရောက်လာခဲ့ချိန်မှာ ဘာတွေ ဆက်ဖြစ် လာမလဲ။ သားအောင်မြင်မှုအတွက် ပံ့ပိုးနိုင်ဖို့ ကြိုးစားရချိန်မှာ ငွေကြေးအခက်အခဲနဲ့  မိသားစုပြဿနာတွေ၊ ပဋိပက္ခတွေ၊ အတ္တတွေ၊ ပြိုင်ဘက်တွေရဲ့ ဖိအားတွေအောက်မှာ ဟန်ချက်ညီအောင် ထိန်းသိမ်းရင်း ဖြတ်ကျော်သွားနိုင်မလား ဆိုတာကိုတော့ ပရိသတ်တွေက ဒီကားထဲမှာ ရှုစားကြရတော့မှာ ဖြစ်ပါတယ်။ ဒီကားထဲမှာ John Travolta နဲ့အတူ တခြားသရုပ်ဆောင်မင်းသားမင်းသမီးတွေ ဖြစ်ကြတဲ့ Michael Madsen ၊ Toby Sebastian ၊ Kevin Dunn တို့နဲ့အတူ ကနေဒါ ကျေးလက်အဆိုတော်သရုပ်ဆောင် Shania Twain လည်း ပါဝင်ထားခဲ့တာ ဖြစ်ပါ တယ်။ ဒီကားထဲမှာ အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့်တော် တဲ့ ဇာတ်ဝင်ခန်းတွေ၊ ပြကွင်းပြကွက်တွေ၊ ပြောစကား Dialog တွေ ပါဝင်နေတာမို့ ဒီ ကားကို ကြည့်မယ်ဆိုရင်တော့ မိဘအုပ်ထိန်းသူခွင့်ပြုချက်နဲ့မှ ကြည့်ရှုသင့်တဲ့ Restricted R အဆင့် သတ်မှတ်ထားပါတယ်။ ကြာမြင့်ချိန် ၈၇ မိနစ်ရှိတဲ့ ဒီရုပ်ရှင်ကားကိုတော့ လာမယ့် မတ်လ ၂၂ ရက်နေ့မှာ ရုံတင်ပြသတော့မှာ ဖြစ်ပါတယ်။ Movie Crazy-DVB အစီအစဉ်ကို အပတ်စဉ် ဗုဒ္ဓဟူးနေ့ ညတိုင်း ၇.၃၀ နာရီ မှာ ထုတ်လွှင့်ပြသနေတာဖြစ်ပါတယ်။ ကြည့်ရှုဖို့ မမီလိုက်တဲ့ ပရိတ်သတ်တွေအနေနဲ့ ကြာသပတေးနေ့ည ၉.၃၀ နာ ရီ၊ စနေနေ့ နေ့လည် ၁၂.၁၅ နာရီနဲ့ တနင်္ဂနွေနေ့မနက် ၉.၁၅ နာရီတို့မှာ ပြန်လည် ထုတ်လွှင့်ပေးနေတာ ဖြစ်ပါတယ်။ ဒီအစီအစဉ်မှာ Movie Crazy တွေအတွက် နိုင်ငံတကာနဲ့ မြန်မာရုပ်ရှင်ကား တွေ အကြောင်းကို ကောင်းနိုးရာရာ ရွေးချယ်တင်ဆက်ပေးနေတာဖြစ်ပြီး Movie Crazy-DVB ဆိုတဲ့ Facebook စာမျက်နှာကနေတဆင့်လည်း အားပေးနိုင်ပါတယ်။