ကမ္ဘာတ၀န်း စောင့်ကြည့်နေကြသည့် မင်းသားဟယ်ရီနှင့်မီဂန်မာကယ်တို့၏ မင်္ဂလာပွဲ (ဓာတ်ပုံ)

ဗြိတိန် တော်ဝင်မင်းသား ဟယ်ရီနဲ့ အမေရိကန် ရုပ်ရှင်မင်းသမီး မီဂန်မာကယ်တို့ မင်္ဂလာပွဲကို ၀င်ဆာရဲတိုက် စိန်ဂျော့ခ်ျ ဘုရားကျောင်းမှာ ဒီနေ့လယ် စတင်ကျင်းပနေပါတယ်။ တော်ဝင်မင်္ဂလာပွဲနဲ့ တော်ဝင်စုံတွဲတို့ကို မြင်တွေ့ခွင့်ရဖို့အတွက် မင်္ဂလာပွဲကျင်းပတဲ့ ၀င်ဆာရဲတိုက် အပြင်ဘက်မှာ လူတသိန်းဝန်းကျင်လောက် စုရုန်းရောက်ရှိနေကြပါတယ်။ မင်္ဂလာစုံတွဲဟာ မြို့အနှံ့ကို လှည့်လည်မှာလည်း ဖြစ်ပါတယ်။ တော်ဝင်မင်္ဂလာပွဲကို တော်ဝင်မိသားစုတွေ၊ နာမည်ကြီး အနုပညာရှင်တွေအပါဝင် ကမ္ဘာကျော် ဘောလုံးသမား ဒေးဗစ် ဘက်ခမ်းတို့ ဇနီးမောင်နှံလည်း တက်ရောက်လာတာတွေ့ရပါတယ်။ တော်ဝင်မင်္ဂလာပွဲမှာ ခရစ်ယာန်ဘာသာဝင်တွေရဲ့ ဓလေ့ထုံးစံအရ သတို့သမီးကို လျှောက်လမ်းအတိုင်း ခေါ်လာဖို့ သတို့သမီးရဲ့ ဖခင်ဖြစ်သူက မတက်ရောက်ပါဘူး။ ဒါကြောင့် ဖခင်အစား ယောက်ခမတော် ဗြိတိန် တော်ဝင် မင်းသား ချားလ်စ်က မာကယ်နဲ့အတူ  မင်္ဂလာပွဲ မင်းလမ်းကနေ အတူလျှောက်မယ်လို့ ကြေညာထားပါတယ်။ မာကယ်ရဲ့ ဖခင် သောမတ်စ်ဟာ မင်္ဂလာပွဲမတိုင်ခင် ရက်ပိုင်းအတွင်း နှလုံးခွဲစိတ် ကုသခံထားလို့ မင်္ဂလာပွဲကို မတက်နိုင်တာလို့ ငွေကြယ်ပွင့် အင်တာနက် စာမျက်နှာ TMZ ကို ပြောပါတယ်။ တော်ဝင်မင်္ဂလာပွဲ ဝါသနာအိုးတွေက ဒီကြေညာချက်အပေါ် ထင်မြင်ချက် ကွဲပြားနေကြပါတယ်။ တချို့က ချားလ်စ်မင်းသားနဲ့အတူတက်တာ ကောင်းတယ်လို့ ပြောနေပေမယ့် တချို့ကတော့ မာကယ်ရဲ့ အာဖရိကန် အမေရိကန် ကပြား မိခင်ရင်း ဒိုရီယာ ရေ့ခ်ျလန်းက မာကယ်နဲ့အတူ လျှောက်ဖို့ မျှော်လင့်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up