ဒေါက်ဖိနပ်ချွတ်၊ ခြေဗလာဖြင့် ပွဲတက်ခဲ့သည့်အတွက် နာမည်ကြီးနေသည့် Twilight မင်းသမီး (ရုပ်သံ)

ဓာတ်ပုံ - ရိုက်တာ
နာမည်ကျော် Twilight ရုပ်ရှင်ကားတွေရဲ့ ပင်တိုင်သရုပ်ဆောင် မင်းသမီး ခရစ္စတန်စတီးဝပ်တ်ဟာ ရုပ်ရှင်ပွဲတော်တခုကို တက်ရောက်ချိန်မှာ ဒေါက်မြင့်ဖိနပ်ကို ချွတ်ပြီး ခြေဗလာနဲ့ ပွဲတက်ခဲ့လို့ အင်တာနက်စာမျက်နှာတွေပေါ်မှာ နာမည်ကြီးနေခဲ့ပါတယ်။ သူဟာ နာမည်ကျော် ကန်းစ်ရုပ်ရှင်ပွဲတော်ကို တက်ရောက်လာခဲ့တာဖြစ်ပြီး အခုနှစ်ရဲ့ ဂျူရီအဖွဲ့ဝင်တဦးလည်း ဖြစ်ပါတယ်။ ရုပ်သံဗွီဒီယိုဖိုင်ထဲမှာတော့ သတင်းမီဒီယာတွေရှေ့မှာ ပြုံးပြပြီး ဓာတ်ပုံအရိုက်ခံခဲ့ပြီးနောက်မှာ သူစီးလာတဲ့ အနက်ရောင် Louboutin ဒေါက်မြင့်ဖိနပ်ကို ချွတ်ပြီး ကော်ဇောနီပေါ် လျှောက်လှမ်းသွားခဲ့တာကို တွေ့ရပါတယ်။ မင်းသမီးဟာ ပြီးခဲ့တဲ့နှစ်ကလည်း အပြေးလေ့ကျင့်တဲ့ အားကစားဖိနပ်နဲ့ ပွဲတက်ခဲ့လို့ နာမည်ကြီးခဲ့ပါသေးတယ်။ “အရိုးသားဆုံးပြောရရင် လူတိုင်း ဖိနပ်ပါး စီးသင့်တာပဲ။ ဘယ်လိုပဲဖြစ်ဖြစ် ကျမတို့ ဒေါက်ဖိနပ်အမြင့်ကြီးတွေ မစီးသင့်ဘူးလေ။ ဒါ ကျမရဲ့အမြင်ပါ။” စတီးဝပ်တ်က ကော်ဇောနီပေါ်မှာ ခြေဗလာနဲ့ ပွဲတက်ခဲ့တဲ့ ပထမဆုံးတယောက်တော့ မဟုတ်ပါဘူး။ ပြီးခဲ့တဲ့ ၂၀၁၆ ခုနှစ်၊ ကန်းစ်ရုပ်ရှင်ပွဲတော်မှာလည်း သရုပ်ဆောင် မင်းသမီးကြီး ဂျူလီယာ ရောဘတ်စ်ဟာ ခြေဗလာနဲ့ ခုလိုပဲ ပွဲတက်ခဲ့ဖူးပါသေးတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up