ရည်းစားနှင့်ပြတ်ပြီး အိမ်ခေါင်မိုးပေါ်မှ ခုန်ချသူကို မီးသတ်သမားများ ကယ်တင်(ရုပ်သံ)

တရုတ်နိုင်ငံ အရှေ့ပိုင်း ဝမ်ကျိုးမြို့မှာ စိတ်ဓာတ်ကျနေတဲ့ လူငယ်တဦး ရည်းစားနဲ့ ၅ နှစ်ပြတ်ဆဲပြီးနောက် ကိုယ့်ကိုယ်ကိုယ် သတ်သေဖို့ ၆ ထပ်တိုက်အပေါ် ခေါင်မိုးပေါ်ကနေ ခုန်ချခဲ့တာကို မီးသတ်သမားတွေက ကယ်တင်ခဲ့တယ်လို့ သိရပါတယ်။ အသက် ၂၂ နှစ်အရွယ် လူငယ်က အဆောက်အအုံရဲ့ ခေါင်မိုးအစွန်းပေါ်မှာ ထိုင်ပြီး သူဆက်အသက်မရှင်ချင်တော့ဘူးလို့ မီးသတ်သမားတွေကို ပြောခဲ့တာပါ။ မီးသတ်သမားတွေက ကောင်လေးရဲ့ရည်းစားကို ခေါ်ပေးခဲ့ပြီး ကောင်မလေးလည်း နောက်ဆုံး သဘောတူပြီးတဲ့နောက် ကောင်လေးအောက်ဆင်းလာဖို့ စိုးရိမ်တကြီး ပြောခဲ့ပါတယ်။ ကောင်မလေးက စောင့်ကြည့် ဆွေးနွေးနေတုန်းမှာပဲ လူငယ်က တိုက်ခေါင်မိုးစွန်းပေါ်ကနေ ခုန်ချခဲ့တာပါ။ ဒါပေမယ့် မီးသတ်သမားတဦးက အလျင်အမြန် ခေါင်မိုးစွန်းကို သွားပြီး အမျိုးသားရဲ့ အင်္ကျီစကို ဆွဲကိုင်ထားလိုက်နိုင်တာကို ရုပ်သံထဲမှာ တွေ့ရပါတယ်။ လူငယ်က ကန်ကျောက်ပြီး သူ့ကို လွှတ်ပေးဖို့ အော်ဟစ်နေပေမယ့် မီးသတ်သမား ချန်တန်က လူငယ်ရဲ့ ဘယ်ပခုံးကို အတင်းဆွဲခေါ်ပြီး အသက်ကယ်တင်လိုက်နိုင်တာပါ။ အခင်းဖြစ်ပွားတဲ့နေရာကို ဒေသခံမီးသတ်တပ်ဖွဲ့ ခေါင်းဆောင် လီကျန်းနဲ့ အဖွဲ့ဝင်တွေကို လွှတ်ခဲ့တာဖြစ်ပြီး ဒီအဖွဲ့က အုပ်စု ၂ စု ခွဲကာ တဖွဲ့က မြေပြင်ပေါ်၊ ကျန်တဖွဲ့က လူငယ်ကို ဖျောင်းဖျဖို့ ခေါင်းမိုးပေါ် စေလွှတ်ခဲ့တာပါ။ ခေါင်းဆောင်လီက “ကျနော်တို့ လူငယ်ရဲ့ ရည်းစားဟောင်းကောင်မလေးကို ဆက်သွယ်ခဲ့တယ်၊ ကောင်မလေးလာအောင် ခေါ်ရတာ တော့်တော်ကို ကြာတယ်” လို့ ပြောပါတယ်။ ကိုယ့်ကိုယ်ကိုယ် သတ်သေတဲ့ လူငယ်က စိတ်ပိုင်းဆိုင်ရာ ဆေးကုသမှု ခံယူရသလား၊ ဒါမှမဟုတ် တရားစွဲခံရသလားဆိုတာတော့ ရှင်းရှင်းလင်းလင်း မသိရဘူးလို့ မေရာသတင်းမှာ ဒီဇင်ဘာလ ၂၉ ရက်နေ့က ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up