တရုတ်ကြည်းတပ် အထူးစစ်ဆင်ရေးသင်တန်းကျောင်း ဗိုလ်ချုပ်မှူးကြီး သွားရောက်လေ့လာ
DVB
·
November 26, 2017
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ တရုတ်နိုင်ငံက ကြည်းတပ်အထူးစစ်ဆင်ရေး သင်တန်းကျောင်းကို သွားရောက်လေ့လာတယ်လို့ ကာကွယ်ရေး ဦးစီးချုပ်ရုံးက သတင်းထုတ်ပြန်ပါတယ်။
အဲဒီသင်တန်းကျောင်းမှာ တက်ရောက်နေတဲ့ မြန်မာနိုင်ငံက အရာရှိ၊ စစ်သည်တွေနဲ့ ဗိုလ်ချုပ်မှူးကြီးက တွေ့ဆုံခဲ့ပါတယ်။
အဲဒီနောက် ဗိုလ်ချုပ်မှူးကြီးနဲ့ အဖွဲ့ဟာ တောင်ပိုင်းစစ်နယ်ဝန်း ကွပ်ကဲမှုဌာနချုပ်ကို သွားရောက်ပြီး ဌာနချုပ်မှူးနဲ့ နှစ်နိုင်ငံ နယ်စပ်ဒေသ တည်ငြိမ်အေးချမ်းရေး အတွက် တပ်မတော်နှစ်ရပ်အကြား ပူးပေါင်းဆောင်ရွက်မှုများတိုးမြှင့်ရေး၊ နယ်စပ်ဒေသဖွံ့ဖြိုးတိုးတက်ရေးနဲ့ ပူးတွဲဆောင်ရွက်ရေးကိစ္စရပ်တွေ၊ တပ်မတော်နှစ်ရပ်အကြား ချစ်ကြည်ရင်းနှီးမှုပိုမို မြှင့်တင်ရေးဆိုင်ရာကိစ္စတွေ ဆွေးနွေးခဲ့ကြတယ်လို့ ဆိုပါတယ်။