ဘင်္ဂလားဒေ့ရ်ှဘက် ထွက်ခွာရန် နယ်စပ်ရောက်နေသူပေါင်း ၁၇၀၀၀ ကျော်ရှိပြီ
DVB
·
October 6, 2017
ရခိုင်ပြည်နယ် ဘူးသီးတောင်မြို့နယ်မှ ဘင်္ဂါလီတွေ ဘင်္ဂလားဒေ့ရ်ှနိုင်ငံဘက် ထွက်ခွာဖို့ နယ်စပ်အနီး ထပ်မံရောက်ရှိလာနေရာမှာ သီတင်းနှစ်ပတ်လောက်အတွင်း ၁၇၀၀၀ ကျော်ရှိနေပြီလို့ အစိုးရသတင်းထုတ်ပြန်ရေးကော်မတီ ထုတ်ပြန်ချက်အရ သိရပါတယ်။
တဖက်နိုင်ငံကို တိမ်းရှောင်မယ့် ဘင်္ဂါလီတွေ ထပ်မံစုဝေး ရောက်ရှိနေကြောင်း သတင်းရလို့ လုံခြုံရေး တပ်ဖွဲ့ဝင်တွေက သွားရောက် ကြည့်ရှုခဲ့ရာမှာ အောက်တိုဘာ ၃ ရက် မွန်းလွဲပိုင်းက မောင်တောမြို့နယ် လေယာဉ်ပျံကွင်းကျေးရွာ ကမ်းစပ်အနီးမှာ ဘင်္ဂါလီ ၇၃၀ ဦး၊ ငါးရံ့ချောင်းကျေးရွာအနီးမှာ ဘင်္ဂါလီ ၃၈၂ ဦးတိုိ့ကို တွေ့ရှိခဲ့တယ်လုိ့ ပါတယ်။
ဒါအပြင် အောက်တိုဘာ ၄ ရက်မှာလည်း ဂေါ်ဒူသာရ ချောင်းဝအနီးမှာ ဂူတာပြင်ကျေးရွာ၊ ဖုံညိုလိပ်ကျေးရွာနဲ့ သပိတ်တောင်(တောင်)ကျေးရွာတို့မှ ဘင်္ဂါလီ စုစုပေါင်း ၁၄၄၃ ဦးတို့ကို တွေ့ရှိခဲ့တယ်လို့ ဆိုပါတယ်။
စက်တင်ဘာလ ၂၆ ရက်နေ့မှ အောက်တိုဘာ ၅ ရက်အထိ တဖက်နိုင်ငံကို သွားရောက်ဖို့ နေရပ်စွန့်ခွာပြီး နယ်စပ်အနီး ရောက်လာသူ ဘင်္ဂါလီ စုစုပေါင်း ၁၇၀၁၃ ဦးရှိပြီ ဖြစ်တယ်လို့ အစိုးရ ထုတ်ပြန်ချက်အရ သိရပါတယ်။
စားဝတ်နေရေးနဲ့ ကျန်းမာရေး အခက်အခဲကြောင့် လည်းကောင်း၊ လုံခြုံမှုမရှိလို့ ယူဆလို့ လည်းကောင်း၊ ဘင်္ဂလားဒေ့ရ်ှနိုင်ငံရောက် ဘင်္ဂါလီတွေက ထွက်ခွာလာဖို့ ဆက်သွယ် ပြောဆိုတာကြောင့် လည်းကောင်း၊ လူနည်းစုဖြစ်မှာကို စိုးရိမ်လို့ တဖက်နိုင်ငံရှိ မျိုးနွယ်စုတွေထံ သွားရောက်လိုတာကြောင့် လည်းကောင်း ခုလို နေရပ်စွန့်ခွာဖို့ ကြိုးစားလာတယ်လို့ အစိုးရ ထုတ်ပြန်ချက်မှာ ဖော်ပြပါတယ်။