ဗီယက်နမ်ကို အနိုင်ယူပြီး မြန်မာယူ-၁၈ ဆီမီးဖိုင်နယ်တက် (ဓာတ်ပုံ)

မြန်မာနိုင်ငံမှာ ကျင်းပနေတဲ့ အာဆီယံ ယူ-၁၈ ချန်ပီယံရှစ်ပြိုင်ပွဲ အုပ်စုနောက်ဆုံးပွဲမှာ မြန်မာယူ-၁၈ အသင်းက ဗီယက်နမ်ယူ-၁၈ အသင်းကို ၂ ဂိုး ၁ ဂိုးနဲ့ အနိုင်ယူပြီး ဆီမီးဖိုင်နယ် တက်ရောက်သွားပါတယ်။ မြန်မာလူငယ်အသင်းဟာ ပွဲစပြီး တမိနစ်မပြည့်ခင်မှာပဲ ဦးဆောင်ဂိုး ပေးလိုက်ရလို့ ခက်ခက်ခဲခဲ ယှဉ်ပြိုင်ခဲ့ရတာပါ။ ပထမပိုင်းမှာ ဗီယက်နမ်အသင်းက ဦးဆောင်ခဲ့ပေမယ့် ဒုတိယပိုင်းမှာ မြန်မာအသင်းက ချေပဂိုးနဲ့ အနိုင်ဂိုးတွေ ရယူခဲ့တာပါ။ မြန်မာယူ-၁၈ အသင်းအတွက် ချေပဂိုးကို ပွဲချိန် ၇၅ မိနစ်မှာ မြတ်ကောင်းခန့်က ပြစ်ဒဏ်ဘောကို တိုက်ရိုက်ကန်သွင်းပြီး ရယူခဲ့တာပါ။ ဆီမီးဖိုင်နယ်တက်စေမယ့် အနိုင်ဂိုးကိုတော့ ပွဲချိန် ၈၅ မိနစ်မှာရတဲ့ ထောင့်ကန်ဘောကနေတဆင့် ကွင်းလယ်ကစားသမား လွင်မိုးအောင်က ပိတ်သွင်းခဲ့တာ ဖြစ်ပါတယ်။ အုပ်စု ဘီ ရဲ့ ပွဲစဉ်အားလုံးအပြီးမှာ အင်ဒိုနီးရှား၊ မြန်မာနဲ့ ဗီယက်နမ်အသင်းတို့က ရမှတ် ၉ မှတ်စီ တူညီနေပေမယ့် အင်ဒိုနီးရှားက ဂိုးကွာခြားချက်အသာနဲ့ အုပ်စုပထမ ရခဲ့ပါတယ်။ မြန်မာယူ-၁၈ အသင်းက ဗီယက်နမ်နဲ့ ဂိုးကွာခြားချက်ရော ဂိုးအရေအတွက်တွေမှာ တူညီနေပေမယ့် ထိပ်တိုက်တွေ့ဆုံမှုမှာ အနိုင်ရခဲ့လို့ အုပ်စုဒုတိယနဲ့ ဆီမီးဖိုင်နယ်တက်ခဲ့တာ ဖြစ်ပါတယ်။ မြန်မာယူ-၁၈ အသင်းဟာ ဆီမီးဖိုင်နယ်ပွဲစဉ်အဖြစ် အုပ်စု အေက ပထမရတဲ့ မလေးရှားအသင်းနဲ့ စက်တင်ဘာ ၁၅ ရက်မှာ ယှဉ်ပြိုင်ကစားရမှာ ဖြစ်ပါတယ်။ သတင်း၊ ဓာတ်ပုံ - လွှမ်းမိုးအောင်  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up