ထိုင်းတောင်ပိုင်း စူရတ်ဌာနီခရိုင် ခိုတောင်ကျွန်း ခေါ် လိပ်ကျွန်းမှာ လွန်ခဲ့တဲ့ ၂၀၁၄ ခုနှစ်က  ဗြိတိန်နိုင်ငံသား ၂ ဦး အသတ်ခံရတာနဲ့ ပတ်သက်ပြီး  သေဒဏ်အပြစ်ပေးခံထားရတဲ့ မြန်မာလူငယ် ၂ ဦး လွတ်မြောက်ရေး မြန်မာအစိုးရကိုယ်စားလှယ်နဲ့ ထိုင်းလူ့အခွင့်အရေးဆိုင်ရာ ရှေ့နေတွေ ကြိုးပမ်းနေရာမှာ အမြင့်ဆုံးဋီကာတရားရုံး အယူခံတင်မယ့်ရက် ထပ်မံရွှေ့ဆိုင်းလိုက်ပါတယ်။ ပုံမှန်အားဖြင့် အမြင့်ဆုံးဋီကာတရားရုံးကို ၁ လအတွင်း အယူခံတင်ဖို့ ဖြစ်ပေမယ့်လည်း တရားခံဘက်က အဆင်မသင့်သေးလို့  ရက်ထပ်မံရွှေ့ဆိုင်းခွင့်တောင်းတာကို ကေ့ာဆမွီတရားရုံးက မနေ့ (ဧပြီ ၁၈ ရက်) က ခွင့်ပြုခဲ့တယ်လို့ လူငယ် ၂ ဦးလွတ်မြောက်ရေး လိုက်ပါဆောင်ရွက်ပေးနေတဲ့ ရှေ့နေ ဦးအောင်မျိုးသန့်က ဒီဗွီဘီကို ပြောပါတယ်။ “ကျနော်တို့ မနေ့က အယူခံရက် ထပ်ပြီးတော့ တိုးတောင်းတာ၊ တရားရုံးကနေ ခွင့်ပြုခဲ့တယ်၊ ဒီတကြိမ်နဲ့ဆို ရက်ရွှေ့တာ ၂ ခါ ရှိသွားပြီ။  အဲဒါနဲ့ပတ်သက်လို့ မေလ ၂၃ ရက်နေ့ထိ ထပ်ပြီးတော့ တိုးရတဲ့သဘော ဖြစ်ပါတယ်။ အဲဒီမတိုင်ခင် တင်ရမှာပါ။  ဘာဖြစ်လို့ ရက်ထပ်တိုးရသလဲဆိုတော့ ကျနော်တို့ မြန်မာနိုင်ငံဘက်က အစိုးရကနေပြီးတော့ ဒီကနေ ကူညီပေးနေတဲ့ ဥပဒေအကြံပြုအဖွဲ့ကလည်း ဒါနဲ့ပတ်သက်လို့ အကြံပေးတွေ ရေးနေပါတယ်။ ရေးတဲ့ အကြံပေးချက်တွေဟာ အခုက အချောသတ်ခါနီး ဖြစ်နေပါပြီ။ အဲဒီဟာ ရောက်လာရင် ကျနော်က သံရုံးကနေတဆင့် ထိုင်းရှေ့နေများကောင်စီကို ပို့ပြီးတော့ အကြံပေးချက် ရတဲ့အခါမှာ အယူခံ လျှောက်လဲချက်တွေ တင်မှာပါ။  အဲခါကျမှ လျှောက်လဲချက်တွေ တင်နိုင်မှာမို့လို့ အဲဒီလို အချိန်ယူနေရတာပါ” မြန်မာလူငယ် ၂ ဦးဖြစ်တဲ့ ဇော်လင်းနဲ့ ဝင်းဇော်ထွန်းတို့ကို ကော်ဆမွီခရိုင် အောက်ခြေတရားရုံးက သေဒဏ်ချမှတ်ခဲ့တဲ့အပေါ်  ဒုတိယဆင့် အထက်တရားရုံးကို အယူခံတင်ခဲ့ရာမှာ အဆိုပါတရားရုံးကပါ ပြီးခဲ့တဲ့ မတ်လ ၁ ရက်နေ့က သေဒဏ်အဖြစ် ထပ်မံ အတည်ပြုလိုက်တာကြောင့် အမြင့်ဆုံးဋီကာ တရားရုံးတင်ဖို့ ဆက်လက်ကြိုးစားနေတာပါ။ လိပ်ကျွန်းက ဗြိတိန်နိုင်ငံသား ၂ ဦး အသတ်ခံရတဲ့အမှုမှာ တရားလိုက ထိုင်းရဲတပ်ဖွဲ့ဖြစ်ပြီး  မြန်မာလူငယ် ၂ ဦးကို သက်သေခိုင်လုံမှုမရှိဘဲ  သေဒဏ်ချမှတ်လိုက်တာကြောင့်  ဝေဖန်မှုတွေ မြင့်တက်နေသလို နိုင်ငံတော်အတိုင်ပင်ခံပုဂ္ဂိုလ်ကိုယ်တိုင်ကပါ စိတ်ဝင်တစား အလေးထားလျက် ရှိပါတယ်။ ဒါကြောင့် လူငယ် ၂ ဦး လွတ်မြောက်ရေး ထိုင်းနိုင်ငံ ဥပဒေနဲ့အညီ သက်သာမှုရရှိအောင် ဆောင်ရွက်သွားမယ်လို့ အလုပ်သမား လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက မတ်လ ၁၃ ရက်က  နေပြည်တော်မှာ ကျင်းပတဲ့  “ကလေး လုပ်သားများ ပပျောက်ရေး အမျိုးသားအဆင့် လုပ်ငန်းစီမံချက် ရေးဆွဲနိုင်ရေး ညှိနှိုင်းဆွေးနွေးပွဲ” အပြီးမှာ  သတင်းမီဒီယာတွေကို ပြောကြားခဲ့ပါတယ်။ မြန်မာလူငယ် ၂ ဦးဖြစ်တဲ့ ဇော်လင်းနဲ့ ဝင်းဇော်ထွန်းတို့ ၂ ဦးဟာ လွန်ခဲ့တဲ့ ၂၀၁၄ ခုနှစ် အောက်တိုဘာလဆန်းကတည်းက အဖမ်းခံရပြီး ၂၀၁၅ ဒီဇင်ဘာ ၂၄ မှာ သေဒဏ်စီ ရင်ချက်ချခြင်းခံခဲ့ရကာ လောလောဆယ် နွန်ထပူရီခရိုင် ဘန်ခွမ်အကျဉ်းထောင်ထဲ ရောက်နေပါတယ်။