ဖိလစ်ပိုင်တွင် ရာဇဝတ်မှုဖြင့် တရားစီရင်နိုင်သည့် အသက်အပိုင်းအခြားလျှော့ချမည့် ဥပဒေမူကြမ်း အတည်ပြုရန် ပြင်ဆင်

ဖိလစ်ပိုင် လွှတ်တော်အမတ်တွေဟာ ရာဇဝတ်မှုနဲ့ တရားစီရင်နိုင်တဲ့ အသက်အပိုင်းအခြားကို အငယ်ဆုံး ၁၅ နှစ်ကနေ ၉ နှစ်ထိ လျှော့ချမယ့် ဥပဒေမူကြမ်းကို အတည်ပြုဖို့ ပြင်ဆင်နေကြပါတယ်။ မူးယစ်ဆေးဝါး ကုန်ကူးရာမှာ ထောင်ဒဏ်ကို ရှောင်နိုင်ဖို့ ဆယ်ကျော်သက် ကလေးတွေကို ခိုင်းစေသုံးစွဲမှု နှိမ်နင်းရေး အားထုတ်ကြိုးပမ်းနေတာ ဖြစ်ပါတယ်။ စက်တင်ဘာလက စီးနင်းမှုတခုအတွင်း အသက် ၁၄ နှစ်အရွယ် ဘရိုင်ယန် အဖမ်းခံခဲ့ရပြီး အခုတော့ လူငယ်ထိန်းသိမ်းရေးစခန်းထဲကို ရောက်နေပါပြီ။ မျှော်လင့်ခြင်းအိမ်လို့ နာမည်ပေးထားတဲ့ စခန်းထဲမှာ တနှစ်ကြာအောင် နေရမှာပါ။ သူ့ကို ပုံမှန် ကလေးတွေလိုပဲ သင်ခန်းစာတွေ သင်ပေးနေပြီး လူမှုရေးလုပ်သားတွေက စောင့်ရှောက်နေလို့ ဘဝက မဆိုးလှဘူးလို့ သူက ပြောပါတယ်။ သူတို့ကို နေ့တိုင်း စုဆုံပွဲလုပ်ပေးပြီး သူတို့ဘဝဇာတ်ကြောင်းကို ပြောပြဖို့ အားပေးထားပါတယ်။ အဲဒီအတွက် သူတို့ဘဝကို ဘယ်သူကမှ ဆုံးဖြတ် ပြစ်တင် ဝေဖန်တာ မလုပ်ကြပါဘူး။ ရာဇဝတ်ဂိုဏ်းအုပ်စုတွေ အများအပြားဟာ မူးယစ်ဆေးသယ်တဲ့ လားတွေသဖွယ် ကလေးတွေနဲ့ ဆယ်ကျော်သက်တွေကို အသုံးချပြီး ရာဇဝတ်မှုကို ကျူးလွန်ခိုင်းနေကြတယ်လို့ ဖိလစ်ပိုင်သမ္မတ ရိုဒရီဂိုဒူဒါတေက ပြောပါတယ်။ ဒီလုပ်ရပ်ကို မတားနိုင်ရင် ဖိလစ်ပိုင်နိုင်ငံဟာ ရာဇဝတ်သားမျိုးဆက်ကို မွေးထုတ်နေတဲ့နိုင်ငံ ဖြစ်နေမယ်လို့လည်း သူက ပြောပါတယ်။ ရာဇဝတ်မှုအတွက် တာဝန်မကင်းတဲ့ အသက်အရွယ်ကို သတ်မှတ်တဲ့ ဥပဒေနဲ့အတူ မူးယစ်မှုမှာ ပါဝင်တဲ့ နိုင်ငံသားတွေကို ဟန့်တားဖို့ ငွေဒဏ်ကိုပါ ပြန်ကျင့်သုံးဖို့နဲ့ နိုင်ငံလုံးဆိုင်ရာ အာဏာတည်စေမယ့် ကလေးလူငယ်တွေ ညမထွက်ရ အမိန့်ကိုပါ သမ္မတ ဒူဒါတေက အဆိုပြုခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up