ဆီမီးတွင်တွေ့မည့် လက်ရှိချန်ပီယံကို ကြောက်မည်မဟုတ်ဟု အင်္ဂလန်နောက်ခံလူ ပြော

ဓာတ်ပုံ - ဖီဖာ
အင်္ဂလန်အသင်းအနေနဲ့ ဆီမီးဖုိုင်နယ်မှာ ယှဉ်ပြိုင်ရမယ့် ဂျပန်အသင်းကုို ကြောက်နေမှာ မဟုတ်ဘူးလုို့ အင်္ဂလန် နောက်တန်းလူ လူစီ ဘရောင့်စ်က ပြောလုိုက်ပါတယ်။ အမျိုးသမီး ကမ္ဘာ့ဖလား ဘောလုံးပြိုင်ပွဲမှာ အင်္ဂလန်အသင်းဟာ ပထမဆုံးအကြိမ်အဖြစ် ဆီမီးဖုိုင်နယ်ကုို ရောက်ရှိနေပြီး လက်ရှိချန်ပီယံ ဂျပန်နဲ့ ဇူလုိုင် ၂ ရက်နေ့မှာ ယှဉ်ပြိုင်ရမှာပါ။ “ဒီပွဲမှာ ဂျပန်က နိုင်ဖုို့ ရေပန်းစားပေမယ့် ကျမတုို့ ယုံကြည်မှု အပြည့်ရှိပါတယ်။” လို့  အင်္ဂလန် နောက်တန်းသမား လူစီ ဘရောင့်စ်က ပြောပါတယ်။ အင်္ဂလန် အမျိုးသမီးအသင်းဟာ ပြီးခဲ့တဲ့တပတ်က ကွာတားဖုိုင်နယ်မှာ အိမ်ရှင် ကနေဒါကို ၂ ဂိုး ၁ ဂိုးနဲ့ အနုိုင်ရပြီး ဆီမီးဖိုင်နယ်ကို တက်ရောက်လာတာပါ။ အင်္ဂလန် အမျိုးသမီးအသင်းကုို ဒေးဗစ် ဘက်ခမ်းနဲ့ မန်ယူ တုိုက်စစ်မှူး ရွန်နီတုို့ကလည်း ချီးကျူးအားပေးစကားတွေ ပြောဆုိုထားပါတယ်။ တကယ်လုို့ အင်္ဂလန် အမျိုးသမီးအသင်းဟာ ဗုိုလ်လုပွဲကုို တက်နိုင်မယ်ဆုိုရင် အမျိုးသားအသင်း ၁၉၆၆ ကမ္ဘာ့ဖလားပြိုင်ပွဲမှာ ဗုိုလ်လုပွဲရောက်ပြီး နောက်ပုိုင်း ပထမဆုံး ဗုိုလ်လုပွဲကုို တက်နုိုင်တဲ့ အသင်းအဖြစ် မှတ်တမ်းဝင်မှာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up