Search Results For: အမေရိကန်

အမေရိကန်နှင့်တရုတ် မြန်မာ့အရေးဆွေးနွေး

အမေရိကန်နိုင်ငံခြားရေး၀န်ကြီး အန်တိုနီဘလင်ကင်နဲ့ တရုတ်ကွန်မြူနစ်ပါတီ ပေါလစ်ဗြူရိုအဖွဲ့ဝင်၊ နိုင်ငံခြားရေးရာကော်မရှင်ရုံးရဲ့ ညွှန်ကြားရေးမှူး ယန်ကျီးချီတို့ ဇွန် ၁၁ ရက် ကတယ်လီဖုန်းနဲ့ဆက်သွယ်ပြီး မြန်မာ့အရေးဆွေးနွေးခဲ့တယ်လို့ နိုင်ငံခြားရေးဌာန ပြောရေးဆိုခွင့်ရှိသူက ပြောပါတယ်။ 

အီရန်၊ မြန်မာနဲ့ ရာသီဥတု အကျပ်အတည်းအပါအ၀င် ကမ္ဘာလုံးဆိုင်ရာ စိန်ခေါ်မှုများကို အတူတကွဆွေးနွေးခဲ့ကြတယ်လို့ နိုင်ငံခြားရေးဌာနထုတ်ပြန်ချက်မှာ ဖော်ပြထားပြီး မြန်မာနဲ့ပတ်သက်တဲ့ ဆွေးနွေးချက် အသေးစိတ်ကိုတော့ မဖော်ပြထားပါဘူး။ 

ဒါ့အပြင် မြောက်ကိုရီယား မူဝါဒသုံးသပ်ချက်နဲ့ ကိုရီးယားကျွန်းဆွယ်မှာ နျူကလီယား ဖျက်သိမ်းရေး၊ ကိုဗစ်-၁၉ ရောဂါကူးစက်မှုကို ကိုင်တွယ်ဖြေရှင်းရာမှာ ပူးပေါင်းဆောင်ရွက်မှုနဲ့ ပွင့်လင်းမြင်သာမှုရဲ့ အရေးကြီးပုံတွေကို ဆွေးနွေးပါတယ်။

ဒါ့အပြင် ဟောင်ကောင်၊ ရှင်းကျန်း၊ ထိုင်ဝမ်နဲ့ ရေလက်ကြား ပြဿနာတွေကိုလည်း အလေးထား ဆွေးနွေးခဲ့တယ်လို့ ဖော်ပြထားပါတယ်။ 

1 day Ago

ကိုဗစ်ကြောင့် သေဆုံးခဲ့သူ အမေရိကန် ၆ သိန်းအတွက် ခေါင်းလောင်း အချက် ၆၀၀ ထိုး

အမေရိကန်ပြည်ထောင်စုက ကိုဗစ်-၁၉ ကူးစက်ရောဂါကြောင့် သေဆုံးခဲ့ရတဲ့ လူပေါင်း ၆ သိန်းအတွက် ဇွန် ၁၀ ရက် မိုးရွာနေတဲ့ ညနေပိုင်းမှာ ဝါရှင်တန်ဒီစီက နေရှင်နယ်ကာသီဒရယ်လ် ဘုရားရှိခိုးကျောင်းကြီးကနေ လူအယောက် ၁၀၀၀ ကို ခေါင်းလောင်း တစ်ချက်နှုန်းနဲ့ ခေါင်းလောင်း အချက် ၆၀၀ ထိုးခဲ့ပါတယ်။ 

ကူးစက်ရောဂါကပ်ဘေး ဖြစ်ပွားတဲ့ ၁၅ လတာအတွင်း တရားဝင်သေဆုံးနှုန်း ၆ သိန်းနီးပါး ရှိနေတာဖြစ်ပြီး ခုတော့ အမျိုးသားကာကွယ်ဆေးထိုး အစီအစဉ်ဟာ နေ့စဉ်ကူးစက်မှုတွေနဲ့ သေဆုံးမှုတွေကို အောင်အောင်မြင်မြင် လျှော့ချပေးနိုင်ခဲ့ပါတယ်။ 

ဘုရားရှိခိုးကျောင်းကြီးက ခေါင်းလောင်းတွေကို ကိုဗစ်-၁၉ ကြောင့် သေဆုံးသူပေါင်း ၃ သိန်းပြည့်ခဲ့တဲ့ ၂၀၂၀ ဒီဇင်ဘာ ၁၅ ရက်ကလည်း  နောက်ဆုံးအကြိမ် ထိုးခဲ့ပါသေးတယ်။ 

ရောဂါထိန်းချုပ်ရေးနှင့်ကာကွယ်ရေးစင်တာ (CDC) ရဲ့ အဆိုအရ ဇွန် ၉ ရက်အထိ အမေရိကန်ပြည်ထောင်စုမှာ သေဆုံးသူ  ၅၉၀၆၂၅ ဦး ရှိပါတယ်။

 ကမ္ဘာ့ကျန်းမာရေးအဖွဲ့ (WHO) ရဲ့ တကမ္ဘာလုံးမှာ နောက်ဆုံးအတည်ပြု ကူးစက်ခံအရေ အတွက်  ၃,၇၅၈,၅၆၀ ရှိပါတယ်။ CDC ရဲ့ အဆိုအရ အမေရိကန်အားလုံးရဲ့ ၅၂ ရာခိုင်နှုန်းနီးပါးဟာ ကိုဗစ် ကာကွယ်ဆေး အနည်းဆုံးတစ်ကြိမ် ထိုးပြီးသားဖြစ်ပြီး ၄၂ ဒသမ ၅ ရာခိုင်နှုန်းကတော့ ကာကွယ်ဆေး အပြည့်အဝ ထိုးပြီးသွားပါပြီ။ 

ဂျွန်ဟော့ကင်းစ်တက္ကသိုလ်ရဲ့ ကိုရိုနာဗိုင်းရပ်စ် အရင်းအမြစ်စင်တာ အဆိုအရ အမေရိကန်ပြည်ထောင်စုမှာ နေ့စဉ်သေဆုံးသူဦးရေဟာ ၂၀၂၁၊ ဇန်နဝါရီ ၁၂ ရက်မှာ ၄၅၀၀ နီးပါးရှိရာကနေ ဇွန် ၉ ရက်မှာတော့ သေဆုံးသူအရေအတွက် ၄၃၂ ယောက်ထိ ကျဆင်းသွားပါတယ်။ 

3 days Ago

မြန်မာနိုင်ငံ ဒီမိုကရေစီပြန်လည်ရရှိရေး အမေရိကန်နှင့် တောင်ကိုရီးယားဆွေးနွေး

အမေရိကန်ဒုတိယနိုင်ငံခြားရေးဝန်ကြီး ဝင်ဒီရှားမန်းနဲ့ ကိုရီးယားသမ္မတနိုင်ငံ ဒုတိယနိုင်ငံခြားရေးဝန်ကြီး ချွိုင်ဂျွန်ကွန်တို့ဟာ ဇွန်လ ၉ ရက်က ဝါရှင်တန်မှာတွေ့ဆုံစဉ် မြန်မာ့အရေးနဲ့ပတ်သက်ပြီး ဆွေးနွေးခဲ့ကြပါတယ်။

“အမေရိကန် ဒုတိယနိုင်ငံခြားရေး ဝန်ကြီးနဲ့ ကိုရီးယားသမ္မတနိုင်ငံ ဒုတိယနိုင်ငံခြားရေးဝန်ကြီးတို့ဟာ မြန်မာနိုင်ငံ ဒီမိုကရေစီလမ်းကြောင်းပေါ် ပြန်လည် ရောက်ရှိရေးက အရေးကြီးတဲ့အကြောင်းနဲ့ လက်ရှိနဲ့အနာဂတ်ရဲ့ ကမ္ဘာလုံးဆိုင်ရာ စိန်ခေါ်မှုတွေကို ဖြေရှင်းရာမှာ အမေရိကန်ပြည်ထောင်စု၊ ကိုရီးယားသမ္မတနိုင်ငံနဲ့ ဂျပန်နိုင်ငံတို့ကြား အချင်းချင်း ပူးပေါင်းဆောင်ရွက်ရေးက မရှိမဖြစ် အရေးပါတဲ့အကြောင်းတွေကို ထပ်လောင်းအတည်ပြုခဲ့ကြပါသေးတယ်”လို့ အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် နက်ပရိုက်စ် က ပြောပါတယ်။ 

အမေရိကန်နဲ့ တောင်ကိုရီးယား ဒုတိယနိုင်ငံခြားရေးဝန်ကြီးတို့ဟာ နှစ်နိုင်ငံ ပူးပေါင်းပြီး အရှေ့မြောက်အာရှ၊ အင်ဒို - ပစိဖိတ်နဲ့ တခြားဒေသတွေမှာ ငြိမ်းချမ်းရေး၊ လုံခြုံမှုနဲ့ သာယာဝပြောမှုတွေ ဆောင်ရွက်ဖို့ကိစ္စတွေလည်းဆွေးနွေးခဲ့ပါတယ်။

  ဒါ့အပြင်ရာသီဥတုပြောင်းလဲမှု ပြဿနာ ဖြေရှင်းရေး၊ အင်ဒို - ပစိဖိတ်ဒေသရှိ စိန်ခေါ်မှုတွေကိုဖြေရှင်းရေး၊ ကိုရီးယားကျွန်းဆွယ်အရေး၊ ကာကွယ်ဆေးထုတ်လုပ်မှု တိုးမြှင့်ရေး၊ ဆက်စပ်ပစ္စည်းတွေ၊ ကုန်ထုတ်လုပ်မှုဆိုင်ရာ တီထွင်ဆန်းသစ်မှုတွေကနေတဆင့် ကိုဗစ်-၁၉  တိုက်ဖျက်ရေးကြိုးပမ်းဖို့ကိစ္စတွေလည်း  ဆွေးနွေးခဲ့ကြပါတယ်။ 

3 days Ago

မြန်မာနိုင်ငံအခြေအနေ ပိုမိုဆိုးရွားစိုးရိမ်စရာကောင်းနေဟု အမေရိကန်ပြော

စစ်တပ်အုပ်ချုပ်နေတဲ့ မြန်မာနိုင်ငံရဲ့အခြေအနေဟာ ပိုမိုနက်ရှိုင်းစွာ စိုးရိမ်စရာကောင်းပြီး ပိုမိုဆိုးရွားနေကြောင်းနဲ့ ဖြစ်နိုင်သမျှ အခင်းအကျင်းတွေအားလုံးကို စောင့်ကြည့်နေတယ်လို့ အမေရိကန်သမ္မတဂျိုးဘိုင်ဒန်ရဲ့ အင်ဒို-ပစိဖိတ်ဒေသရေးရာ မူဝါဒ ညှိနှိုင်းရေးမှူး ကာ့တ်ကမ်းဘဲလ်က ဇွန်လ ၈ ရက် နယူးအမေရိကန်လုံခြုံရေးစင်တာပညာရှင်အဖွဲ့က ပြုလုပ်တဲ့ အွန်လိုင်းဆွေးနွေးပွဲမှာ ပြောပါတယ်။ 

အကြမ်းဖက်မှုတွေ မြင့်တက်လာတာကိုတော့ ငြင်းလို့မရဘူးလို့လည်း ဆိုပါတယ်။  မြန်မာစစ်တပ် အာဏာသိမ်းခေါင်းဆောင်တွေနဲ့ သူတို့ရဲ့စီးပွားရေးအကျိုးစီးပွားတွေအပေါ် ပိတ်ဆို့အရေးယူမှုတွေ ချမှတ်ခဲ့တဲ့ ဝါရှင်တန်အစိုးရဟာ မြန်မာနိုင်ငံကို ဒီမိုကရေစီ ပြန်လည်ရရှိစေမယ့် လုပ်ငန်းစဉ်ကို စတင်ဖို့ ကြိုးပမ်းတဲ့အနေနဲ့ အာဆီယံရဲ့ အထူးသဖြင့် အင်ဒိုနီးရှား၊ စင်ကာပူနဲ့ တခြားနိုင်ငံတွေရဲ့ အားထုတ်ကြိုးပမ်းချက်တွေကို အားပေးထောက်ခံပြီး မြန်မာစစ်ဗိုလ်ချုပ်တွေကို သံတမန်ရေးပိုင်းအရ ဖယ်ကြဉ်ထားဖို့လည်း နိုင်ငံတွေကို တိုက်တွန်းထားတယ်လို့ ကမ်းဘဲလ်က ပြောပါတယ်။ 

“ပွင့်ပွင့်လင်းလင်း ပြောရရင် ကျနော်တို့ဟာ မြန်မာနိုင်ငံကို သီးခြားခွဲထားဖို့နဲ့ စစ်တပ် ခေါင်းဆောင်ကို ဆက်သွယ်လို့ရဖို့ နှစ်မျိုးလုံးအတွက် လိုအပ်တဲ့အဆင့်တွေကို ဆောင်ရွက်ဖို့ ပတ်ဝန်းကျင်ဒေသက တခြားနိုင်ငံတွေကို တောင်းဆိုထားတာ”။ 

အွန်လိုင်းဆွေးနွေးပွဲ မစခင်မှာ ဗုံးပေါက်ကွဲမှု သတင်းတွေကိုလည်းသတိပြုမိထားပြီး၊ အမေရိကန်ဟာ တိုင်းရင်းသားလက်နက်ကိုင်တွေဘက်က စိန်ခေါ်မှုတွေကိုသာ မြင်နေရရုံမက အညံ့မခံ အရှုံးမပေးတဲ့ ဒီမိုကရက်တစ်ဘက်မှာ ပိုပြီး စနစ်တကျဖွဲ့စည်းပြီးတော့ ဆုံးဖြတ်ချက် ခိုင်မာမှုတွေကိုလည်း တွေ့နေရပါတယ်လို့ ကမ်းဘဲလ်က ပြောပါတယ်။

မြန်မာနိုင်ငံ ပြိုလဲသွားနိုင်ခြေရှိလား ဆိုတဲ့‌ ‌မေးခွန်းကို ဖြေရရင်တော့ ပြည်တွင်း အခြေအနေတွေနဲ့ ပတ်သက်ပြီး စိတ်ဓာတ်ကျမသွားစေဖို့က ခက်ခဲပြီး အနေအထားကလည်း ပိုဆိုးလာတယ် လို့ ဆိုပါတယ်။ 

မြန်မာအာဏာသိမ်းခေါင်းဆောင် မင်းအောင်လှိုင်ဟာ ပြည်တွင်းက ဆူပူအုံကြွမှု ပမာဏကို ကြိုမတွက်ထားမိဘူးလို့ စစ်တပ်ပိုင် ရုပ်မြင်သံကြားကနေ ထုတ်လွှင့်တဲ့ အင်တာဗျူးတခုမှာ ဝန်ခံပြောဆိုထားတယ်လို့ ကမ်းဘဲလ်က မှတ်ချက်ပေးပါတယ်။ 

သမ္မတဟောင်း ဘားရက်အိုဘားမား လက်ထက်က အရှေ့အာရှနဲ့ ပစိဖိတ်ရေးရာ လက်ထောက်နိုင်ငံခြားရေးဝန်ကြီးဟောင်း ဖြစ်တဲ့ ကမ်းဘဲလ်ဟာ လက်ရှိ ဘိုင်ဒန်ရဲ့ အမျိုးသားလုံခြုံရေးကောင်စီမှာ အကြီးဆုံးအဖွဲ့ကို လက်ရှိဦးဆောင်နေသူ ဖြစ်ပါတယ်။

Photo- AFP

5 days Ago

အမေရိကန်က ထိုင်ဝမ်ကို ကိုဗစ်-၁၉ ကာကွယ်ဆေး ထိုးဆေးအလုံးရေ ၇ သိန်းခွဲလှူမည်

ထိုင်ဝမ်ကို ကိုဗစ်-၁၉ ကာကွယ်ဆေး ထိုးဆေး အလုံးရေ ၇ သိန်းခွဲ လှူဒါန်းဖို့ အစီအစဉ်အတွက် ထိုင်ဝမ်သမ္မတ ချိုင်အင်းဝမ်ဟာ အမေရိကန် အစိုးရကို ကျေးဇူးတင်ကြောင်း ဇွန် ၆ ရက်မှာ ပြောပါတယ်။

အမေရိကန် အထက်လွှတ်တော်အမတ် တမ်မီ ဒါ့ခ်ဝါ့သ်၊ ဒန်ဆူလေဗန်နဲ့ ခရစ္စတိုဖာ ကွန်းစ်တို့ ထိုင်ဝမ်သမ္မတ ချိုင်အင်းဝမ်နဲ့ လေဆိပ်မှာ တွေ့ဆုံချိန်မှာ ခုလို ပြောလိုက်တာပါ။ 

ဒါဟာ အမေရိကန်ရဲ့ တကမ္ဘာလုံးနဲ့ ထိုးဆေးမျှဝေရေးအစီအစဉ် အစိတ်အပိုင်းလည်းဖြစ်ပြီး ကာကွယ်ဆေး ထိုးပေးဖို့ အများကြီး လိုအပ်နေတဲ့ ထိုင်ဝမ်ကျွန်းအတွက် ကပ်ရောဂါ တိုက်ဖျက်ရေး အားပေးဖို့ ကမ်းလှမ်းခဲ့တာလည်း ဖြစ်ပါတယ်။

ထိုင်ဝမ်မှာ လူဦးရေ ၂၃ ဒသမ ၅ ရာခိုင်နှုန်းရှိပြီး ကိုဗစ်-၁၉ ကပ်ရောဂါ ကာကွယ်ဆေး ထိုးပြီးသူဟာ လူဦးရေရဲ့ ၃ ရာခိုင်နှုန်းသာ ရှိပါသေးတယ်။ အများစုကလည်း ထိုးဆေး ၂ လုံးမှာ ပထမတလုံးကိုသာ ထိုးရသေးတာဖြစ်ပြီး ပြည်တွင်းကူးစက်မှုကိုလည်း ရင်ဆိုင်နေရပါတယ်။

ကိုယ်တိုင်အုပ်ချုပ်တဲ့ ထိုင်ဝမ်ကို နိုင်ငံတကာက ကာကွယ်ဆေး မရောင်းပေးဖို့ တရုတ်အစိုးရက ပိတ်ဆို့နိုင်ရေး ကြိုးစားနေတယ်လို့ ထိုင်ဝမ်က အခိုင်အမာပြောထားပြီး တရုတ်ကတော့ ထိုင်ဝမ်ရဲ့ စွဲချက်ကို ငြင်းထားပါတယ်။

တရုတ်ဟာ ထိုင်ဝမ်ကို တရုတ်ပိုင် သင်းကွဲပြည်နယ်အဖြစ် ရှုမြင်ထားပြီး စစ်ရေးနဲ့ ပြန်သိမ်းပိုက်တာကိုတော့ မလုပ်ခဲ့ဖူးသေးပါဘူး။

1 week Ago

တရုတ်ကုမ္ပဏီများအား အမေရိကန်က အမည်ပျက်စာရင်းသွင်းသည့်အပေါ် ကန့်ကွက်

အမေရိကန်ပြည်ထောင်စုဟာ အမျိုးသားလုံခြုံရေးကိုချိုးဖောက်တာနဲ့ တရုတ်ကုမ္ပဏီတွေကို နာမည်ပျက်စာရင်းသွင်းတာကို တရုတ်နိုင်ငံအနေနဲ့ ပြင်းပြင်းထန်ထန် ကန့်ကွက်ကြောင်း တရုတ်နိုင်ငံခြားရေး၀န်ကြီးဌာန ပြောရေးဆိုခွင့်ရှိသူ ဝန်ဘင်ဝမ်က ဇွန် ၄ ရက် သတင်းစာရှင်းလင်းပွဲမှာ ပြောပါတယ်။ 

အမေရိကန်သမ္မတ ဂျိုးဘိုင်ဒင်ဟာ ကြာသပတေးနေ့က တရုတ်ကုမ္ပဏီ အများအပြားကို နာမည်ပျက်စာရင်းသွင်းခြင်း၊ တရုတ်ကုမ္ပဏီတွေဆီက ငွေကြေးဆိုင်ရာအာမခံတွေကို ပိုင်ဆိုင်ခြင်း သို့မဟုတ် အရောင်းအဝယ်လုပ်တဲ့ အမေရိကန်ကုမ္ပဏီတွေကို တားမြစ်ခြင်း စတာတွေနဲ့ ပတ်သက်တဲ့ အမိန့်ထုတ်ပြန်ချက်ကို လက်မှတ်ရေးထိုးခဲ့တာပါ။

အမေရိကန်အစိုးရဟာ အမျိုးသားလုံခြုံရေးဆိုတဲ့ အယူအဆကို ယေဘုယျဆန်ဆန်လုပ်ပြီး တရုတ်ကုမ္ပဏီတွေကို ဖြစ်နိုင်သမျှနည်းလမ်းတွေနဲ့ ဖိနှိပ်ချုပ်ချယ်ဖို့အတွက် အစိုးရအာဏာကို အလွဲသုံးစားပြုတာလို့ ဝန်ဘင်ဝမ်က ဆိုပါတယ်။ 

အမေရိကန်ရဲ့လုပ်ရပ်ဟာ ဈေးကွက်မူဝါဒတွေကို ချိုးဖောက်နေတာဖြစ်ပြီး တရုတ်ကုမ္ပဏီ တွေအတွက် မျှတပြီး ခွဲခြားဆက်ဆံမှု မရှိတဲ့ စီးပွားရေးဝန်းကျင်ကို စီစဉ်ပေးဖို့ တရုတ်နိုင်ငံခြားရေး၀န်ကြီးဌာန ပြောခွင့်ရသူက ပြောသွာပါတယ်။  

1 week Ago

ဖမ်းဆီးခံအမေရိကန်သတင်းထောက် ၂ ဦးကို ချက်ချင်းလွှတ်ရန် နိုင်ငံခြားရေးဒုဝန်ကြီး တောင်းဆို

မြန်မာစစ်ကောင်စီက ဖမ်းဆီးထားတဲ့ အမေရိကန်ဂျာနယ်လစ် ၂ ဦးကို ချက်ချင်းပြန်လွှတ်ပေးဖို့ အမေရိကန် နိုင်ငံခြားရေး ဒုတိယ၀န်ကြီး ဝန်ဒီရှာမန်ဟာ သူ့ရဲ့ ပထမဆုံး နိုင်ငံခြားခရီးစဉ်အတွင်း ဇွန်လ ၂ ရက်နေ့က  တောင်းဆိုလိုက်ပါတယ်။ 

အမေရိကန် နိုင်ငံသားတွေဖြစ်တဲ့ Frontier Myanmar မဂ္ဂဇင်းရဲ့ မန်နေဂျင်းအယ်ဒီတာ ဒန်နီဖှန်စတာနဲ့ ကမာရွတ်မီဒီယာက အယ်ဒီတာချုပ် ကိုနေသန်မောင်တို့ကို ဖမ်းဆီးထားတာဟာ အလွန်ကို စိုးရိမ်ပူပန်စရာကောင်းပြီး သူတို့ကို ပြန်လွှတ်ပေးဖို့နဲ့ သူတို့ရဲ့ မိသားတွေဆီ အိမ်ပြန်ခွင့်ပေးလိုက်ဖို့ တိုက်တွန်းလိုက်တာပါ။ 

လွတ်လပ်ပြီး အမှီအခိုကင်းတဲ့ မီဒီယာဟာ သာယာဝပြောပြီး လွတ်လပ်တဲ့ လူ့အဖွဲ့အစည်းတွေကို တည်ဆောက်ဖို့ မရှိမဖြစ် လိုအပ်ကြောင်းနဲ့ ဒန်နီယလ်နဲ့ နေသန်မောင်တို့လိုပဲ တခြားသတင်းထောက်တွေကို အကြမ်းဖက်ဖမ်းဆီး ထောင်ချထားတာတွေဟာ မြန်မာနိုင်ငံမှာ လွတ်လပ်စွာထုတ်ဖော် ပြောကြားခွင့်အပေါ် လက်မခံနိုင်စရာ တိုက်ခိုက်မှုဖြစ်တယ်လို့ ဒုတိယ၀န်ကြီးက ဘန်ကောက်မြို့မှာ ခေတ္တရပ်နားစဉ်အတွင်း သတင်းထောက်တွေကို ပြောပါတယ်။ 

အမေရိကန် နိုင်ငံခြားရေး ဒုတိယ၀န်ကြီး ဝန်ဒီရှာမန်ဟာ ရာထူးလက်ခံပြီးကတည်းက သူ့ရဲ့ ပထမဆုံး နိုင်ငံခြားခရီးစဉ်ကို ဘယ်လ်ဂျီယံ၊ တူရကီ၊ အင်ဒိုနီးရှား၊ ကမ္ဘောဒီးယားနဲ့ ထိုင်းနိုင်ငံတွေကို သွားရောက်ခဲ့ပါတယ်။ 

Frontier Myanmar သတင်းနှင့်စီးပွားရေးမဂ္ဂဇင်းရဲ့ မန်နေးဂျင်းအယ်ဒီတာ ဒန်နီဖှန်စတာကို ဇွန်လ ၂၄ ရက်နေ့က သူ့မိသားစုဆီပြန်ဖို့ မလေးရှား ကွာလာလမ်ပူသို့ ထွက်ခွာမယ့် လေယာဉ်စီးဖို့ပြင်ဆင်နေချိန် ရန်ကုန် အပြည်ပြည်ဆိုင်ရာ လေဆိပ်မှာ ဖမ်းဆီးခဲ့တာပါ။ 

မြန်မာသတင်းဝက်ဘ်ဆိုက်ဖြစ်တဲ့ ကမာရွတ်မီဒီယာကို ပူးတွဲတည်ထောင်သူ အယ်ဒီတာချုပ်  ကိုနေသန်မောင်နဲ့ မြန်မာနိုင်ငံသား ဦးဟံသာငြိမ်းတို့ဟာ မတ်လ ၉ ရက်က ဖမ်းဆီးခံခဲ့ရတာ ဖြစ်ပါတယ်။

ကိုနေသန်မောင်နဲ့ သတင်းထုတ်လုပ်သူ ဦးဟံသာငြိမ်းတို့ကို အင်းစိန်မြို့နယ်၊ စစ်ကြောရေးစခန်းမှာ ထိန်းသိမ်းထားတဲ့ ပထမနှစ်ပတ်အတွင်းမှာ ကိုယ်ထိ လက်ရောက် နှိပ်စက်ညှဉ်းပန်းခံခဲ့ရတယ်လို့ CPJ သတင်းသမားကာကွယ်ရေးအဖွဲ့က ထုတ်ပြန်ထားပါတယ်။ 

2 weeks Ago

အမေရိကန်ထောက်လှမ်းရေးသူလျှိုကိစ္စ ဂျာမန်အစိုးရ ရှင်းလင်း

ဂျာမန်အဓိပတိ အိန်ဂျလာမာကယ် အပါအဝင် အိမ်နီးချင်းနိုင်ငံတွေက အကြီးတန်းအရာရှိတွေကို သူလျှိုလွှတ် ထောက်လှမ်းဖို့ အမေရိကန်ဟာ ဒိန်းမတ်နိုင်ငံနဲ့ မဟာမိတ်ဖြစ်မှုကို အသုံးချခဲ့တယ်ဆိုတဲ့ အစီရင်ခံစာထွက်ပေါ်လာလို့ ဂျာမန်အစိုးရက ဒီကိစ္စရှင်းအောင် လိုက်နေတယ်လို့ အစိုးရပြောခွင့်ရက ပြောပါတယ်။

ဂျာမန်အစိုးရ ပြောခွင့်ရ စတီဖန်ဆေးဘာ့တ်က “ထောက်လှမ်းရေးလှုပ်ရှားမှုတွေနဲ့ ပတ်သက်ပြီး ပြည်ထောင်စုအစိုးရက ပွင့်ပွင့်လင်းလင်း မှတ်ချက်မပေးတာကို နားလည်ဖို့ ခင်ဗျားတို့ကို ကျနော် တောင်းဆိုပါတယ်။ ပြည်ထောင်စုအစိုးရက ဒီအစီရင်ခံစာကို မှတ်ထားပြီး သက်ဆိုင်ရာ ပြည်တွင်း ပြည်ပအဖွဲ့တွေနဲ့ ထိတွေ့ ဆက်သွယ်ပြီး ရှင်းလင်းနေတယ်”လို့ ပုံမှန် သတင်းစာရှင်းလင်းပွဲမှာ ပြောပါတယ်။

စုံစမ်းစစ်ဆေးချက်အရ ၂၀၁၂ ကနေ ၂၀၁၄ ခုနှစ်အတွင်း အမေရိကန် အမျိုးသားလုံခြုံရေး အေဂျင်စီဟာ ဒိန်းမတ် သတင်းအချက်အလက် ကွန်ရက်ကို သုံးပြီး ဆွီဒင်၊ နော်ဝေ၊ ပြင်သစ်၊ ဂျာမနီနိုင်ငံတွေက အကြီးတန်းအရာရှိတွေအပြင် ဂျာမန် အတိုက်အခံ ခေါင်းဆောင်ဟောင်းကိုပါ စုံစမ်းထောက်လှမ်းခဲ့တယ်လို့ ဆိုပါတယ်။

ဒိန်းမတ် ကာကွယ်ရေးဝန်ကြီးကတော့ မီဒီယာပေါ်မှာ ထောက်လှမ်းရေးကိစ္စကို ထင်မြင်ချက်ပေးနေကြတဲ့အပေါ် မှတ်ချက်ပေးဖို့ ယဉ်ယဉ်ကျေးကျေး ငြင်းဆန်ခဲ့ပါတယ်။

2 weeks Ago

အမေရိကန်နိုင်ငံသား အယ်ဒီတာကို ချက်ချင်းပြန်လွှတ်ပေးရန် တောင်းဆို

မြန်မာနိုင်ငံမှာ အယ်ဒီတာတစ်တစ်ဦးအဖြစ် အလုပ်လုပ်နေတဲ့ အမေရိကန်နိုင်ငံသား ဂျာနယ်လစ် ဒန်နီဖှန်းစတား ဖမ်းဆီးခံနေရတာနဲ့  ပတ်သက်ပြီး အလွန်အမင်း စိုးရိမ်ပူပန်နေကြောင်း အမေရိကန်အစိုးရက မေလ ၂၉ ရက်မှာ ပြောကြားလိုက်ပြီး သူ့ကို ချက်ချင်းပြန်လွှတ်ပေးဖို့လည်း စစ်ကောင်စီကို ဖိအားပေး တောင်းဆိုလိုက်ပါတယ်။

ရန်ကုန်ရှိ အမေရိကန်သံရုံးမှ ကောင်စစ်ဝန် အရာရှိတွေဟာ ဂျာနယ်လစ် ဒန်နီဖှန်းစတားကို တွေ့ဆုံဖို့ ကြိုးစားခဲ့ပေမဲ့ သွားရောက်ခွင့် မရခဲ့ဘူးလို့ အမေရိကန်နိုင်ငံခြားရေး ၀န်ကြီးဌာနပြောခွင့်ရပုဂ္ဂိုလ်က ပြောကြားပါတယ်။

သူ့မိသားစုဆီကို ဘေးကင်းလုံခြုံစွာ ပြန်ရောက်သွားတဲ့အထိ ဆက်လုပ်သွားမယ်လို့လည်း ဆိုပါတယ်။

မြန်မာစစ်ကောင်စီအနေနဲ့ ကောင်စစ်ဝန်ရုံးဆိုင်ရာ ဗီယင်နာကွန်ဗင်းရှင်းသဘောတူညီချက်အရ  ကောင်စစ်ဝန်ဆိုင်ရာကိစ္စတွေဆောင်ရွက်ဖို့  လိုအပ်သလိုဝင်ထွက်ခွင့်ကို နှောင့်နှေးချင်းမရှိ ပေးအပ်ဖို့ တိုက်တွန်းလိုက်ပြီး ဒန်နီယယ် ထိန်းသိမ်းထားချိန်အတွင်း သင့်တော်တဲ့ စောင့်ရှောက်မှုပေးရမယ်လို့လည်း တောင်းဆိုထားပါတယ်။ 

Frontier Myanmar သတင်းဌာနက မန်နေးဂျင်းအယ်ဒီတာ ဒန်နီဖှန်းစတားဟာ ပြီးခဲ့တဲ့ တနင်္လာနေ့က ရန်ကုန်အပြည်ပြည်ဆိုင်ရာ လေဆိပ်မှာ မလေးရှားလေကြောင်းနဲ့ လိုက်ပါဖို့ပြင်ဆင်နေချိန် အဖမ်းခံခဲ့ရတာဖြစ်ပါတယ်။

အသက် ၃၇ နှစ်အရွယ် ဒန်နီဖှန်းစတားကို ရန်ကုန် အင်းစိန်ထောင်ကို ပြောင်းရွှေ့လိုက်ပြီလို့ Frontier Myanmar က  ပြောကြားခဲ့ပြီး ဘာကြောင့်အဖမ်းခံရတာလဲဆိုတာ မသိရသေးသလို ဆက်သွယ်လို့လည်း မရဘူးလို့ ဆိုပါတယ်။ 

အမေရိကန် နိုင်ငံခြားရေး၀န်ကြီးဌာနကတော့ ဒန်နီဖှန်းစတားကို ထိန်းသိမ်းထားတာနဲ့ တခြားသတင်းထောက်တွေအပေါ် အကြမ်းဖက်ပြီး ဖမ်းဆီးထားခြင်းတွေဟာ လွတ်လပ်စွာ ထုတ်ဖော်ပြောကြားခွင့်အပေါ် လက်မခံနိုင်စရာ တိုက်ခိုက်မှုလို့ ခေါ်ဆို သုံးနှုန်းထားပါတယ်။

အမေရိကန် နိုင်ငံခြားရေး ဒု၀န်ကြီး ၀င်ဒီးရှာမန်းဟာ လာမယ့်သီတင်းပတ်အတွင်း မြန်မာရဲ့ အိမ်နီးချင်းထိုင်းနိုင်ငံ အပါအဝင် အရှေ့တောင်အာရှဒေသကို  လာရောက်မှာဖြစ်ပြီး မြန်မာနိုင်ငံရဲ့ အကျပ်အတည်းကိစ္စလည်း ဆွေးနွေးဖို့ ရှိပါတယ်။

2 weeks Ago

ကမ္ဘာတဝန်း ကိုဗစ်-၁၉ကြောင့် သေဆုံးသူ ၃ သန်းခွဲကျော်၊ အမေရိကန်နှင့် ဘရာဇီးမှ ၁ သန်းကျော် ပါဝင်

ကမ္ဘာတဝန်း ကိုဗစ်-၁၉ ကြောင့် သေဆုံးသူအရေအတွက်ဟာ ၃ သန်းခွဲကျော် ရှိ လာခဲ့ပြီဖြစ်ကာ အမေရိကန်နဲ့ ဘရာဇီး ၂ နိုင်ငံပေါင်း သေဆုံးမှုက ၁ သန်းကျော် ပါဝင်နေပါတယ်။

ကိုဗစ်-၁၉ ရောဂါကူးစက်ခံရသူအရေအတွက် စုစုပေါင်းကတော့ ၁၆၈ ဒသမ ၈ သန်းကျော်နဲ့ ရောဂါ ပြန်လည်ပျောက်ကင်းလာသူ အရေအတွက်ကတော့ ၁၅၀ ဒသမ ၄ သန်းကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၄ သန်းနီးပါး၊ သေဆုံးသူ ၆ သိန်းကျော် ရှိနေပြီး သူ့နောက်မှာတော့ အိန္ဒိယနိုင်ငံက ကူးစက်ခံရသူ ၂၇ ဒသမ ၃ သန်းကျော်၊ သေဆုံးသူ ၃ သိန်းကျော်နဲ့ ရှိနေတာ ဖြစ်ပါတယ်။

တတိယနေရာမှာတော့ ဘရာဇီးနိုင်ငံက ကိုဗစ်-၁၉ ရောဂါကူးစက်ခံရသူ ၁၆ ဒသ မ ၁ သန်းကျော်၊ သေဆုံးသူ ၄ သိန်းခွဲကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ် တည်နေပါတယ်။

အဲဒီ ၃ နိုင်ငံနောက်မှာတော့ ပြင်သစ်၊ တူရကီနဲ့ ရုရှားနိုင်ငံတွေက ကူးစက်ခံရသူ ၅ သန်း ကျော်စီ၊ ယူကေနဲ့ အီတလီနိုင်ငံတွေက ကူးစက်ခံရသူ ၄ သန်းကျော်စီ၊ ဂျာမနီ၊ စပိန်၊ အာဂျင်တီးနားနဲ့ ကိုလံဘီယာနိုင်ငံတွေက ကူးစက်ခံရသူ ၃ သန်းကျော်စီ၊ ပိုလန်၊ အီရန်၊ မက္ကဆီကိုနဲ့ ယူကရိန်းနိုင်ငံတွေက ကူးစက်ခံရသူ ၂ သန်းကျော်စီ ရှိနေတာ ဖြစ်ပါ တယ်။

အဲဒီနောက်မှာတော့ ပီရူး၊ အင်ဒိုနီးရှား၊ ချက်သမ္မတနိုင်ငံ၊ တောင်အာဖရိက၊ နယ်သာလန်၊ ကနေဒါ၊ ချီလီ၊ ဖိလစ်ပိုင်၊ အီရတ်၊ ရိုမေးနီးယား၊ ဘယ်လ်ဂျီယမ်နိုင်ငံ တွေနဲ့အတူ ဆွီဒင်နိုင်ငံမှာလည်း ကိုဗစ်-၁၉ ရောဂါ ကူးစက်ခံရသူ အရေအတွက် ၁ သန်း ကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါကူးစက်ခံရသူ ဦးရေ ၁ သန်းကျော်လာခဲ့တဲ့ နိုင်ငံပေါင်း ၂၈ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ် မှာ ဖော်ပြထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၁ ထောင်ကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံ အလိုက် အမှတ်စဉ် ၉၈ နေရာထိ ကျဆင်းသွားခဲ့ပါတယ်။

အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါသန်းချီ ကူးစက်ပြန့်ပွားမှု အမြင့်ဆုံး အိန္ဒိယ၊ တူရကီ၊ အီရန်၊ အင်ဒိုနီးရှား၊ ဖိလစ်ပိုင်နဲ့ အီရတ်နိုင်ငံတွေပြီးရင် ပါကစ္စတန်နိုင်ငံက ရောဂါကူးစက်ခံရသူ ၉ သိန်းကျော်၊ အစ္စရေးနိုင်ငံက ရောဂါကူးစက်ခံ ရသူ ၈ သိန်းကျော်၊ ဘင်္ဂလားဒေ့ရှ်၊ ဂျော်ဒန်နဲ့ ဂျပန်နိုင်ငံတွေက ၇ သိန်းကျော်စီနဲ့ အသီး သီး ကူးစက်ခံထားရတာ ဖြစ်ပါတယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၁၄၃,၃၁၈ ယောက်၊ သေဆုံးသူ ၃,၂၁၆ ယောက်နဲ့ ဆေးရုံက ဆင်းခွင့်ရသူပေါင်း ၁၃၂,၂၆၄ ယောက်ရှိနေပြီး အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်ခံရပြီး သေဆုံးမှုအ များဆုံး ၃ နိုင်ငံထဲမှာ ပါဝင်နေပါတယ်။

မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၅ သိန်း ၃ သောင်းကျော်နဲ့ သေဆုံးသူ ၂,၄၃၂ ယောက် ရှိပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၁ သိန်း ၃ သောင်းကျော်နဲ့ သေဆုံးသူ ၈၇၃ ယောက် ရှိနေပါ တယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်း ၁ ထောင် ကျော်နဲ့ သေဆုံးသူအရေအတွက် ၃၂ ယောက်ရှိနေတာ ဖြစ်ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂ သောင်း ၇ ထောင်နီးပါးနဲ့ သေဆုံးသူ ၁၉၀ ယောက်ရှိလာခဲ့ပြီ ဖြစ်ပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၆ ထောင် ကျော်နဲ့ သေဆုံးသူအရေအတွက် ၄၅ ယောက် ရှိနေပြီး ဘရူနိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂၄၀ ယောက်နဲ့ သေဆုံးသူ ၃ ယောက် ရှိနေတာပါ။

လာအိုနိုင်ငံမှာတော့ ရောဂါကူးစက်ခံရသူ ၁,၈၈၃ ယောက်နဲ့ သေဆုံးလူနာ ၂ ယောက် ရှိလာခဲ့ပြီ ဖြစ်ပါတယ်။

3 weeks Ago

Frontier Myanmar မဂ္ဂဇင်း၏ မန်နေဂျင်းအယ်ဒီတာ အမေရိကန်နိုင်ငံသား ဖမ်းဆီးခံရ

ပြည်တွင်းအခြေစိုက် သတင်းဌာနတခုဖြစ်တဲ့ Frontier Myanmar မဂ္ဂဇင်းမှာ မန်နေဂျင်းအယ်ဒီတာ တာဝန်ထမ်းဆောင်နေတဲ့ အမေရိကန်နိုင်ငံသား တစ်ဦးကို စစ်ကောင်စီက ဖမ်းဆီးလိုက်ပါတယ်။

အယ်ဒီတာ ဒန်နီဖန်စတာဟာ ဒီကနေ့ မနက်ပိုင်းက ရန်ကုန်အပြည်ပြည်ဆိုင်ရာ လေဆိပ်မှာ မလေးရှားနိုင်ငံ၊ ကွာလာလမ်ပူကို ထွက်ခွာဖို့ အချိန်ပိုင်းအလိုလောက်မှာ ဖမ်းဆီးခံခဲ့ရတာဖြစ်ပြီး သူ့ကို အင်းစိန်ထောင်ကို ပြောင်းရွှေ့ခေါ်ဆောင်သွားတာ ဖြစ်နိုင်တယ်လို့ သတင်းဌာနအနေနဲ့ ယူဆကြောင်း ထုတ်ပြန်ထားပါတယ်။

သတင်းဌာနအနေနဲ့ မနက်ပိုင်းကတည်းက သူနဲ့ အဆက်အသွယ်မရတော့ဘဲ သူ့ကို ဘယ်မှာ ဖမ်းဆီးထားတယ်ဆိုတာကိုလည်း မသိရဘူးလို့ ဆိုပါတယ်။ Frontier Myanmar သတင်းဌာနအနေနဲ့ သူ့ကို အမြန်ဆုံး ပြန်လွှတ်ပေးဖို့ တောင်းဆိုထားပြီး ဘေးကင်းလုံခြုံမှုရှိစေဖို့နဲ့ သူလိုအပ်တဲ့ ဘယ်လိုအကူအညီကိုမဆို ပေးဖို့အတွက် အလေးပေးစေလိုကြောင်းလည်း ဖော်ပြထားပါတယ်။

မြန်မာနိုင်ငံမှာ အကြမ်းဖက်စစ်ကောင်စီရဲ့ မတရားစစ်အာဏာသိမ်းမှု ၃လခွဲကျော် ရှိလာခဲ့ချိန်မှာ ရဲနဲ့ စစ်တပ်အင်အားစုတွေရဲ့ ပစ်မှတ်ထား အကြမ်းဖက်ဖြိုခွင်းမှုကြောင့် အရပ်ဘက်လူမှုအဖွဲ့အစည်းတွေ၊ သတင်းသမားတွေ၊ အရပ်သားပြည်သူတွေ ထိခိုက်ဒဏ် ရာရရှိတာတွေ၊ ဖမ်းဆီးခေါ်ဆောင်တာတွေ၊ သေဆုံးမှုတွေလည်း ပိုမိုမြင့်တက်နေပါတယ်။

လက်ရှိမှာတော့ အာဏာသိမ်းစစ်ကောင်စီက မြန်မာသတင်းမီဒီယာသမား ၄၀ ကျော်ကို ဖမ်းဆီးထားပြီး  အများစုကို ပုဒ်မ ၅၀၅ (က) နဲ့ တရားစွဲဆိုထားကာ ပြည်မြို့ အခြေစိုက် ဒီဗွီဘီ သတင်းထောက် ကိုမင်းညိုကိုတော့ ပုဒ်မ ၅၀၅ (က) နဲ့ မေလ ၁၂ ရက်နေ့က ထောင်ဒဏ် ၃ နှစ် ချမှတ်ခဲ့ပါတယ်။

Photo: Frontier Myanmar

3 weeks Ago

ကမ္ဘာတဝန်း ကိုဗစ်-၁၉ ကူးစက်ခံရသူ ၁၆၇ သန်းကျော်လာ၊ အမေရိကန်နှင့် အိန္ဒိယ ၂ နိုင်ငံပေါင်း ၆၅ သန်းကျော် ကူးစက်ခံထားရ

ကမ္ဘာတဝန်း ကိုဗစ်-၁၉ ရောဂါကူးစက်ခံရသူအရေအတွက်ဟာ ၁၆၇ သန်းကျော် ရှိလာခဲ့ပြီ ဖြစ်ပြီး စုစုပေါင်းသေဆုံးသူအရေအတွက်ကတော့ ၃ ဒသမ ၄ သန်းကျော်နဲ့ ရောဂါပြန်လည်ပျောက်ကင်းလာသူ အရေအတွက်ကတော့ ၁၄၈ သန်းနီးပါး ရှိနေပြီ ဖြစ်ပါတယ်။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၃ ဒသမ ၈ သန်းကျော်၊ သေဆုံးသူ ၆ သိန်းကျော် ရှိနေပြီး သူ့နောက်မှာတော့ အိန္ဒိယနိုင်ငံက ကူးစက်ခံရသူ ၂၆ ဒသမ ၅ သန်းကျော်၊ သေဆုံးသူ ၂ သိန်း ၉ သောင်းကျော်နဲ့ ရှိနေတာ ဖြစ်ပါတယ်။

တတိယနေရာမှာတော့ ဘရာဇီးနိုင်ငံက ကိုဗစ်-၁၉ ရောဂါကူးစက်ခံရသူ ၁၆ သန်းကျော်၊ သေဆုံးသူ ၄ သိန်း ၄ သောင်းကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ် တည်နေပါတယ်။

အဲဒီ ၃ နိုင်ငံနောက်မှာတော့ ပြင်သစ်နဲ့ တူရကီနိုင်ငံတွေက ကူးစက်ခံရသူ ၅ သန်းကျော်စီ၊ ရုရှား၊ ယူကေနဲ့ အီတလီနိုင်ငံတွေက ကူးစက်ခံရသူ ၄ သန်းကျော်စီ၊ စပိန်၊ ဂျာမနီ၊ အာဂျင်တီးနားနဲ့ ကိုလံဘီယာနိုင်ငံတွေက ကူးစက်ခံရသူ ၃ သန်းကျော်စီ၊ ပိုလန်၊ အီရန်၊ မက္ကဆီကိုနဲ့ ယူကရိန်းနိုင်ငံတွေက ကူးစက်ခံရသူ ၂ သန်းကျော်စီ ရှိနေတာ ဖြစ်ပါ တယ်။

အဲဒီနောက်မှာတော့ ပီရူး၊ အင်ဒိုနီးရှား၊ ချက်သမ္မတနိုင်ငံ၊ တောင်အာဖရိက၊ နယ်သာလန်၊ ကနေဒါ၊ ချီလီ၊ ဖိလစ်ပိုင်၊ အီရတ်၊ ရိုမေးနီးယား၊ ဘယ်လ်ဂျီယမ်နိုင်ငံ တွေနဲ့အတူ ဆွီဒင်နိုင်ငံမှာလည်း ကိုဗစ်-၁၉ ရောဂါ ကူးစက်ခံရသူ အရေအတွက် ၁ သန်း ကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါကူးစက်ခံရသူ ဦးရေ ၁ သန်းကျော်လာခဲ့တဲ့ နိုင်ငံပေါင်း ၂၈ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ် မှာ ဖော်ပြထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်းကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအလိုက် အမှတ်စဉ် ၉၈ နေရာထိ ကျဆင်းသွားခဲ့ပါတယ်။

အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါသန်းချီ ကူးစက်ပြန့်ပွားမှု အမြင့်ဆုံး အိန္ဒိယ၊ တူရကီ၊ အီရန်၊ အင်ဒိုနီးရှား၊ ဖိလစ်ပိုင်နဲ့ အီရတ်နိုင်ငံတွေပြီးရင် ပါကစ္စတန်နိုင်ငံက ရောဂါကူးစက်ခံရသူ ၉ သိန်းကျော်၊ အစ္စရေးနိုင်ငံက ရောဂါကူးစက်ခံရသူ ၈ သိန်းကျော်၊ ဘင်္ဂလားဒေ့ရှ်၊ ဂျော်ဒန်နဲ့ ဂျပန်နိုင်ငံတွေက ၇ သိန်းကျော်စီနဲ့ အသီးသီး ကူးစက်ခံထားရတာ ဖြစ်ပါတယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၁၄၃,၂၂၈ ယောက်၊ သေဆုံးသူ ၃,၂၁၆ ယောက်နဲ့ ဆေးရုံက ဆင်းခွင့်ရသူပေါင်း ၁၃၂,၁၃၆ ယောက်ရှိနေပြီး အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်ခံရပြီး သေဆုံးမှုအများဆုံး ၃ နိုင်ငံထဲမှာ ပါဝင်နေပါတယ်။

မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၅ သိန်းကျော်နဲ့ သေဆုံးသူ ၂,၁၉၉ ယောက် ရှိပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၁ သိန်း ၃ သောင်းနီးပါးနဲ့ သေဆုံးသူ ၇၇၆ ယောက် ရှိနေပါ တယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်း ၁ ထောင်ကျော်နဲ့ သေဆုံးသူအရေအတွက် ၃၂ ယောက်ရှိနေတာ ဖြစ်ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂ သောင်းခွဲကျော်နဲ့ သေဆုံးသူ ၁၇၆ ယောက်ရှိလာခဲ့ပြီ ဖြစ်ပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၅,၁၄၁ ယောက်နဲ့ သေဆုံးသူအရေအတွက် ၄၂ ယောက် ရှိနေပြီး ဘရူနိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂၃၅ ယောက်နဲ့ သေဆုံးသူ ၃ ယောက် ရှိနေတာပါ။

လာအိုနိုင်ငံမှာတော့ ရောဂါကူးစက်ခံရသူ ၁,၇၈၂ ယောက်နဲ့ သေဆုံးလူနာ ၂ ယောက် ရှိလာခဲ့ပြီ ဖြစ်ပါတယ်။

3 weeks Ago

မြန်မာအကြမ်းဖက်စစ်အုပ်စုကို အမေရိကန်၊ ကနေဒါနှင့် ယူကေက ထပ်မံ ပိတ်ဆို့ဒဏ်ခတ်

မြန်မာအာဏာသိမ်းအကြမ်းဖက်စစ်အုပ်စုနဲ့ ပေါင်းပါတွေကို   အမေရိကန်၊ ကနေဒါနဲ့ ယူကေနိုင်ငံတို့က ပိတ်ဆို့ဒဏ်ခတ်အရေးယူမှုတွေ  ထပ်မံတိုးချဲ့ ပြုလုပ်လိုက်ကြောင်း နိုင်ငံအသီးသီးက ထုတ်ပြန်ကြေညာပါတယ်။

အမေရိကန် ပြည်ထောင်စုက မြန်မာစစ်အာဏာရှင်နဲ့ ဆက်နွှယ်တဲ့ အဖွဲ့အစည်းတစ်ခု နဲ့ လူပုဂ္ဂိုလ် ၁၆ ဦး တို့ကို  ဒဏ်ခတ်ပိတ်ဆို့အရေးယူရန်လိုက်ကြောင်း နိုင်ငံခြားရေးဝန်ကြီး အန်တိုနီဘလင်ကင်က မေ ၁၇ ရက်နေ့စွဲ့နဲ့ ကြေညာပါတယ်။

စစ်အာဏာရှင်ဟာ လတ်တလော ချင်းပြည်နယ် မင်းတပ်မြို့ အပါအဝင် မြန်မာပြည်သူလူထုအပေါ် အကြမ်းဖက်မှုနဲ့ နှိပ်ကွပ်မှုတွေ ဆက်လက်ကျူးလွန်နေပြီး နိုင်ငံတော်ကို ဒီမိုကရေစီလမ်းကြောင်းပေါ်သို့ ပြန်လည်ရောက်ရှိရေး ဘာမှဆောင်ရွက်ခြင်းမရှိတဲ့အတွက် အမေရိကန်သမ္မတအမိန့် အရ ဒဏ်ခတ်ပိတ်ဆို့အရေးယူမှုအသစ်တွေထပ်မံချမှတ်လိုက်တာလို့ ဆိုပါတယ်။

စစ်ကောင်စီအဖွဲ့ဝင် ၄ ဦး၊ စစ်တပ်ခန့် အစိုးရအဖွဲ့ဝင် ၉ ဦးနဲ့  အရင်က ဒဏ်ခတ်ပိတ်ဆို့အရေးယူထားတဲ့ စစ်အရာရှိတွေရဲ့  အရွယ်ရောက်ပြီး သား၊ သမီး ၃ ဦး စုစုပေါင်း ၁၆ ဦးတို့ကို အမေရိကန် ဘဏ္ဍာရေးဝန်ကြီးဌာနက ဒဏ်ခတ်ပိတ်ဆို့အရေးယူလိုက်တာပါ။

ဒဏ်ခတ်စာရင်းမှာပါဝင်သူတွေကတော့  စစ်ကောင်စီအဖွဲ့ဝင်တွေ ဖြစ်တဲ့ မန်းငြိမ်းမောင်၊ ဦးသိန်းညွန့်၊ စိုင်းလုံးဆိုင်၊ ဦးခင်မောင်ဆွေ၊ စစ်ကောင်စီခန့် ပြည်ထောင်စုဝန်ကြီးတွေဖြစ်တဲ့  အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဦးကိုကိုလှိုင်၊ တိုင်းရင်းသားရေးရာဝန်ကြီး စောထွန်းအောင်မြင့်၊ နယ်စပ်ရေးရာဝန်ကြီး ဦးထွန်းထွန်းနောင်၊ ဗဟိုဘဏ်ဥက္ကဋ္ဌ ဦးသန်းငြိမ်း၊ စီးပွားကူးသန်းဝန်ကြီး ဦးပွင့်ဆန်း၊ စီမံဘဏ္ဍာဝန်ကြီး ဦးဝင်းရှိန်၊ ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးသိန်းစိုး၊ ကျန်းမာရေးနဲ့ အားကစားဝန်ကြီး ဦးသက်ခိုင်ဝင်း၊ သဘာဝသယံဇာတနဲ့ ပတ်ဝန်းကျင်ထိန်းသိမ်းရေးဝန်ကြီး ဦးခင်မောင်ရီ တို့ ဖြစ်ပါတယ်။

ဒါ့အပြင် စစ်ကောင်စီအဖွဲ့ဝင် ဗိုလ်ချုပ်ကြီး မောင်မောင်ကျော်ရဲ့သား ဟိန်းထက်နဲ့ ကောင်းထက်၊  တပ်မတော်ကာကွယ်ရေးဦးစီးချုပ်(ရေ)  ဗိုလ်ချုပ်ကြီး တင်အောင်စန်းရဲ့ သမီး ယဉ်မင်းသူတို့ကိုလည်း ပိတ်ဆို့ဒဏ်ခတ်စာရင်းမှာထည့်သွင်းဖော်ပြထားပါတယ်။

သမ္မတဘိုင်ဒင်ပြောခဲ့တဲ့အတိုင်း အမေရိကန်ပြည်ထောင်စုဟာ  မြန်မာပြည်မှာ စစ်အာဏာသိမ်းမှုအတွက် တာဝန်ရှိသူတွေ တာဝန်ခံရစေရေးအတွက် ဆက်လက်တိုးမြှင့်လုပ်ဆောင်သွားမှာဖြစ်သလို စစ်အာဏာရှင်တွေ အကြမ်းဖက်မှုမရပ်တန့်မချင်း၊ ပြည်သူလူထုဆန္ဒကို လေးစားတဲ့အနေနဲ့ အဓိပ္ပာယ်ပြည့်ဝသောလုပ်ရပ်တွေ မဖော်ဆောင်မချင်း နိုင်ငံရေးနဲ့ ဘဏ္ဍာရေးအရ စစ်အာဏာရှင်ကို ဖိအားပေးတာဖြစ်တယ်လို့လည်းဆိုပါတယ်။

ယူကေနိုင်ငံကတော့ မြန်မာ့ကျောက်မျက်ရတနာရောင်းဝယ်ရေးလုပ်ငန်း ( MGE) ကို ပိတ်ဆို့ဒဏ်ခတ် အရေးယူလိုက်ကြောင်း နိုင်ငံခြားရေးဝန်ကြီး ဒေါမနစ်ရာ့ဘ်က  မေလ ၁၇ ရက်မှာ ထုတ်ပြန်ကြေညာပါတယ်။ မြန်မာ့ကျောက်မျက်လုပ်ငန်းဟာ အကြမ်းဖက်စစ်အုပ်စုကို ဒေါ်လာဘီလီယံနဲ့ ချီဝင်ငွေရရှိစေတဲ့ စီးပွားရေးလုပ်ငန်ကြီးဖြစ်ပါတယ်။ 

မြန်မာနိုင်ငံမှာ စစ်အစိုးရဟာ ဒီမိုကရေစီကိုဆက်လက် ချေမှုန်းဖျက်ဆီးနေပြီး ကိုယ့်ရဲ့ ပြည်သူတွေကို လူမဆန်စွာ ရက်စက်ကြမ်းကြုတ်စွာတိုက်ခိုက်နေတယ်။  စစ်အစိုးရရဲ့ ငွေရေးကြေးရေးရရရှိမှုကို ထိခိုက်စေတဲ့ ပိတ်ဆို့ဒဏ်ခတ်မှုတွေကို မဟာမိတ်တွေနဲ့အတူ လုပ်ဆောင်ပြီး ဒီမိုကရေစီပြန်ရအောင်လုပ်ဆောင်သွားမယ်လို့လည်း ယူကေနိုင်ငံခြားရေး ဝန်ကြီးက ပြောပါတယ်။

ယူကေဟာ မြန်မာ စစ်ခေါင်းဆောင်တွေကို ပိတ်ဆို့ဒဏ်ခတ်အရေးယူမှုတွေ ပြီးခဲ့တဲ့ ဖေဖော်ဝါရီလကလည်း ပြုလုပ်ထားပြီးဖြစ်ပါတယ်။

ကနေဒါအစိုးရကတော့ မြန်မာစစ်တပ်နဲ့ ဆက်နွှယ်နေတဲ့ လူပုဂ္ဂိုလ် ၁၆ ယောက်နဲ့ ကုမ္ပဏီလုပ်ငန်း ၁၀ ခုကို နောက်ထပ် ပိတ်ဆို့ဒဏ်ခတ် အရေးယူမှုတွေ ချမှတ်လိုက်တယ်လို့ ကနေဒါနိုင်ငံခြားရေး ဌာနက မေလ ၁၇ ရက်နေ့မှာပဲ ကြေညာပါတယ်။  

မြန်မာနိုင်ငံမှာ စစ်တပ်က တာဝန်ယူမှု၊ တာဝန်ခံမှုရှိစေရေးနဲ့ နောက်ထပ် အကြမ်းဖက်မှုတွေကို ဟန့်တားနိုင်ရေးအတွက် လက်နက်တင်ပို့မှုပိတ်ပင်တားဆီးရေး၊ စစ်အသုံးအဆောင်ပစ္စည်းတွေ ရောင်းချမှု ဆိုင်းငံ့ရေးနဲ့ စစ်တပ်ပိုင်လုပ်ငန်းအဖွဲ့အစည်းတွေနဲ့ ကူးသန်းရောင်းဝယ်ရေးဆိုင်ရာ ပူးပေါင်းဆောင်ရွက်မှု ရပ်တန့်ရေးအပါအဝင် စစ်အာဏာရှင်အပေါ် ဒဏ်ခတ်ပိတ်ဆို့အရေးယူမှုတွေ လုပ်ဆောင်ကြဖို့  အမေရိကန် ပြည်ထောင်စုက နိုင်ငံအားလုံးကို တိုက်တွန်း ထားပါတယ်။

Photo- CINCDS

4 weeks Ago

အမေရိကန်တွင် ကိုဗစ်-၁၉ ကြောင့် သေဆုံးသူ ၆ သိန်းကျော်၊ သိန်းချီသေဆုံးသည့် နိုင်ငံ ၈ နိုင်ငံထိ ရှိလာ

အမေရိကန်နိုင်ငံမှာ ကိုဗစ်-၁၉ ရောဂါ ကူးစက်ခံရပြီး သေဆုံးသူအရေအတွက်ဟာ ၆ သိန်းကျော် ရှိလာခဲ့ပြီး ကမ္ဘာတဝန်း သိန်းချီသေဆုံးတဲ့ နိုင်ငံ ၈ နိုင်ငံထိ ရှိလာခဲ့ပြီ ဖြစ် ပါတယ်။

တကမ္ဘာလုံးအတိုင်းအတာနဲ့ ၁၆၄ သန်းကျော် ရောဂါကူးစက်ခံရပြီး သေဆုံးသူအ ရေအတွက်ကတော့ ၃ ဒသမ ၄ သန်းနီးပါးနဲ့ ရောဂါပြန်လည်ပျောက်ကင်းလာသူ အရေ အတွက်ကတော့ ၁၄၂ ဒသမ ၆ သန်းကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၃ ဒသမ ၇ သန်းကျော်၊ သေဆုံးသူ ၆ သိန်းကျော် ရှိနေပြီး သူ့နောက်မှာတော့ အိန္ဒိယ နိုင်ငံက ကူးစက်ခံရသူ ၂၅ သန်းကျော်၊ သေဆုံးသူ ၂ သိန်း ၇ သောင်းကျော်နဲ့ ရှိနေတာ ဖြစ်ပါတယ်။

တတိယနေရာမှာတော့ ဘရာဇီးနိုင်ငံက ကိုဗစ်-၁၉ ရောဂါကူးစက်ခံရသူ ၁၅ ဒသ မ ၆ သန်းကျော်၊ သေဆုံးသူ ၄ သိန်း ၃ သောင်းကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါတယ်။

အဲဒီ ၃ နိုင်ငံနောက်မှာတော့ ပြင်သစ်နဲ့ တူရကီနိုင်ငံတွေက ကူးစက်ခံရသူ ၅ သန်း ကျော်စီ၊ ရုရှား၊ ယူကေနဲ့ အီတလီနိုင်ငံတွေက ကူးစက်ခံရသူ ၄ သန်းကျော်စီ၊ စပိန်၊ ဂျာမနီ၊ အာဂျင်တီးနားနဲ့ ကိုလံဘီယာနိုင်ငံတွေက ကူးစက်ခံရသူ ၃ သန်းကျော်စီ၊ ပိုလန်၊ အီရန်၊ မက္ကဆီကိုနဲ့ ယူကရိန်းနိုင်ငံတွေက ကူးစက်ခံရသူ ၂ သန်းကျော်စီ ရှိနေတာ ဖြစ်ပါ တယ်။

အဲဒီနောက်မှာတော့ ပီရူး၊ အင်ဒိုနီးရှား၊ ချက်သမ္မတနိုင်ငံ၊ တောင်အာဖရိက၊ နယ်သာလန်၊ ကနေဒါ၊ ချီလီ၊ အီရတ်၊ ဖိလစ်ပိုင်၊ ရိုမေးနီးယား၊ ဘယ်လ်ဂျီယမ်နိုင်ငံ တွေနဲ့အတူ ဆွီဒင်နိုင်ငံမှာလည်း ကိုဗစ်-၁၉ ရောဂါ ကူးစက်ခံရသူ အရေအတွက် ၁ သန်း ကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါကူးစက်ခံရသူ ဦးရေ ၁ သန်းကျော်လာခဲ့တဲ့ နိုင်ငံပေါင်း ၂၈ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ် မှာ ဖော်ပြထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်းကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအလိုက် အမှတ်စဉ် ၉၇ နေရာထိ ကျဆင်းသွားခဲ့ပါတယ်။

အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါသန်းချီ ကူးစက်ပြန့်ပွားမှု အမြင့်ဆုံး အိန္ဒိယ၊ တူရကီ၊ အီရန်၊ အင်ဒိုနီးရှား၊ ဖိလစ်ပိုင်နဲ့ အီရတ်နိုင်ငံတွေပြီးရင် အစ္စရေးနဲ့ ပါကစ္စတန်နိုင်ငံတွေက ရောဂါကူးစက်ခံရသူ ၈ သိန်းကျော်၊ ဘင်္ဂလားဒေ့ရှ်နဲ့ ဂျော်ဒန်နိုင်ငံတွေက ၇ သိန်းကျော်စီနဲ့ အသီးသီး ကူးစက်ခံထားရတာ ဖြစ်ပါတယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၁၄၃,၀၆၅ ယောက်၊ သေဆုံးသူ ၃,၂၁၂ ယောက်နဲ့ ဆေးရုံက ဆင်းခွင့်ရသူပေါင်း ၁၃၂,၁၁၅ ယောက်ရှိနေပြီး အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်ခံရပြီး သေဆုံးမှုအ များဆုံး ၃ နိုင်ငံထဲမှာ ပါဝင်နေပါတယ်။

မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၄ သိန်း ၇ သောင်းကျော်နဲ့ သေဆုံးသူ ၁,၉၄၇ ယောက် ရှိပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၁ သိန်း ၁ သောင်းကျော်နဲ့ သေဆုံးသူ ၆၁၄ ယောက် ရှိနေပါ တယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်း ၁ ထောင် ကျော်နဲ့ သေဆုံးသူအရေအတွက် ၃၁ ယောက်ရှိနေတာ ဖြစ်ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂ သောင်း ၂ ထောင်ကျော်နဲ့ သေဆုံးသူ ၁၅၄ ယောက်ရှိလာခဲ့ပြီ ဖြစ်ပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၄,၃၅၉ ယောက်နဲ့ သေဆုံးသူအရေအတွက် ၃၇ ယောက် ရှိနေပြီး ဘရူနိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂၃၂ ယောက်နဲ့ သေဆုံးသူ ၃ ယောက် ရှိနေ တာပါ။

လာအိုနိုင်ငံမှာတော့ ရောဂါကူးစက်ခံရသူ ၁,၆၃၈ ယောက်နဲ့ သေဆုံးလူနာ ၂ ယောက် ရှိလာခဲ့ပြီ ဖြစ်ပါတယ်။

4 weeks Ago

အမေရိကန်အပါအဝင် ၃ နိုင်ငံ စစ်ရေးလေ့ကျင့်မှု ကျူရှူးကျွန်းတွင် ပြုလုပ်

ဂျပန်၊ အမေရိကန်နဲ့ ပြင်သစ်တို့ ဂျပန်နိုင်ငံ တောင်ပိုင်းက ကျူရှူးကျွန်းမှာ မေ ၁၅ ရက်က အတူပူးတွဲ စစ်ရေးလေ့ကျင့်မှု ပြုလုပ်ခဲ့ကြပါတယ်။ 

မီယာဇာကီ စီရင်စုနယ်၊ ခိရိရှိမား လေ့ကျင့်ရေးကွင်းမှာလုပ်တဲ့ ၃ ပွင့်ဆိုင် စစ်ရေးလေ့ကျင့်မှုထဲမှာ ဂျပန်မြေပြင်ကာကွယ်ရေးတပ်ရဲ့ သယ်ယူပို့ဆောင်ရေး ရဟတ်ယာဉ်ကနေ ပြင်သစ်စစ်တပ် ဆင်းလာပြီးတော့ တပ်ဖွဲ့တွေ စုပေါင်းပြီး မိုးသည်းသည်းထဲမှာ လေ့ကျင့်ရေးလုပ်ကြပါတယ်။ 

ဂျပန်နိုင်ငံတဝှမ်းမှာ အဟန့်အတားနဲ့ တုံ့ပြန်မှုစွမ်းရည် ပိုအားကောင်းဖို့နဲ့ အင်ဒို-ပစိဖိတ်ဒေသတွင်း တည်ငြိမ်အေးချမ်းရေးအတွက် ဒီ ၃ နိုင်ငံ ပူးတွဲစစ်ရေးလေ့ကျင့်မှုဟာ မလုပ်မဖြစ်တဲ့ အလွန်ကို အဓိပ္ပာယ်ရှိတဲ့ လေ့ကျင့်မှုပါလို့ ဂျပန်မြေပြင်ကာကွယ်ရေးတပ်ဖွဲ့က ဗိုလ်မှူးကြီး မာဆာရှီ ဟီရာကီက ပြောပါတယ်။ 

 ဂျပန်နဲ့ မဟာမိတ်အမေရိကန်တို့ဟာ အတူတကွ ပုံမှန်လေ့ကျင့်လေ့ရှိပြီး ပြင်သစ်စစ်တပ်က ဂျပန်လေ့ကျင့်မှုမှာ ပထမဆုံးအကြိမ်အဖြစ် ပါဝင်လာတာပါ။ 

ဒီကမ္ဘာမှာ ဝေမျှနေထိုင်သူအချင်းချင်း အတူရင်ဘောင်တန်း ရှိနေဖို့ လိုတယ်လို့ ပြင်သစ်စစ်တပ်က ဒုဗိုလ်မှူးကြီး ဟင်နရီမာစီလူးက ပြောပါတယ်။

 ပြင်သစ်နဲ့ ကာကွယ်ရေးဆိုင်ရာ ပူးပေါင်းဆောင်ရွက်မှုကို ပိုမိုနက်ရှိုင်းစေခြင်းအားဖြင့် ဂျပန်ဟာ အရှေ့ပင်လယ်နဲ့ တောင်တရုတ်ပင်လယ်တို့မှာ တရုတ်ရဲ့ အခိုင်အမာ ပြောဆို လုပ်ကိုင်နေခြင်းအပေါ် အဟန့်အတားဖြစ်စေဖို့ ရည်ရွယ်ပုံရတယ်လို့ ဂျပန် Nikkei သတင်းစာကဖော်ပြခဲ့ပါတယ်။ 

စနေနေ့ကပြုလုပ်တဲ့ စစ်ရေးလေ့ကျင့်မှုမှာ နိုင်ငံသုံးနိုင်ငံမှ စစ်သားစုစုပေါင်း ၂၂၀ ပါဝင်ခဲ့ပြီး ဝေးလံခေါင်သီတဲ့ကျွန်းတွေကို ကာကွယ် စောင့်ရှောက်နေတယ်ဆိုတဲ့ အခြေအနေကို ပြနေတာပါ။

 ဒီ ၃ နိုင်ငံအပြင် ဩစတြေးလျရေတပ်ကလည်း အရှေ့တရုတ်ပင်လယ်က ပူးတွဲစစ်ရေး လေ့ကျင့်မှုမှာ ပါဝင်နေပါတယ်။ 

4 weeks Ago

ဆိုက်ဘာလုံခြုံရေးဟာ အမျိုးသားလုံခြုံရေးဖြစ်ဟု အမေရိကန်ပြော

  "ဆိုက်ဘာလုံခြုံရေးဟာ အမျိုးသားလုံခြုံရေး" ဖြစ်တယ် လို့ ဆိုက်ဘာကာကွယ်ရေး ဦးစီးချုပ် Paul Nakasone က မေ ၁၄ ရက်မှာ အောက်လွှတ်တော်ကော်မတီရှေ့မှောက် သက်သေခံချက်မှာ ကွန်ဂရက်စ်ကို ပြောကြားခဲ့ပါတယ်။ 

အမေရိကန်ပြည်ထောင်စုရဲ့ အကြီးမားဆုံး လောင်စာပိုက်လိုင်းဖြစ်တဲ့ ကိုလိုနီပိုက်လိုင်းကို ဟက်ကာတွေရဲ့ စံချိန်တင် အနှောင့်အယှက်ပြု တိုက်ခိုက်မှုကြောင့် အချိန်တပတ်ကြာလောက် လောင်စာဆီပြတ်လပ်မှု ဖြစ်ပွားခဲ့အပြီးမှာ ပြောကြားခဲ့တာပါ။

 အက်ဖ်ဘီအိုင်ဆိုက်ဘာစုံထောက်တွေဟာ ယူအက်စ် စွမ်းအင်အခြေခံအဆောက်အဦရဲ့ အစိတ်အပိုင်း အတော်များများကို အားနည်းချည့်နဲ့စေတဲ့ တိုက်ခိုက်မှုကို စုံစမ်းရှာဖွေရာမှာ အီလီနွိုက်စ်နည်းပညာကုမ္ပဏီအပါအဝင် အခြားကုမ္ပဏီသုံးခုကနေ လုံခြုံရေးကျိုးပေါက်တဲ့ အချက်အလက်တွေကို တွေ့နေရတယ်လို့ ဒီကိစ္စအတွက် တာဝန်ပေးထားတဲ့ DarkSide အဖွဲ့က ပြောပါတယ်။ 

ဒီတိုက်ခိုက်မှုဟာ  ဆိုက်ဘာရာဇ၀တ်မှုကျူးလွန်ဖို့  အရေးပါတဲ့ အမေရိကန် အခြေခံ အဆောက်အဦတွေရဲ့ အားနည်းချက်ကို ထင်ရှားစေပါတယ်။

 ကြာသပတေးနေ့ နှောင်းပိုင်းမှာတော့ အရှေ့ဘက်ကမ်းခြေ တလျှောက် စျေးကွက်တွေဆီ ပင်လယ်ကွေ့ကမ်းခြေရှိ သန့်စင်စက်ရုံတွေနဲ့ ချိတ်ဆက်ထားတဲ့ ပိုက်လိုင်းစနစ်တစ်ခုလုံးကို ပြန်လည်စတင်လိုက်ပြီလို့ ကိုလိုနီပိုက်လိုင်းက ကြေညာခဲ့ပါတယ်။ 

ကိုလိုနီပိုက်လိုင်းကတော့ ဟက်ကာတွေ ငွေကြေးဘယ်လောက် ရှာသွားဆိုတာရယ် သူတို့ကို ပေး၊ မပေး စတာတွေကို ဘာမှ ထုတ်ဖော်ပြောကြားတာ မရှိတဲ့အပြင်  ကိုလိုနီ ပိုက်လိုင်းမှာ ရွေးနုတ်ငွေတွေကို ပုံမှန်အားဖြင့် ဖုံးကွယ်ပေးတဲ့ အာမခံအမျိုးအစား ရှိတယ်လို့ ဒီကိစ္စနဲ့ ကျွမ်းဝင်နေသူ ၃ ယောက်က ရိုက်တာသတင်းဌာနကို ပြောပါတယ်။ 

1 month Ago

ကိုဗစ်-၁၉ ထုတ်လုပ်မှု မူပိုင်ခွင့်ကိစ္စစွန့်လွှတ်ရန် အမေရိကန်နှင့်အခြားနိုင်ငံများကို ဥရောပ ကော်မရှင် သတိပေး

အမေရိကန်နဲ့ အခြား ကိုဗစ်-၁၉ ကာကွယ်ဆေး ထုတ်လုပ်တဲ့ အဓိကနိုင်ငံတွေအနေနဲ့ အသိဉာဏ်ပစ္စည်း မူပိုင်ခွင့်စွန့်လွှတ်ဖို့ကိစ္စ ဆွေးနွေးနေကြတာထက် ဥရောပသမဂ္ဂက လုပ်သလို ကာကွယ်ဆေးတွေ တင်ပို့တာကိုပဲ လုပ်ဆောင်ဖို့ မေ ၇ ရက်မှာ ဥရောပကော်မရှင်က ပြောကြားလိုက်ပါတယ်။ 

မူပိုင်ခွင့်စွန့်လွှတ်ဖို့ကိစ္စ ဆွေးနွေးနေကြတာဟာ ကာလတို-ကာလလတ်မှာ ကိုဗစ်-၁၉ ဆေးတစ်လုံး ထိုးစာကိုတောင် ထုတ်လုပ်ပေးမှာ မဟုတ်ဘူးလို့ ကော်မရှင်အကြီးအကဲ အာဆူလာ ဖွန် ဒယ်လေယန်က အီးယူခေါင်းဆောင်များ ထိပ်သီးညီလာခံရဲ့ ပြင်ပ သတင်းအစည်းအဝေးမှာ ပြောသွားတာပါ။ 

ဥရောပသမဂ္ဂဟာ ကမ္ဘာပေါ်မှာ အကြီးအကျယ်တင်ပို့နေတဲ့ တစ်ခုတည်းသော တိုက်ကြီး သို့မဟုတ် ဒီမိုကရေစီဒေသဖြစ်တယ်လို့ ဖွန်ဒါလေယန်က ပြောကြားပါတယ်။ 

ဥရောပက ထုတ်လုပ်တဲ့ coronavirus ကာကွယ်ဆေးရဲ့ ၅၀ ရာခိုင်နှုန်းလောက်ကို ကမ္ဘာ့ကျန်းမာရေးအဖွဲ့မှ ကျောထောက်နောက်ခံပြုထားသော COVAX အစီအစဉ်ထဲက နိုင်ငံတွေအပါအဝင် နိုင်ငံပေါင်း ၉၀ နီးပါးကို တင်ပို့တယ်လို့လည်း ပြောပါတယ်။

 ထုတ်လုပ်မှုမြင့်မားခြင်း၊ ပို့ကုန်အတားအဆီးများကို ဖယ်ရှားခြင်းနဲ့ ကြိုတင်မှာယူထားတဲ့ ကာကွယ်ဆေးတွေကို မျှဝေခြင်းတွေကသာ ကူးစက်ရောဂါကို မြန်မြန်ဆန်ဆန် တိုက်ဖျက်နိုင်ဖို့ ချက်ချင်း ကူညီပေးနိုင်မယ်လို့လည်း ဆိုပါတယ်။ 

ကာလတိုနဲ့ အလယ်အလတ်ကာလမှာ လိုအပ်ချက် ပထမဆုံးက ကာကွယ်ဆေး ဝေမျှခြင်းဖြစ်ပြီး ဒုတိယ ထုတ်လုပ်နေတဲ့ ကာကွယ်ဆေးတွေ တင်ပို့ခြင်းနဲ့ တတိယအချက်ကတော့ ကာကွယ်ဆေးထုတ်လုပ်နိုင်စွမ်း တိုးမြှင့်ရေးအတွက် ရင်းနှီးမြှုပ်နှံမှုလို့ ပြောပါတယ်။

ဥရောပသမဂ္ဂဟာ ကာကွယ်ဆေး ခွဲဝေရေးစနစ်ကို စတင်ခဲ့တာကို အနောက်ဘော်လ်ကန်ဒေသဆီ ဆေးပမာဏ ၆၁၅,၀၀၀ ပေးပို့ခဲ့တာကို ဥပမာပေး ပြောသွားပါတယ်။

1 month Ago

တယ်လီနောမြန်မာကုမ္ပဏီ အမေရိကန်ဒေါ်လာ ၇၈၃ သန်းခန့် ဆုံးရှုံးမည်ခန့်မှန်း

မြန်မာနိုင်ငံအခြေစိုက် တယ်လီနောမြန်မာကုမ္ပဏီအနေနဲ့  ၂၀၂၁ ပထမ ၃ လပတ်အတွင်း အမေရိကန်ဒေါ်လာ ၇၈၃ သန်းလောက် ဆုံးရှုံးခဲ့လိမ့်မယ်လို ကုမ္ပဏီက ထုတ်ပြန်ပါတယ်။ 

စီးပွားရေးလုပ်ငန်းအခြေအနေ အလားအလာတွေ ဆိုးရွားလာနေတာရယ် လုံခြုံရေးနဲ့ လူ့အခွင့်အရေး အခြေအနေ ယိုယွင်းလာတာတွေကြောင့် ရှေ့ဆက်ပြီး တိုးတက်လာနိုင်မယ့် အလားအလာ ကန့်သတ်ချက်တွေ မြင််တွေ့နေရတယ်လို့ တယ်လီနောကုမ္ပဏီ အကြီးအကဲ Sigve Brekke က ပြောဆိုပါတယ်။ 

ပုံမှန်မဟုတ်တဲ့ မသေမချာအခြေအနေတွေကို အကြီးအကျယ် စိုးရိမ်နေတယ်လို့လည်း သူကပြောပါတယ်။ ကုမ္ပဏီအနေနဲ့ဝန်ထမ်းတွေရဲ့ လုံခြုံရေးနဲ့တကွ တယ်လီနောအသုံးပြုသူတွေရဲ့ ဝန်ဆောင်မှုတွေကို အာရုံစိုက်ထားပြီး ပွင့်လင်းမြင်သာမှုကို ဆက်လက်ကျင့်သုံးနေမယ်လို့ ကြေညာပါတယ်။ 

မြန်မာနိုင်ငံမှာ ဖေဖေါ်ဝါရီ ၁ ရက်နေ့ စစ်အာဏာသိမ်းပြီးနောက်ပိုင်း အချိန်အကန့်အသတ်နဲ့ အင်တာနက်ဖြတ်တောက်မှုတွေရှိခဲ့ပြီး မတ်လ ၁၅ ရက်နေ့ကစပြီး မိုဘိုင်းလ်အင်တာနက်တွေ ဖြတ်တောက်ခံခဲ့ရပါတယ်။

ဒါကြောင့် တယ်လီနောရဲ့ အင်တာနက်အသုံးပြုမှုကရတဲ့ ဝင်ငွေထက်ဝက်လောက် ကျဆင်းခဲ့ရပါတယ်။ မြန်မာနိုင်ငံမှာတယ်လီနော အသုံးပြုသူဟာ ပြီးခဲ့တဲ့ ၃ လပတ်အတွင်း ၂ သန်းတိုးလာခဲ့ပြီး စုစုပေါင်း ၁၈ သန်းကျော်ရှိလာတယ်လို့ ဖေါ်ပြထားပါတယ်။

1 month Ago

အာဆီယံနိုင်ငံခြားရေးဝန်ကြီးများက တရုတ်၊ အမေရိကန်ကိုယ်စားလှယ်တို့နှင့် မြန်မာ့အရေး ဆွေးနွေးမည်

မြန်မာ့နိုင်ငံရေးအကျပ်အတည်းကို ဖြေရှင်းဖို့ကြိုးပမ်းနေတဲ့ အာဆီယံအဖွဲ့အစည်းအနေနဲ့ တရုတ်နဲ့ အမေရိကန်နိုင်ငံကိုယ်စားလှယ်တွေနဲ့ အာဆီယံနိုင်ငံခြားရေးဝန်ကြီးတွေ မကြာခင်တွေ့ဆုံဆွေးနွေးနိုင်ဖို့ ပြင်ဆင်နေတယ်လို့ ဂျကာတာကလာတဲ့သတင်းမှာ ဖေါ်ပြထားပါတယ်။

တရုတ်ကိုယ်စားလှယ်နဲ့  တွေ့ဆုံမယ့်အစည်းအဝေးအစီအစဉ်က အရင်ပိုစောနိုင်မယ့် အခြေအနေရှိပြီး အမေရိကန်နဲ့ စည်းဝေးနိုင်ဖို့ ညှိနှိုင်းနေဆဲကိစ္စထဲမှာ မြန်မာစစ်ကောင်စီကိုယ်စားလှယ်ကို ဖိတ်ခေါ်သင့် မခေါ်သင့်လည်း ပါဝင်တယ်လို့ သတင်းမှာ ဖေါ်ပြထားပါတယ်။ 

ပြီးခဲ့တဲ့ ဧပြီ  ၂၄ ရက်နေ့က အာဆီယံခေါင်းဆောင်တွေရဲ့ အစည်းဝေးပွဲမှာ မြန်မာ့နိုင်ငံရေးပြဿနာကို ဖြေရှင်းနိုင်ဖို့ အာဆီယံအဖွဲ့ရဲ့ အထူးကိုယ်စားလှယ်စေလွှတ်နိုင်ဖို့နဲ့ လူသားချင်းစာနမှုအကူအညီတွေပေးအပ်နိုင်ဖို့ အပါအဝင် အချက် ၅ ချက်ကို ဘုံ သဘောတူခဲ့ကြပေမယ့် အာဆီယံအနေနဲ့ တချက်မှ လက်တွေ့အကောင်အ ထည်မဖေါ်နိုင်သေးပါဘူး။

အမေရိကန်နိုင်ငံခြားရေးဌာန ပြောခွင့်ရပုဂ္ဂိုလ်ကတော့ မြန်မာအာဏာသိမ်း စစ်ကောင်စီ ကြောင့်ဖြစ်ပေါ်လာတဲ့ နိုင်ငံရေးအကျပ်အတည်းကို ငြိမ်းချမ်းစွာအဖြေရှာနိုင်ဖို့ အာဆီယံရဲ့ ကြိုးပမ်းချက်ကို ကြိုဆိုတဲ့အကြောင်း ပြောဆိုထားပါတယ်။ 

အာဆီယံအဖွဲ့စည်းဝေးပွဲမှာ သဘောတူခဲ့တဲ့အချက်တွေကို အရေးယူဆောင်ရွက်မှုတွေ ဆက်လုပ်ရပါမယ်လိုလည်း မြန်မာနိုင်ငံဆိုင်ရာ ကုလသမဂ္ဂ အကြံပေးကောင်စီက တိုက်တွန်းလိုက်ပါတယ်။

NUG အမျိုးသားညီညွတ်ရေးအစိုးရဟာ နိုင်ငံတကာအသိုက်အဝန်းအတွက် အပြုသဘော ဆက်ဆံရမယ့် အဖွဲအစည်းတခုဖြစ်နေပေမယ့် စစ်ကောင်စီခေါင်းဆောင် မင်းအောင်လှိုင်ကတော့  အာဆီယံ သဘောတူညီချက်တွေကို မထီမဲ့မြင် လုပ်နေတယ်လို့ ဝေဖန်ထားပါတယ်။

စစ်ကောင်စီအကြမ်းဖက်အဖွဲ့ခေါင်းဆောင်  မင်းအောင်လှိုင်ဟာ အာဆီယံအစည်းအဝေးမှာ  အာဆီယံကထုတ်ပြန်ထားတဲ့ အချက် ၅ ချက်ကို သဘောတူခဲ့ပေမဲ့ မြန်မာနိုင်ငံပြန်ရောက်တဲ့အခါမှာတော့ နိုင်ငံတည်ငြိမ်မှုအပေါ်မှာ မူတည်ပြီး ဒီအချက်တွေကို စဉ်းစားဦးမယ်လို့ ပြောထားပြန်ပါတယ်။

1 month Ago

အာဆီယံထိပ်သီးအစည်းအဝေးရလဒ် ကုလလုံခြုံရေးကောင်စီက စောင့်ဆိုင်းနေဟု အမေရိကန် သံမတ်ကြီးပြော

အရေးပေါ်အာရုံစိုက်ဖို့လိုအပ်နေတဲ့ မြန်မာနိုင်ငံပြဿနာနဲ့ပတ်သက်လို့ အာဆီယံထိပ်သီး အစည်းအဝေးကြီးကနေ ထွက်ပေါ်လာမယ့် အဖြေကို ကုလလုံခြုံရေးကောင်စီက နေ စိတ်ထက်သန်စွာစောင့်ဆိုင်းနေကြတယ်လို့  အမေရိကန် သံအမတ်ကြီးက ပြောဆိုလိုက်ပါတယ်။

ကုလသမဂ္ဂဆိုင်ရာ အမေရိကန် သံအမတ်ကြီး လင်ဒါသောမတ်စ် ဂရင်းဖီးလ်ဒ်က သူ့ရဲ့ လူမှုကွန်ရက် ထွစ်တာကနေ ရေးသားပြောဆိုလိုက်တာဖြစ်ပါတယ်။ 

အာရှဒေသတွင်းလုံခြုံရေးအပေါ် မြန်မာစစ်တပ်ရဲ့ ခြိမ်းခြောက်နေမှုကို ရပ်တန့်နိုင်ဖို့ ကြေညာချက်တွေထုတ်ပြန်နေရုံနဲ့ မလုံလောက်နိုင်တော့ဘူးလို့လည်း  ပြီးခဲ့တဲ့ ကုလသမ္မ လုံခြုံရေးကောင်စီ မြန်မာနိုင်ငံဆိုင်ရာကြားနာပွဲအပြီးမှာ  အမေရိကန်သံအမတ်ကြီးက ပြောဆိုခဲ့ဖူးပါတယ်။

အာဆီယံခေါင်းဆောင်တွေရဲ့ အထူးထိပ်သီးအစည်းအဝေးကို ဒီကနေ့ အင်ဒိုနီးရှားနိုင်ငံ ဂျာကာတာမြို့မှာ ကျင်းပနေရာမှာ အာဏာသိမ်းစစ်ခေါင်း ဗိုလ်ချုပ်မှူးကြီးမင်းအောင်လှိုင်လည်း ပါဝင် တက်ရောက်နေပါတယ်။ 

2 months Ago

မြန်မာ့သစ်လုပ်ငန်းနှင့် ပုလဲလုပ်ငန်းတို့ကို အမေရိကန်က ပိတ်ဆို့ဒဏ်ခတ်

မြန်မာနိုင်ငံပိုင် သစ်ထုတ်လုပ်ရေးလုပ်ငန်းနဲ့ ပုလဲမွေးမြူထုတ်လုပ်ရေးလုပ်ငန်း ၂ ခုကို အမေရိကန်အစိုးရက နာမည်ပျက်စာရင်းသွင်းပြီး စီးပွားရေးနဲ့ ကုန်သွယ်ရေး ပိတ်ဆို့ ဒဏ်ခတ်လိုက်တယ်လို့ အမေရိကန် ဘဏ္ဍာရေးဌာနက ဧပြီ ၂၁ ရက်မှာ ထုတ်ပြန်ပါတယ်။

မြန်မာနိုင်ငံမှာ စစ်အာဏာသိမ်းမှုကို တုံ့ပြန်တဲ့အနေနဲ့ စစ်ကောင်စီကို ဖိအားတိုးပေးဖို့ အမေရိကန်ကရည်ရွယ်ခဲ့တာလို့ အမေရိကန် ဘဏ္ဍာရေးဌာန၊ နိုင်ငံခြားပိုင်ဆိုင်မှု ထိန်းချုပ်ရေးရုံးက ပြောပါတယ်။

သစ်ထုတ်လုပ်ရေးလုပ်ငန်းနဲ့  ပုလဲလုပ်ငန်း နှစ်ရပ်ဟာ အာဏာသိမ်း စစ်တပ်အတွက် အဓိက ဝင်ငွေရင်းမြစ်တွေကို ပံ့ပိုးပေးနေတယ်လို့လည်း အမေရိကန်က စွပ်စွဲ ထားပါတယ်။

ခုလို ပိတ်ဆို့ဒဏ်ခတ်တာနဲ့ ပတ်သက်ပြီး မြန်မာ့သစ်လုပ်ငန်းကို ဆက်သွယ်လို့ မရသလို ပုလဲလုပ်ငန်းနဲ့ အမေရိကန်ဆိုင်ရာ မြန်မာသံရုံးကို ဆက်သွယ်ရာမှာလည်း  ချက်ချင်း တုံ့ပြန်ခြင်း မရှိသေးပါဘူး။

စစ်တပ်အာဏာသိမ်းမှုနဲ့ အကြမ်းဖက်မှုတွေအတွက် တာဝန်ခံမှုရှိလာအောင် စစ်တပ်အတွက် ရံပုံငွေရရှိနေတဲ့ လမ်းကြောင်းတွေကိုပစ်မှတ်ထားပိတ်ဆို့တာတွေ ဆက်ပြီး လုပ်သွားမယ်လို့ အမေရိကန်နိုင်ငံခြားရေးဝန်ကြီး ဘလင်ကန်ကလည်း ကြေညာချက် ထုတ်ပြန် ပြောဆိုပါတယ်။

“ကျနော်တို့ဟာ မြန်မာပြည်သူတွေရဲ့ စစ်အာဏာသိမ်းမှုကျဆုံးရေး အားထုတ်မှုတွေကို ဆက်ပြီး ထောက်ခံသွားမယ်။ မြန်မာစစ်တပ်ကိုလည်း  အကြမ်းဖက်မှု ရပ်တံ့ဖို့၊ မတရား ဖမ်းဆီးခံ အားလုံးကို ပြန်လွှတ်ဖို့နဲ့ မြန်မာနိုင်ငံကို ဒီမိုကရေစီ လမ်းကြောင်းပေါ် ပြန်ဆောင်ကြဉ်းဖို့ ဆော်သြတယ်” လို့ ဝန်ကြီး ဘလင်ကန်က ဆက်ပြောပါတယ်။

အမေရိကန် ဘဏ္ဍာရေး ဌာနကလည်း  ဒဏ်ခတ်တာဟာ မြန်မာပြည်သူတွေကို ဦးမတည်ဘဲ အာဏာသိမ်းသူတွေရဲ့ ပိုင်ဆိုင်မှုတွေကို သိမ်းဆည်းဖို့နဲ့ ရံပုံငွေ ဖြတ်တောက်ဖို့ ရည်ရွယ်ထားတယ်လို့ ပြောခဲ့ပါတယ်။

နိုင်ငံပိုင် ပုလဲလုပ်ငန်းဟာ သဘာဝပတ်ဝန်းကျင်ဝန်ကြီးဌာန လက်အောက်မှာ ရှိပြီး ကမာကောင် ဖမ်းဆီးမွေးမြူရေးနဲ့ ပုလဲပြပွဲကတဆင့် ပုလဲရောင်းချရေး လုပ်ကိုင်သလို ပုလဲလုပ်ငန်းရှင်တွေကို လိုင်စင်ချပေးရမှာ တာဝန်ရှိတဲ့ဌာနဖြစ်တယ်လို့  အမေရိကန် ဘဏ္ဍာရေး ဌာနက ပြောပါတယ်။

2 months Ago

မြန်မာစစ်ခေါင်းဆောင်ကို အာဆီယံက နားချနိုင်မည်မဟုတ်ဟု အမေရိကန်သံအမတ်ဟောင်းပြော

အာဆီယံနိုင်ငံတွေဟာ မိတ်ဆွေသဘော ဖျောင်းဖျတိုက်တွန်းမှုမျိုးနဲ့ စစ်ကောင်စီ ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို နားချနိုင်လိမ့်မယ်မဟုတ်ဘူးလို့ မြန်မာနိုင်ငံဆိုင်ရာ အမေရိကန်သံအမတ်ကြီးဟောင်း စကော့ မာစီရယ်က ဝေဖန်ပြောဆိုပါတယ်။

ဘဏ္ဍာရေးအရဖြစ်စေ အရေးယူပိတ်ဆို့နိုင်တဲ့ ပြင်းထန်တဲ့ခြိမ်းခြောက်မှု တစ်ခုခုနဲ့ ဖြစ်စေ တွန်းအားပေးနိုင်ဖို့ လိုအပ်လိမ့်မယ်လို့ စကော့မာစီရယ်က သူ့ရဲ့တွစ်တာစာမျက်နှာမှာ ရေးသားထားပါတယ်။ 

အာဆီယံ အရှေ့တောင်အာရှနိုင်ငံများအသင်းဟာ ပြည်တွင်းရေးဝင်ရောက်မစွက်ဖက်ရေးမူနဲ့ အပြုသဘောဆက်ဆံရေး အစဉ်အလာတွေကျင့်သုံးနေခဲ့တဲ့ အဖွဲ့အစည်းဖြစ်ပါတယ်။

အာဆီယံနိုင်ငံတွေဘက်က အထူးကိုယ်စားလှယ်တစ်ယောက်ကို မြန်မာနိုင်ငံဆီစေလွှတ်နိုင်ဖို့ ရည်ရွယ်နေတဲ့အကြောင်း သတင်းတွေထွက်ပေါ်နေပြီး နိုင်ငံတကာ လူ့အခွင့်အရေးစောင့်ကြည့်အဖွဲ့ Human Rights Watch ကတော့ စစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို အစည်းအဝေးတက်ရောက်ဖို့ ဖိတ်ကြားထားတာကို ပြန်လည်ရုပ်သိမ်းဖို့ တောင်းဆိုထားပါတယ်။ 

2 months Ago

မြန်မာအာဏာသိမ်းစစ်အုပ်စုကို ဆက်လက်ဖိအားပေးအရေးယူရန် အမေရိကန်နှင့် ဂျပန် ကတိပြု

မြန်မာနိုင်ငံမှာ အရပ်သားပြည်သူတွေအပေါ် စစ်တပ်နဲ့ ရဲတွေရဲ့ အကြမ်းဖက်မှုတွေ ချက်ချင်းရပ်တန့်ဖို့အတွက် အာဏာသိမ်းစစ်အုပ်စုကို ဆက်လက်ဖိအားပေးအရေးယူမယ်လို့ အမေရိကန်နဲ့  ဂျပန်ခေါင်းဆောင် ၂ ဦးက   ကတိပြုလိုက်ပါတယ်။ 

ဂျပန်ဝန်ကြီးချုပ် ဆူဂါယိုရှီဟိဒဲနဲ့ အမေရိကန်သမ္မတ ဂျိုးဇက်အာဘိုင်ဒင်တို့    ဝါရှင်တန်ဒီစီမှာ တွေ့ဆုံပြီးနောက် ခေါင်းဆောင် နှစ်ဦးက အမေရိကန်-ဂျပန် မိတ်ဖက်လက်တွဲမှုဆိုင်ရာ ပူးတွဲကြေညာချက်ကို  ဧပြီ ၁၆ ရက်က ထုတ်ပြန်ရာမှာ မြန်မာ့အရေးနဲ့ ပတ်သက်လို့လည်း ထည့်သွင်း ဖော်ပြထားတာပါ။

“မြန်မာစစ်တပ်နဲ့ရဲတွေရဲ့ အရပ်သားပြည်သူတွေအပေါ် အကြမ်းဖက်မှုကျူးလွန်တာတွေကို မိမိတို့ ပြင်းပြင်းထန်အထန် ကန့်ကွက်ရှုတ်ချပါတယ်။ အကြမ်းဖက်မှုတွေချက်ချင်းရပ်တန့်ရေး၊ ဖမ်းဆီးထားသူတွေအားလုံးကိုပြန်လွှတ်ပေးရေးနဲ့ ဒီမိုကရေစီအမြန်ဆုံးပြန်လည်အသက်သွင်းရေး ဆက်လက်ဖိအားပေးအရေးယူဖို့အတွက် မိမိတို့ကတိပြုပါတယ်”လို့ ပူးတွဲကြေညာချက်မှာ‌ ဖော်ပြပါတယ်။

ဒါ့အပြင် မြောက်ကိုရီးယား နယူးကလီးယားအစီအစဉ် အပြည့်အဝဖျက်သိမ်းစေရေး လုပ်ဆောင်ဖို့ ကတိကဝတ်ကို နှစ်နိုင်ငံစလုံးက ထပ်လောင်း အတည်ပြုလိုက်ပြီး မြောက်ကိုရီးယား အနေနဲ့ ကုလသမဂ္ဂလုံခြုံရေးကောင်စီဆုံးဖြတ်ချက်နဲ့ နိုင်ငံတကာအသိုက်အဝန်းရဲ့ တောင်းဆိုချက်တွေကို လိုက်နာဖို့ တောင်းဆိုလိုက်ပါတယ်။

အင်ဒို-ပစိဖိတ်ဒေသမှာ လွတ်လပ်မှု၊ ပွင့်လင်းမှု၊ အသုံးပြုခွင့်၊ ကွဲပြားခြားနားခွင့်နဲ့ ရှင်သန်ခွင့်တို့အတွက် အမေရိကန်နဲ့ ဂျပန်တို့အနေနဲ့  Quad အဖွဲ့ကနေတဆင့်   ဩစတြေးလျနဲ့ အိန္ဒိယအပါအဝင်  မဟာမိတ်တွေ မိတ်ဆွေနိုင်ငံတွေနဲ့ ဆက်လက်ပြီး ဆောင်ရွက်သွားမယ်လို့ ဆိုပါတယ်။

ဒါ့အပြင်  အင်ဒို-ပစိဖိတ်ဒေသမှာ အာဆီယံရဲ့ စည်းလုံးညီညွတ်မှုနဲ့ အဓိကကျတဲ့ အနေထားကို အားပေးထောက်ခံသလို  အင်ဒို-ပစိဖိတ်ဒေသပေါ် အာဆီယံရဲ့ သဘောထားအမြင်ကို ထောက်ခံတယ်လို့လည်း နှစ်နိုင်ငံ ပူးတွဲကြေညာချက်မှာဖော်ပြထားပါတယ်။

 Photo- Japan Gov

2 months Ago

CRPH ခေါင်းဆောင်များနှင့် အမေရိကန် ထိပ်တန်းအရာရှိများဆွေးနွေး

ပြည်ထောင်စုလွှတ်တော်ကိုယ်စားပြုကော်မတီ (CRPH) တာဝန်ရှိသူတွေနဲ့  အမေရိကန်ပြည်ထောင်စု အရှေ့အာရှနဲ့ ပစိတ်ဖိတ်ရေးရာ ဗျူရိုထိပ်တန်းအရာရှိ Atual Keshap၊ အမေရိကန်ပြည်ထောင်စု လူ့အခွင့်အရေးဒီမိုရေစီနဲ့ အလုပ်သမားရေးရာဗျူရိုထိပ်တန်းအရာရှိ Scott Busby တို့ ဒီကနေ့ ဧပြီလ ၁၆ ရက်နေ့မှာ ဆွေးနွေးခဲ့ပါတယ်။

အဲဒီဆွေးနွေးပွဲကို ခေတ္တဒုတိယသမ္မတဦးမန်းဝင်းခိုင်သန်းအပါအဝင် ခေတ္တနိုင်ငံခြားရေးဝန်ကြီး ဒေါ်ဇင်မာအောင်၊ လူမှုရေးဝန်ကြီး ဒေါက်တာဝင်းမြတ်အေး အစိုးရအဖွဲ့ဝန်ကြီး ဦးလွင်ကိုလတ်နဲ့ မြန်မာနိုင်ငံဆိုင်ရာ ကုလသမဂ္ဂ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းကို တက်ရောက်ခဲ့တာပါ။

နွေဦးတော်လှန်ရေးမှာ နိုင်ငံတကာက ထောက်ခံအားပေးမှုအပြည့်ရှိနေပြီး ဒီကနေ့ဆွေးနွေးမှုမှာ CRPH အတွက်ရော ပေါ်ပေါက်လာမယ့် အမျိုးသားညီညွတ်ရေးအစိုးရအတွက်ရော အာဏာရှင်ကို နည်းပေါင်းစုံနဲ့ တော်လှန်ပြီး ဖက်ဒရယ်ဒီမိုကရေစီ နိုင်ငံတည်ဆောက်ရေးအတွက်အရေးပါတဲ့ ကိစ္စတွေ ဆွေးနွေးပြီး သဘောတူညီမှုတွေရရှိခဲ့တယ်လို့ ခေတ္တအစိုးရအဖွဲ့ရုံးဝန်ကြီး ဦးလွင်ကိုလတ်က ဒီဗွီဘီသတင်းဌာနကို ပြောဆိုပါတယ်။

ဒီကနေ့ဆွေးနွေးခဲ့တဲ့ Atual Keshap ကလည်း သူ့ရဲ့တွစ်တာလူမှုကွန်ရက်ကနေ  မြန်မာနိုင်ငံ ဒီမိုကရေစီလမ်းကြောင်းကို ပြန်သွားဖို့အရေးကြီးတာတွေကို သဘောတူခဲ့ပြီး ဒီမိုကရေစီအရေးကြိုးပမ်းနေတာကို အလေးနက်ထောက်ခံတယ်လို့ရေးသားထားပါတယ်။

2 months Ago

အကြမ်းဖက်မှုနှင့် ထိုးစစ်ဆင်တိုက်ခိုက်မှုများရပ်ဆိုင်းရန် မြန်မာစစ်တပ်ကို အမေရိကန်သံရုံး တိုက်တွန်း

မြန်မာနို်ငငံတဝန်း အကြမ်းဖက်မှုတွေနဲ့  ထိုးစစ်ဆင်တိုက်ခိုက်နေမှုတွေကို  ရပ်ဆိုင်းဖို့  အာဏာသိမ်းမြန်မာစစ်ကောင်စီကို   ရန်ကုန်ရှိ မြန်မာနိုင်ငံဆိုင်ရာ အမေရိကန်သံရုံးက တိုက်တွန်းလိုက်ပါတယ်။

“အဟောင်းမှ​အသစ်သို့ ကူးပြောင်းခြင်းကာလဖြစ်တဲ့ အတာသင်္ကြန်ကာလနီး ကပ်လာတာနဲ့ အမျှ ပဲခူးနဲ့ မြန်မာနိုင်ငံတဝန်းမှာ  စစ်အစိုးရတပ်ဖွဲ့တွေက  စစ်ဘက်တိုက်ခိုက်ရေးမှာ အသုံးပြုတဲ့ လက်နက်တွေ အရပ်သားပြည်သူတွေအပေါ် အသုံးပြုခဲ့တယ်လို့ သတင်းတွေကြားသိနေရပြီး အကျိုးဆက်ဖြစ်တဲ့ အဓိပ္ပာယ်မဲ့ အသက်ဆုံးရှုံးမှုတွေအတွက် မိမိတို့ ဝမ်းနည်းစိတ်မကောင်း ဖြစ်ရပါတယ်” လို့ သံရုံးထုတ်ပြန်ချက်မှာ ဖော်ပြပါတယ်။

ဒါ့ပြင် စစ်အစိုးရမှာ ဒီအကျပ်အတည်းကို ဖြေရှင်းနိုင်တဲ့ အရည်အချင်းရှိပြီး အကြမ်းဖက်မှုတွေနဲ့ ထိုးစစ်ဆင်တိုက်ခိုက်နေမှုတွေကို  ရပ်ဆိုင်းခြင်းဖြင့် စတင်အကောင်အထည်ဖော်ဖို့ လိုတယ်လို့လည်း ဆိုပါတယ်။

ပြီးခဲ့တဲ့ရက်က ပဲခူးမြို့မှာ ငြိမ်းချမ်းစွာဆန္ဒပြတဲ့ ပြည်သူတွေကို စစ်ကောင်စီရဲ့ လက်နက်ကိုင်တပ်တွေက စစ်ပွဲသုံးလက်နက်တွေနဲ့ ပစ်ခတ်တိုက်ခိုက်ခဲ့လို့  အရပ်သားပြည်သူ ၈၀ ကျော် ကျဆုံးခဲ့ရပါတယ်။ 

ကရင်ပြည်နယ်နဲ့ ကချင်ပြည်နယ်ထဲမှာလည်း စစ်တပ်တွေက ထိုးစစ်ဆင်တိုက်ခိုက်နေသလို လေတပ်ကပါ တိုက်လေယာဉ်တွေနဲ့ ဗုံးကြဲတိုက်ခိုက်နေတဲ့အတွက် ပြည်သူတွေ သေဆုံးဒဏ်ရာရခဲ့ကြသလို သောင်းနဲ့ချီတဲ့ စစ်ဘေးရှောင်ဒုက္ခသည်တွေလည်း ထွက်ပေးနေကြရတာ ဖြစ်ပါတယ်။

စစ်ကောင်စီ ပြန်ကြားရေးဒုဝန်ကြီး ဗိုလ်မှူးချုပ်ဇော်မင်းထွန်းကတော့ နှစ်ဖက် လူအသေအပျောက် နည်းအောင် လေကြောင်းကနေ တိုက်ခိုက်နေတာဖြစ်တယ်လို့ ပြီးခဲ့တဲ့ နေပြည်တော်သတင်းစာရှင်းလင်းပွဲမှာ ပြောထားပါတယ်။

2 months Ago

မြန်မာပြည်သူတို့၏ ရဲရင့်မှုအတွက်ချီးကျူးကြောင်း အမေရိကန်နိုင်ငံခြားရေးဝန်ကြီး သင်္ကြန်သဝဏ်လွှာပို့

 မြန်မာပြည်သူတွေရဲ့ ရဲရင့်မှုအတွက်ချီးကျူးတဲ့အကြောင်းနဲ့ ဒီမိုကရေစီနဲ့ ငြိမ်းချမ်းရေးအတွက် အမေရိကန်ပြည်ထောင်စုက ဆက်လက် အခိုင်အမာထောက်ခံအားပေးနေမှာဖြစ်ကြောင်း အမေရိကန်နိုင်ငံခြားရေးဝန်ကြီး အန်တိုနီ ဘလင်ကင်က ပြောပါတယ်။ 

၂၀၂၁ ခုနှစ်၊ မြန်မာနှစ်သစ်ကူး သင်္ကြန်အခါသမယအထိမ်းအမှတ်  ဒီကနေ့ ဧပြီ ၈ နေ့ နေ့စွဲနဲ့ ထုတ်ပြန်ချက်သဝဏ်လွှာမှာ  အမေရိကန်နိုင်ငံခြားရေးဝန်ကြီး ဘလင်ကင်က အမေရိကန်ပြည်ထောင်စုကိုယ်စား  ပြောထားတာပါ။

“သင်္ကြန်ဆိုသည်မှာ အဟောင်းတို့ကို ဆေးကြော၍ အသစ်တို့တဖန် ပြန်လည်စတင်မွေးဖွားသော အခါသမယဖြစ်သည်။ မြန်မာပြည်သူများအတွက် အဓွန့်ရှည်တည်တံ့သော ကောင်းခြင်းမင်္ဂလာများနှင့် ငြိမ်းချမ်းမှုများ နှစ်သစ်တွင်ဆောင်ကြဉ်းပေးလာပါစေကြောင်း၊ ယခုကဲ့သို့ အခက်အခဲကာလတွင် အမေရိကန်ပြည်ထောင်စုက ရိုးသားစွာမျှော်လင့်ပါသည်။ စစ်တပ်အာဏာသိမ်းပြီးချိန်ကစ၍ မြန်မာပြည်သူတို့ တစိုက်မတ်မတ် ပြသလာနေခဲ့သော ရဲရင့်မှုတို့အတွက် မိမိတို့ချီးကျူးပါသည်။”လို့ သဝဏ်လွှာမှာ ရေးသားဖော်ပြထားပါတယ်။

ဒါ့အပြင် မြန်မာပြည်သူတွေဟာ  စစ်အာဏာရှင်ရဲ့ ထိတ်လန့်ကြောက်ရွံ့ဖွယ်အကြမ်းဖက်မှုနဲ့ ဖိနှိပ်မှုတို့ကို ရင်ဆိုင်ပြီး သူတို့ရဲ့အသံကို ကမ္ဘာကကြားသိအောင်ဖော်ပြခဲ့ကြတယ်။ ဒီအခက်အခဲအကြပ်အတည်းကို ကျော်ဖြတ်နိုင်ရေး၊ မြန်မာနိုင်ငံဒီမိုကရေစီလမ်းကြောင်းပေါ် ပြန်လည်ရောက်ရှိရေးနဲ့ ရေရှည်တည်တံ့တဲ့ ငြိမ်းချမ်းမှုအောင်မြင်ရေးတို့အတွက် ဆောင်ရွက်နေကြတဲ့ မြန်မာပြည်သူတွေအတွက် အမေရိကန်ပြည်ထောင်စုက ဆက်လက် အခိုင်အမာထောက်ခံအားပေးနေမယ်လို့ လည်း အမေရိကန် နိုင်ငံခြားရေးဝန်ကြီးက ပြောပါတယ်။

Photo Credit- GOV

2 months Ago

အမေရိကန်စင်တာကို သေနတ်ဖြင့်ပစ်ခတ်ခဲ့သူ ဖမ်းမိဟု စစ်ကောင်စီမီဒီယာ ထုတ်လွှင့်

အမေရိကန်စင်တာကို သေနတ်နဲ့ ပစ်ခတ်ခဲ့တဲ့ အေးသော်ကောင်းကို  မတ်လ ၃၀ ရက် မနက် ၉ နာရီလောက်မှာ ရန်ကုန် ဗဟန်းမြို့နယ် သံလွင်လမ်းနေအိမ်မှာ မာစီဒီးကားနဲ့အတူ ဖမ်းဆီးရမိခဲ့တယ်လို့ ဒီကနေ့  ဧပြီ ၇ ရက်ည   MRTV ရုပ်သံသတင်းမှာ ထုတ်လွှင့်သွားပါတယ်။

အေးသော်ကောင်းဟာ ပြီးခဲ့တဲ့ ဖေဖော်ဖော်ဝါရီလအတွင်းမှာ ဂတ်စ်လေအိုးနဲ့ ပစ်ခတ်ရတဲ့ အနက်ရောင  ပစ္စတိုသေနတ်တစ်လက်နဲ့ ခဲသီးကျည် အတောင့် ၁၅၀ ကို ငွေကျပ် သိန်း ၁၉၀၀၀ နဲ့ အွန်လိုင်းကနေ ဝယ်ယူခဲ့တာလို့ ဆိုပါတယ်။

ဒီနောက် ယာဉ်နံပတ်ပြားအတုဝယ်ယူပြီး ဖခင်ပိုင်ဆိုင်တဲ့ မာစီဒီးကားမှာ ပြောင်းလဲတပ်ဆင်ကာ မတ်လ ၂၆ ရက်က အမေရိကန်စင်တာအနီး အင်းယားလမ်းမပေါ် သုံး လေးကြိမ်မောင်းနှင်ခဲ့ကာ ပတ်ဝန်းကျင်အခြေအနေ ကြည့်ရှူ ခဲ့တယ်လို့ ဆိုပါတယ်။

မတ်လ ၂၇ ရက်နေ့မှာတော့  နေအိမ်မှ ထွက်ခွာခဲ့ပြီး အမေရိကန် စင်တာအနီးရောက်ရှိစဉ် မော်တော်ယာဉ်ကို အရှိန်သတ်ကာ  ကားအတွင်းမှ အဆိုပါသေနတ်နဲ့ ၇ ချက်လောက်ပစ်ခတ်ခဲ့တယ်လို့ ဆိုပါတယ်။

နောက်တစ်နေ့ မတ်လ ၂၈ မနက်မှာ ပစ္စတိုသေနတ်အပါအဝင်သက်သေခံပစ္စည်းတွေကို  ငမိုးရိပ်တံတားပေါ်ကနေ  ငမိုးရိပ်ချောင်းထဲချကာ ဖျောက်ဖျက်ခဲ့တယ်လို့လည်းဆိုပါတယ်။

အေးသော်ကောင်းဟာ အန်အယ်လ်ဒီပါတီကိုထောက်ခံသူဖြစ်ပြီး  ဆန္ဒပြပွဲတွေမှာ ပါဝင်ခဲ့သူတစ်ဦးဖြစ်တယ်လို့လည်း စစ်ကောင်စီအာဘော် သတင်းမှာထည့်သွင်း  ထုတ်လွှင့်သွားပါတယ်။

အဆိုပါသတင်းပါ စွပ်စွဲချက်တွေနဲ့ ပတ်သက်ပြီး အေးသော်ကောင်းနဲ့ သူ့ရဲ့ မိသားစု ဘက်ကို ဆက်သွယ်မေးမြန်းနိုင်ခြင်းမရှိသေးသလို  ဒီဗွီဘီက သီးခြားအတည်ပြုနိုင်ခြင်းလည်းမရှိသေးပါဘူး။

မတ်လ ၂၇ ရက်က ရန်ကုန်မြို့ရှိ အမေရိကန်စင်တာကို ပစ်ခတ်မှုဖြစ်ပွားခဲ့ကြောင်း အမေရိကန်သံရုံးက မတ်လ ၂၇ ရက်ညပိုင်းမှာ အတည်ပြု ထုတ်ပြန်ခဲ့ပါတယ်။

အဆိုပါ ပစ်ခတ်မှုမှာ ထိခိုက်ဒဏ်ရာ ရရှိသူမရှိကြောင်းနဲ့ ယင်းအဖြစ်အပျက်ကို စုံစမ်းစစ်ဆေးနေတယ်လို့လည်း မြန်မာနိုင်ငံဆိုင်ရာ အမေရိကန်သံရုံးရဲ့ ထုတ်ပြန်ချက်မှာ ဖော်ပြခဲ့ပါတယ်။

2 months Ago

မြန်မာစစ်တပ်၏လုပ်ရပ် ရက်စက်ရမ်းကားမှုဖြစ်ဟု အမေရိကန်သမ္မတ ဂျိူးဘိုင်ဒင်ပြော

မြန်မာနိုင်ငံမှာ အပစ်မဲ့ပြည်သူတွေကို  အာဏာသိမ်းအကြမ်းဖက်စစ်အုပ်စုရဲ့ ပစ်ခတ် သတ်ဖြတ်မှုဟာ လုံးဝလက်ခံနိုင်စရာမရှိတဲ့ တရားလွန် ရက်စက်ရမ်းကားမှု ဖြစ်တယ်လို့  အမေရိကန် သမ္မတ ဂျိူးဘိုင်ဒင်က ပြင်းပြင်းထန်ထန် ပြစ်တင်ရှုတ်ချ ပြောကြားလိုက်ပါတယ်။ 

သမ္မတ ဂျိုးဘိုင်ဒင်က “ ဒါဟာ အလွန့်အလွန်ဆိုးရွားပါတယ်။ ဒါဟာ လုံးဝ ရက်စက်ရမ်းကားမှုဖြစ်တယ်။ ကျနော်ရထားတဲ့ သတင်းတွေကို အခြေခံပြီးပြောရရင် မလိုအပ်ဘဲနဲ့ လူတွေအများကြီးသေဆုံးခဲ့ရတာဟာ သိပ်ကိုဆိုးလွန်းပါတယ်”လို့  မြန်မာပြည်မှာ လတ်တလော အပြစ်မဲ့ ပြည်သူတွေသေဆုံးမှုနဲ့ ပတ်သက်တဲ့ မေးခွန်းကို ဖြေကြားခဲ့ပါတယ်။ 

မြန်မာနိုင်ငံတဝန်းမှာ မတ်လ ၂၇ ရက်က အာဏာသိမ်းအကြမ်းဖက်စစ်ကောင်စီရဲ့  တပ်တွေက ပစ်ခတ်သတ်ဖြတ်လို့  လက်နက်မဲ့ပြည်သူ အယောက် ၁၀၀ ကျော် သေဆုံးခဲ့ပြီးနောက်  ခုလို ပြောကြားလိုက်တာပါ။

မြန်မာနိုင်ငံဆိုင်ရာ အမေရိကန်သံအမတ်ကြီး သောမတ်စ်ဗိုက်ဒါကလည်း မြန်မာ့တပ်မတော်နေ့မှာ လုံခြုံရေးတပ်ဖွဲ့တွေဟာ  သူတို့ကာကွယ်စောင့်ရှောက်ပါမယ်လို့ ကတိသစ္စာပြုထားတဲ့ ကလေးတွေအပါအဝင် လက်နက်မဲ့ပြည်သူတွေကို  နိုင်ငံတစ်ဝန်း သတ်ဖြတ်နေကြောင်းနဲ့ ဒီလို သွေးမြေကျမှုမှာ ကြောက်ရွံ့ထိတ်လန့်ဖွယ်ကောင်းလှပြီး ဒီလုပ်ရပ်ဟာ  အရည်အချင်းပြည့်ဝတဲ့ တပ်မတော်တစ်ရပ် သို့မဟုတ် ရဲတပ်ဖွဲ့ရဲ့လုပ်ရပ်တွေ မဟုတ်ဘူးလို့ပြောပါတယ်။

မြန်မာနိုင်ငံ ဆိုင်ရာ ဥရောပသမဂ္ဂရုံးကတော့ ၇၆ ကြိမ်မြောက် တပ်မတော်နေ့ကို အကြမ်းဖက်နေ့၊ ဂုဏ်ကြက်သရေ ညိုးနွမ်းဖွယ်ရာနေ့တစ်နေ့ အဖြစ် ထာဝရ မှတ်ကျောက်တင်နေတော့မှာ ဖြစ်ကြောင်းနဲ့ ကလေးငယ်တွေ အပါအဝင် လက်နက်မဲ့ ပြည်သူတွေကို  သတ်ဖြတ်နေမှုဟာ  ဖုံးကွယ်ကာကွယ်လို့  ရနိုင်မယ့် လုပ်ရပ် မဟုတ်ဘူးလို့ ထုတ်ပြန်ထားပါတယ်။

3 months Ago

အမေရိကန်စင်တာပစ်ခတ်မှု သံရုံးအတည်ပြု

မတ်လ ၂၇ ရက်က ရန်ကုန်မြို့ရှိ အမေရိကန်စင်တာကို ပစ်ခတ်မှုဖြစ်ပွားခဲ့ကြောင်း အမေရိကန်သံရုံးက မတ်လ ၂၇ ရက်ညပိုင်းမှာ အတည်ပြု ထုတ်ပြန်ပါတယ်။

အဆိုပါ ပစ်ခတ်မှုမှာ ထိခိုက်ဒဏ်ရာ ရရှိသူမရှိကြောင်းနဲ့ ယင်းအဖြစ်အပျက်ကို စုံစမ်းစစ်ဆေးနေတယ်လို့လည်း မြန်မာနိုင်ငံဆိုင်ရာ အမေရိကန်သံရုံးရဲ့ ထုတ်ပြန်ချက်မှာ ဖော်ပြပါတယ်။

Photo Credit - Thet PieSOE

3 months Ago

စစ်တပ်ပိုင်ကုမ္ပဏီ ၂ ခုကို အမေရိကန်နှင့် ဗြိတိန်က ပိတ်ဆို့အရေးယူ

မြန်မာ့စီးပွားရေးဦးပိုင်လီမိတက် (MEHL) နဲ့  မြန်မာ့စီးပွားရေးကော်ပိုရေးရှင်း (MEC) တို့ကို အမေရိကန်နဲ့ ဗြိတိန်နိုင်ငံတို့က  မတ်လ ၂၅  ရက်နေ့မှာ  ပို့ဆို့ဒဏ်ခတ် အရေးယူ မှုတွေပြုလုပ်ခဲ့ပါတယ်။

အခုလို စီးပွားရေးပိတ်ဆို့ရတာဟာ ပြီးခဲ့တဲ့ ဖေဖော်ဝါရီလ ၁ ရက်နေ့က အာဏာသိမ်းခဲ့တဲ့ စစ်တပ်ရဲ့ ပြည်သူလူထုအပေါ် ရက်ရက်စက်စက် သတ်ဖြတ်မှုတွေနဲ့ လူ့အခွင့် အရေးချိုးဖောက်မှုတွေ ကြောင့် ဖြစ်တယ်လို့ ဖော်ပြထားပါတယ်။

အမေရိကန်ဘဏ္ဍာရေးဝန်းကြီးဌာနရဲ့ ထုတ်ပြန်ချက်မှာ ဆိုရင်တော့ အခုလို ပြုလုပ်ရတာဟာ တိုင်းပြည်ရဲ့ များပြားတဲ့ ဓနဥစ္စာတွေကို  စစ်တပ်ကျောထောက်နောက်ခံပြုတဲ့ ဒီစီးပွားရေးလုပ်ငန်းကြီးတွေက တဆင့်ရယူထားတာ ဖြစ်တဲ့အတွက်ကြောင့်လို့ဆိုပါတယ်။

ဒီစစ်တပ်ကျောထောက်နောက်ခံပြု စီးပွားရေးလုပ်ငန်းကြီးတွေဟာ  တိုင်းပြည်စီးပွားရေးကို ကြီးမားတဲ့ အတိုင်းအတာ တစ်ခုထိ လွှမ်းမိုးခြယ်လှယ် ထားတာလည်းတွေ့ရပါတယ်။

မြန်မာစီးပွားရေးကိုခြယ်လှယ်လုပ်ကိုင်တဲ့အခါမှာ  ဆောက်လုပ်ရေး၊  သယ်ယူပို့ဆောင်ရေးလုပ်ငန်း၊ ဆက်သွယ်ရေးလုပ်ငန်း၊ သတ္တုတူးဖော်ရေးလုပ်ငန်း၊ ဟိုတယ်နဲ့ ခရီးသွားလုပ်ငန်း၊ စိုက်ပျိုးရေးလုပ်ငန်း၊ အစားအစာနဲ့ အဖျော်ယမကာလုပ်ငန်းတွေ အထိ လည်ပတ်လုပ်ကိုင်နေတာ တွေ့ရတဲ့အကြောင်းလည်းဖော်ပြထားပါတယ်။

အခုလို အရေးယူပိတ်ဆို့လိုက်တာနဲ့ ပတ်သတ်ပြီး ပြည်ထောင်စုလွတ်တော် ကိုယ်စားပြု ကော်မတီ (CRPH) ရဲ့ ကုလသမဂ္ဂဆိုင်ရာ အထူးသံတမန် ဒေါက်တာဆာဆာကလည်း အမေရိကန်နဲ့ ဗြိတိန်တို့ရဲ့  လုပ်ဆောင်ချက်အပေါ်ကျေနပ်ဝမ်းမြောက်ကြောင်းနဲ့  တခြားနိုင်ငံက ခေါင်းဆောင်တွေလည်း အချင်းချင်းပူးပေါင်းပြီး ပိုမိုပြင်းထန်ထိရောက်တဲ့   (Targeted Sanction) ပစ်မှတ်ထား ပိတ်ဆို့ဒဏ်ခတ်အရေးယူမှုတွေကိုချမှတ်စေလိုကြောင်းပြောကြားထားပါတယ်။

အလားတူ   မြန်မာ စစ်အာဏာသိမ်းမှုနဲ့ပတ်သက်ပြီး ပြီးခဲ့တဲ့ မတ်လ ၂၅ ရက်နေ့က အမေရိကန်အထက်လွှတ်တော် နိုင်ငံခြားဆက်ဆံရေး ကော်မတီမှာပြုလုပ်ခဲ့တဲ့  ကြားနာပွဲမှာလည်း လက်ရှိ အာဏာမတရားရယူထားတဲ့ စစ်ကောင်စီကို တရားဝင် အသိအမှတ် မပြုဖို့၊ ပိတ်ဆို့ အရေးယူမှုတွေလုပ်တဲ့အခါ စစ်အုပ်စုကိုပိုပြီး အထိနာစေမယ့်  Collective Sanctions တွေကို နိုင်ငံတကာအဖွဲ့အစည်းတိုင်းက ပူးပေါင်းလုပ်ဆောင်သွားဖို့ ၊ အဓိကဝင်ငွေရလမ်းဖြစ်တဲ့ ရေနံနဲ့ သဘာဝဓာတ်ငွေ့လုပ်ငန်းကိုလည်း ပိတ်ဆို့အရေးယူမှုတွေဆောင်ရွက်ဖို့၊ အစိုးရရဲ့ လက်ရှိကျူးလွန်နေတဲ့ ရက်စက်မှုတွေ အမြန်ဆုံးရပ်တန့်သွားဖို့အတွက် အရေးယူဆောင်ရွက်မှုတွေ ပြုလုပ်ဖို့   စတဲ့ အချက်တွေကိုတောင်းဆို ဆွေးနွေးခဲ့ကြပါတယ်။

ဒီဆွေးနွေးပွဲမှာ ဆွေးနွေးခဲ့ကြတဲ့ သူတွေကတော့ အမေရိကန်နိုင်ငံခြားရေး ဝန်ကြီးဌာန အရှေ့အာရှနဲ့ ပစိဖိတ်ရေးရာ ဌာနရဲ့ ဒုတိယ လက်ထောက် နိုင်ငံခြားရေးဝန်ကြီး Atul Keshap၊ ဒီမိုကရေစီ၊ လူ့အခွင့်အရေး၊ အလုပ်သမားရေးရာ ယာယီ ဒု လက်ထောက်ဝန်ကြီး Scott Busby တို့နဲ့အတူ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Tom Andrews နဲ့ အမေရိကန်ပြည်ထောင်စု အမျိုးသမီးရေးရာ သံအမတ်ကြီးဟောင်း Kelley Currie တို့ဖြစ်ပါတယ်။

3 months Ago
More News
Up