WMO

October 27, 2021

ကမ္ဘာကြီး အပူချိန်မြင့်တက်မှု ကန့်သတ်ရေး လမ်းကြောင်းလွဲနေဟု ကုလ WMO သတိပေး

ဖန်လုံအိမ်ဓာတ်ငွေ့ သိပ်သည်းဆဟာ ၂၀၂၀ မှာ စံချိန်သစ်တင်ခဲ့ပြီး ကမ္ဘာကြီးဟာ အပူချိန် မြင့်တက်မှုကို ကန့်သတ်ရေး ပန်းတိုင်ကို ရောက်ဖို့ လမ်းကြောင်းလွဲနေပြီလို့ ကုလသမဂ္ဂ မိုးလေဝသ အေဂျင်စီ (WMO) က အောက်တိုဘာ ၂၅ ရက်မှာ သတိပေး ပြောလိုက်ပါတယ်။

ကိုဗစ်-၁၉ ကမ္ဘာ့ကပ်ရောဂါကြောင့် ဖန်လုံအိမ်ဓာတ်ငွေ့ထုတ်လွှတ်မှု ယာယီကျဆင်းပေမဲ့ ကျန်ခဲ့တဲ့ ဆယ်စုနှစ်က ပျမ်းမျှနှုန်းထက် ပိုမြင့်နေပြီး ၂၀၂၀ မှာ လေထုအတွင်း ကာဗွန်ဒိုင် အောက်ဆိုဒ် ပမာဏဟာ ၄၁၃ ဒသမ ၂ ppm ထိ မြင့်တက်နေတယ်လို့ WMO က အစီရင်ခံပါတယ်။

WMO ရဲ့ အတွင်းရေးမှူးချုပ် ပတ်တေရီတားလက်စ်က “အဓိက ဖန်လုံအိမ်ဓာတ်ငွေ့တွေ ဖြစ်တဲ့ ကာဗွန်ဒိုင်အောက်ဆိုဒ်၊ မီသိန်းနဲ့ နိုက်ထရပ်စ်အောက်ဆိုဒ် ၃ မျိုး ထုတ်လွှတ်မှုမှာ ထပ်ပြီး စံချိန်ချိုးခဲ့ပြီးပြီ။ ဒီအဖျက်သဘောဆောင်တဲ့ လမ်းကြောင်းဟာ ကျနော်တို့ ဆယ်စုနှစ်ချီ လေ့လာခဲ့ပြီး ဒီနှစ်မှာလည်း ဆက်လုပ်နေဆဲပဲ”လို့  ပြောပါတယ်။

အောက်တိုဘာ ၃၁ ရက်မှာ ကျင်းပမယ့် ကမ္ဘာ့ရာသီဥတုညီလာခံမှာ ကတိတွေ တိုးပြုကြဖို့ကိုလည်း သူက ​​ဆော်ဩပါတယ်။

နိုင်ငံပေါင်း ၂၀၀ နီးပါးက ကိုယ်စားလှယ်တွေဟာ ဂလက်စ်ဂေါမြို့မှာတွေ့ဆုံပြီး ပါရီ သဘောတူညီချက်အောက်မှာ ကမ္ဘာကြီး ပူနွေးမှုကို ကိုင်တွယ်ဖြေရှင်းဖို့ အားဖြည့် အရေးယူ ဆောင်ရွက်ရေး အမြင်တွေကို ဆွေးနွေးကြမှာလည်း ဖြစ်ပါတယ်။

3 months Ago

November 24, 2020

ဖန်လုံအိမ်ဓာတ်ငွေ့ထုတ်လွှတ်မှု ယမန်နှစ်ကထက် ပိုမြင့်တက်လာဟု WMO ထုတ်ပြန်

ကိုဗစ်-၁၉ ကပ်ရောဂါကြောင့် အသွားအလာထိန်းချုပ် ကန့်သတ်ထားချိန်မှာ ဖန်လုံအိမ် ဓာတ်ငွေ့ ထုတ်လွှတ်မှု ကျဆင်းသွားမယ်လို့ မျှော်လင့်ထားပေမဲ့ ၂၀၁၉ ထက်စာရင် ဒီနှစ်မှာ ပိုတက်လာတယ်လို့ ကမ္ဘာ့ရာသီဥတုအဖွဲ့ကြီး WMO က နိုဝင်ဘာ ၂၃ ရက်မှာ ပြောပါတယ်။ ဒီနှစ်ထဲမှာ ကိုရိုနာဗိုင်းရပ်စ် ကူးစက်ကပ်ဘေးကြောင့် လေယာဉ်တွေ၊ သင်္ဘောတွေ ရပ်ထားရပြီး လမ်းသွားလမ်းလာတွေ အိမ်တွေထဲမှာ ပိတ်မိနေလို့ နှစ်စဉ် ကာဗွန်ထုတ်လွှတ်မှုနှုန်း အများဆုံး ကျဆင်းမယ်လို့ သိပ္ပံပညာရှင်တွေက ထင်ကြေးပေးထားခဲ့တာပါ။ ကိုဗစ်-၁၉ ကြောင့် အသွားအလာ ထိန်းချုပ်မှုဟာ ကာလတို သက်ရောက်မှု ဖြစ်လို့ သဘာဝ ပြောင်းလဲမှုကနေ ကာလတိုမှာတော့ ကိုဗစ်-၁၉ ဆိုင်ရာ ကန့်သတ်ချက်ရဲ့ သက်ရောက်မှုက သဘာဝပြောင်းလဲမှုကို အောင်နိုင်မှာမဟုတ်ဘူးလို့ WMO ရဲ့ ဖန်လုံအိမ်ဓာတ်ငွေ့ဆိုင်ရာ တရားဝင် ထုတ်ပြန်ကြေညာချက်က ဆိုပါတယ်။ ဂျီနီဗာအခြေစိုက် ကုလ မိုးလေဝသအေဂျင်စီဟာ နိုက်ထရပ်စ်အောက်ဆိုဒ်၊ မီသိန်းနဲ့ ကာဗွန်ဒိုင်အောက်ဆိုဒ်ဓာတ်ငွေ့တွေ လေထုထဲမှာရှိတဲ့ သိပ်သည်းဆကို တိုင်းတာပြီး နှစ်စဉ် အစီရင်ခံစာ ထုတ်ပြန်ခဲ့တာပါ။ ဒီဓာတ်ငွေ့တွေဟာ အစွန်းရောက် ရာသီဥတုကို ဖြစ်စေပြီး ကမ္ဘာကြီးကို ပူနွေးစေတယ်လို့ သိပ္ပံပညာရှင်တွေက ဆိုပါတယ်။ ရုပ်ကြွင်းလောင်စာတွေဖြစ်တဲ့ ကျောက်မီးသွေး၊ ရေနံ စတာတွေကို လောင်မြိုက်လို့ ထွက်လာတဲ့ ကာဗွန်ဒိုင်အောက်ဆိုဒ်အဆင့်ဟာ ကမ္ဘာကြီး ပူနွေးမှုကို ဖြစ်စေတဲ့ အကြီးဆုံး အကြောင်းရင်း ဖြစ်ပြီး ၂၀၁၉ မှာ စံချိန်သစ်တင်ခဲ့တယ် နှစ်စဉ် တိုးနှုန်းက မနှစ်ကထက် ပိုများလာပြီး ကျန်ခဲ့တဲ့ ဆယ်စုနှစ်အတွင်း ပျမ်းမျှနှုန်းထက် ကျော်လွန်နေတယ်လို့ WHO အစီရင်ခံစာက ဆိုပါတယ်။ ၂၀၂၀ အတွက် ကမ္ဘာလုံးဆိုင်ရာ သတင်းအချက်အလက်တွေ မရသေးပေမယ့် သိပ်သည်းဆ တိုးလာတဲ့ လမ်းကြောင်းက အရင်အတိုင်း ခြေရာလက်ရာ မပျက်ဘူးလို့ WMO က ပြောပါတယ်။ ဒီကနေ ကာဗွန်ထုတ်လွှတ်မှု ထိန်းချုပ်တာနဲ့ မဆိုင်သေးဘဲ ကျန်ခဲ့တဲ့ ဆယ်စုနှစ်တွေက ထုတ်လွှတ်ခဲ့တဲ့ ကာဗွန်ဒိုင်အောက်ဆိုဒ် ဓာတ်ငွေ့တွေ အများအပြားဟာ လေထုထဲမှာ ရှိနေဆဲ ဖြစ်ပြီး ကမ္ဘာကြီး ပူနွေးမှုကို ပိုတိုးစေတယ်လို့ ရာသီဥတုဆိုင်ရာ သိပ္ပံပညာရှင်တွေက ပြောထားပါတယ်။
1 year Ago
Up