WikiLeaks

A d v e r t i s e m e n t With Us

January 5, 2021

ဝီကီလိခ် တည်ထောင်သူအား နိုင်ငံရေး ခိုလှုံခွင့်ပေးမည်ဟု မက္ကဆီကိုသမ္မတ ပြော

ဝီကီလိခ် တည်ထောင်သူ ဂျူလီယန်အက်ဆန်ကို နိုင်ငံရေးခိုလှုံခွင့်ပေးဖို့ အသင့်ရှိတယ်လို့ မက္ကဆီကိုသမ္မတ လိုပက်ဇ်အော်ဘရေဒိုက ဇန်နဝါရီ ၄ ရက်မှာ ပြောပါတယ်။  ဒါ့အပြင် အက်ဆန်ကို အမေရိကန်ဆီ လွှဲမပေးတဲ့ ဗြိတိန်တရားသူကြီး ဆုံးဖြတ်ချက်ကို ထောက်ခံတယ်လို့ သူက ဆိုပါတယ်။  မစ္စတာအာဆန်ကို လွှတ်ပြီး မက္ကဆီကိုမှာ နိုင်ငံရေး ခိုလှုံခွင့်ပေးလို့ ရ၊ မရ ဗြိတိန်အစိုးရကို မေးမြန်းသွားမယ်လို့ ပုံမှန်သတင်းစာရှင်းလင်းပွဲအတွင်း သမ္မတ အော်ဘရေဒိုက ပြောခဲ့တာပါ။  လွန်ခဲ့တဲ့ တစ်နှစ်ကလည်း အာဆန်ကို လွှတ်ပေးဖို့ ဗြိတိန်အစိုးရကို အော်ဘရေဒိုက တိုက်တွန်းခဲ့ပြီး ဝီကီလိခ်အထောက်အထားတွေက ကမ္ဘာ့အာဏာရှင်တွေရဲ့ လုပ်ရပ်တွေကို ပြသတယ်လို့ သူက ပြောဆိုခဲ့ပါတယ်။
2 months Ago

ဝီကီလိခ်စ်တည်ထောင်သူအား အမေရိကန်သို့လွှဲပေးရေး လန်ဒန်တရားရုံး ပယ်ချ

ထောက်လှမ်းရေး သတင်းအချက်အလက်တွေကို ဖွင့်ချတဲ့ ဝီကီလိခ်စ် အင်တာနက် စာမျက်နှာတည်ထောင်သူ ဂျူလီယာအာဆန်ကို ထောက်ခံသူတွေ ဗြိတိန်နိုင်ငံ မြို့တော် လန်ဒန်က အိုးလ်ဒ်ဘိုင်လေတရားရုံးအပြင်မှာ ဇန်နဝါရီ ၄ ရက်က အောင်ပွဲခံနေကြပါတယ်။ အာဆန်ကို သူလျှိုမှု အပါအဝင် စွဲချက်တွေကို ရင်ဆိုင်ဖို့ အမေရိကန်နိုင်ငံဆီ လွှဲပေးရေး တောင်းဆိုချက်ကို တရားသူကြီးက ငြင်းပယ်လိုက်အပြီး ခုလို အောင်ပွဲခံနေတာပါ။ ၂၀၁၉ ခုနှစ်တည်းက ဗြိတိန်နိုင်ငံက ထောင်ထဲမှာ နေရတဲ့ အာဆန်ဟာ အမေရိကန် စစ်တပ်ရဲ့ လျှို့ဝှက်သတင်း အချက်အလက်တွေကို ဝီကီလိခ်စ်ကနေတဆင့် ဖြန့်ချိမှုနဲ့ပတ်သက်ပြီး အမေရိကန်အစိုးရက အမှုပေါင်း ၁၈ မှုနဲ့ စွပ်စွဲခံထားရပါတယ်။ ဒါ့အပြင် သူ့ကို အမေရိကန်မှာ တရားစီရင်ဖို့ အမေရိကန်ကို လွှဲပေးရေး မနှစ်က ဇွန်လမှာ တရားဝင် တောင်းဆိုထားပါတယ်။ အကျဉ်းသား လွှဲပြောင်းရေးဟာ အာဆန်ရဲ့ လွတ်လပ်စွာ ပြောဆိုခွင့်ကို ဟန့်တား ချိုးဖောက်ရာကျမှာ စိုးရိမ်လို့ လွှဲမပေးသင့်ဘူးလို့ တရားသူကြီးက ပြောဆို ပယ်ချပါတယ်။ တကယ်လို့ အမေရိကန်ရဲ့ လုံခြုံရေးအမြင့်ဆုံး ထောင်ထဲမှာ ထိန်းသိမ်းခံရရင် အာဆန်ဟာ သူ့ကိုယ်သူ သတ်သေမယ့် တကယ့်ဘေးလည်း ရှိနေတယ်လို့ တရားသူကြီးက ပြောပါတယ်။ လန်ဒန် တရားရုံးချုပ်ရဲ့ ဆုံးဖြတ်ချက်ကို အမေရိကန် အစိုးရရှေ့နေတွေက အယူခံဝင်ဦးမှာပါ။ ဒီအမှုဟာ တရားလွှတ်တော်ချုပ်ထိ ရောက်သွားနိုင်တယ်လို့ ရိုက်တာ သတင်းမှာ သုံးသပ်ပါတယ်။ အာဆန်ကို အာမခံနဲ့ လွှတ်ပေးဖို့ သူ့ရှေ့နေတွေက ဗုဒ္ဓဟူးနေ့မှာ ကြိုးစားကြဦးမှာပါ။ အာဆန်ဟာ ကျန်ခဲ့တဲ့ ဆယ်စုနှစ်တခုလုံး အကျဉ်းကျသလို ပုန်းအောင်းနေရပြီး ထောင်လည်း ကျခဲ့ပြီးပါပြီ။ တရားစီရင်ရေး လုပ်ငန်းစဉ်တရပ်လုံးက အမေရိကန်သမ္မတ ဒေါ်နယ်ထရမ့် အစိုးရရဲ့ နိုင်ငံရေးအကွက်ရွှေ့မှုလို့ အာဆန်ရဲ့ ရှေ့နေအဖွဲ့က ငြင်းခုံပြောဆိုပါတယ်။ အာဆန်ကို အကျဉ်းသားအဖြစ် အမေရိကန်ကို လွှဲပေးလိုက်ပါက သတင်းထောက်တွေရဲ့ အလုပ်ကို ဆိုးဆိုးရွားရွား ခြိမ်းခြောက်ရာ ရောက်လိမ့်မယ်လို့လည်း သူတို့က ပြောပါတယ်။
2 months Ago
Up